#فى_غرام_أفعى
#ياسمين_احمد-----------------------------------
... انتهى من تبديل ثيابه وخرج ليجد أنه أول من خرج فققر إنتظارهم فى الحديقة حتى يلحقوا به ، جلس حورس على كرسي واضعاً حاسوبه المحمول على قدميه يقلب فيه يبحث عن شئ معين ، دقائق حتى وصل لهذا المنتدى الذي يدخل إليه وأخذ يتصفح ما به من منشورات شيقة وممتعة بالنسة له وكان من حين لأخر يلتفت حوله خشية أن يراه أحد , انغمس فى ما يعرضه عليه حاسوبه ولم يفق سوى على صوت نحنحة من خلفه أفزعه وجعله يغلق حاسوبه بسرعة لينظر لهذا الشخص قائلاً :
- حورس برعب وهو يضع يده موضع قلبه :- يا شيخة حرام عليكى هتركبينى عفاريت .
- ياسمين هاتفة ببراءة :- ليه بس يا حراحيرو هو انا عملت حاجة ! .
- حورس بقرف :- حراحيرو !! كرهت اسمى فجأة ، بقولك ايه قوليلى جرجس عادى مدام هتخلى حورس تبقي حراحيرو .
- ياسمين وهى تهز كتفيها بلامبالاة :- خلاص تبقي جراجيرو مفرقتش ، ولا أقولك جرجوسة ؟! .
- حورس بتأفف :- يا ياسمين ارحمينى ايه جرجوسة دى ! ، وبعدين هو حورس اصلاً اسم الدلع بتاعى بتدلعيه ليه ، هتدلعى الدلع يبقي بواخة يا ستى .
- ياسمين صائحة بتشنج :- حوّر بقي ، حوّر عشان مسألكش كنت بتعمل ايه واتخضيت اوى كدة لما قفشتك ، كنت بتعمل ايه يا حورس ؟ صارحني احنا اهل برضه .
- حورس بتوتر :- ها ؟ لا عادى ده انا كنت بقلب فى السوشيال ميديا ، مفيش حاجه معينة .
- ياسمين ناظرة له بخبث :- لا والله ؟ وقفلت اللاب بسرعه ليه ؟ خايف أشوف الفيس بوك بتاعك ولا حاجة ؟ .
- حورس :- ايه ده وانتى مالك ؟ انا حر .
- ياسمين مبتسمة بسخرية :- طب خف على نفسك عشان ميطقلكش عرق وتقع مننا وانت لسة صغير ، قولى بقي كنت بتتفرج على أفلام من إياها ؟ .
- حورس زافراً بضيق :- انتى هتلبسينى مصيبة يابنتى ! .
- ياسمين وهى تهز كتفيها بلامبالاة :- ملهاش معنى تانى .
- حورس وهو يرفع أحد حاجبيه بغل :- وافرضي ؟ هتعملى ايه يعنى ؟ ولا تكونى عايزة تتفرجى معايا ؟ .
- ياسمين شاهقة وهى تضرب على صدرها برعب :- يا نصيبتى يا حورس ، انت بجد بتتفرج على الحاجات السيكو سيكو دى يا واد .
- حورس :- هو انتى شوفتينى قبل كدة بعمل الحاجات السيكو سيكو دى ؟ .
- ياسمين وهى تحلل الأمر :- لا ، بس يمكن بتتفرج عشان مش عارف تعمل .
- حورس بضحك :- وأنا ايه اللى يخلينى مش عارف وانا معايا شلة البنات القدرات دول ؟ .
- ياسمين :- يمكن عشان احنا مسلمين وانت مسيحى مثلاً فحرام .
أنت تقرأ
فى غرام أفعى
Acción... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...