#فى_غرام_أفعى
#ياسمين_احمد-------------------------------------
... كانت مجرد دقائق هى ما مرت حتى وصلوا إلى المشفى ولكنها مرت عليهم كالدهر يستنزفهم الوقت ، يموتون قلقاً ورعباً يدب الفزع فى أوصالهم كلما تخيلوا حدوث أمر سئ ، ينتشر صوت قرع قلوبهم فى الهواء مع صرخات فيجو التى تدل عن مدى معاناته ليشكلوا معاً سيمفونية مرعبة تأكل أعصابهم وتدمر ثباتهم ، كان يقبع فى أحضان شقيقه يصرخ بألم لم يتخيل أن يشعر به ، قدمه المصابة تورمت بشدة ويشعر وكأن روحه تخرج منها ، صرخ بما تبقي لديه من قوة وهو يقبض على مقدمة قميص توأمه هادراً بعنف :
- فيجو صارخاً بألم شديد :- آآآه رجلى ، رجلى بتوجعنى آآآه آآآآآه ، هموت يا حسام همووووت ، مش قادر أستحمل ، آآآآآآه .
- فيشو ببكاء وهو يربت على كتفه :- إجمد يا حبيبي عشان خاطري ، قربنا نوصل والله ، هتبقي كويس متخافش .
- فيجو بألم :- مش قادر ، بتوجعنى اوى مش قادر والله بتوجعنى .
... حاول الصمود من أجل توأمه الذي يعانى أمامه وليس بيده سوى الصبر ، وصلوا أخيراً لينزلوا جميعاً مهرولين داخل مبنى المشفى منهم من يصرخ لطلب طبيب ومنهم من يساعد فيشو لإسناد توأمه ، أدخلوه غرفة الطوارئ وخرجوا مجبرين بعد أن تم منعهم من البقاء برفقته حتى بعدما صاح فيشو بأنه توأمه ، مر عليهم الوقت لا يعلمون أكان طويلاً أم قصيراً بل إنهم من شدة القلق لا يعلمون كم من الوقت مكث فيجو بالداخل من الأساس ، أخيراً نزلت رحمة الله على رؤوسهم حين ولج الطبيب من الغرفة ينظر إليهم بشك بينما هرولوا ناحيته بلهفة يسألونه عن صديقهم بقلق ، تعمد عدم الرد على أسئلتهم ثم سألهم بهدوء بارد قائلاً :
- الطبيب :- ممكن أعرف اللى حصله ده حصل من ايه ؟ .
- فيشو بحدة :- طب طمنا عليه الأول وبعدين نبقي نحكى ونتحكى فى اللى حصل .
- الطبيب :- أنتوا أصحابوا ؟ .
- فيشو بضيق وقد بدأ صبره بالنفاذ :- اه ، وأنا عقبال عندك توأمه ، ممكن أعرف أخويا حصله ايه ولا تحب أطربق المستشفي على دماغك .
- الطبيب بحدة مهدداً :- ده انا اللى هوديكوا في داهية وهبلغ البوليس لو مقولتوش الولد ده رجله اتكسرت كدا ازاى .
- أمير بصدمة :- ايه ؟ اتكسرت ؟! .
- الطبيب بسخرية :- اه يا حبيبي اومال فيها واوا .
- فيشو وهو يتنفس بعمق حتى يهدأ :- طيب يا دكتور لو سمحت سيبنى أطمن على أخويا وبعدين ابقي هبب اللى تهببه المهم أشوفه وأطمن عليه .
- الطبيب ببرود :- مش قبل ما افهم كل حاجة ده غير أنه نام بمفعول المخدر اللى أخده .
- أمين بغباء :- مخدر ايه ؟! .
أنت تقرأ
فى غرام أفعى
Hành động... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...