#فى_غرام_افعى
#ياسمين_احمد
---------------------------------------------
... شعرت بسعادة عارمة تجتاح خلايا جسدها بعد كلماته التى أطربت أذنيها ونشرت الطاقة الإيجابية فى وجدانها فهو وكما توقعت قام بإزالة حزنها واعادة ثقتها بنفسها لذا نهضت بسرعة ومسكت بيده قائلة بإمتنان :
- صدف :- أنا مش عارفة أقولك ايه !! كنت متأكدة انك هتعرف تساعدنى .. متشكرة أوى يا علي .
- علي بهدوء :- طب سيبي إيدى عشان عايزها وقوليلى عملتى ايه فى البت الجديدة .
- صدف بضحك :- هو أنا شريرة اوى كدة ؟ .
- علي وقد قطب ما بين حاجبيه :- ليه بتقولى كدة ! .
- صدف :- أصلك مهتم تعرف وزى ما تكون متأكد إنى عملت فيها حاجة .
- علي :- لا عادى مجرد فضول مش أكتر .
- صدف بنبرة عادية وقد عادت الى جلستها مرة اخرى :- معملتش حاجة .
- علي :- ليه ! .
- صدف :- مش فايقة ليها بصراحة ، ماليش كيف أركز معاها فاهم .
- علي بصوت خفيض :- ده ربنا نجدها نوسة .
- صدف مستفهمة :- بتقول حاجة يا علي ؟! .
- علي :- مش بقول حاجة ، قولتيلى اسمها ايه ؟ .
- صدف بإمتعاض :- ياسمين .
- علي :- اسمها حلو .
- صدف بضيق :- مش بالإسم خالص .
- علي :- ليه ده حتى بيقولك كل واحد له نصيب من اسمه .
- صدف بلا مبالاة :- مش بقتنع بالكلام ده الحقيقة .
- علي :- اممممم شكلنا مش هيعمر مع بعض .
- صدف :- هو أنا عطلتك عن حاجة لما جيت ؟ .
- علي :- لا عادى انا كنت داخل أنام .
- صدف :- هتسافر امتى ؟ .
- علي :- كمان كام يوم كدة .
- صدف :- مش بدرى ؟! .
- علي :- فيه أشعة وتحاليل وحاجات لازم تتعمل قبل العملية .
- صدف بنبرة مليئة بالبهجة :- أنا متفائلة أوى على فكرة .
- علي وهو يرفع يديه إلى أعلى :- ربع التفاؤل بتاعها يارب .
- صدف بإبتسامة وقد نهضت من مقعدها :- طيب بما ان روحك المرحة حضرت وهتسهر عليا أسيبك أنا بقي .
- علي بتهكم بمصطنع :- ليه ما انتى قاعدة .
- صدف بمرح :- كان بودى والله بس ورايا مشغوليات .
- علي :- روحى يابنت السفير روحى .
- صدف بتردد :- طيب ممكن طلب أخير ؟ .
أنت تقرأ
فى غرام أفعى
Боевик... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
