#فى_غرام_أفعى
#ياسمين_أحمد
-----------------------------------------
... كان قاسم يقف على مقربة من الحصان وطلب من ياسمين الاقتراب هى أيضاً لتقف أمامه فإنصاعت لأمره لينظر لها وقد بدأ فى الشرح قائلاً :
- قاسم بتمكن :- لازم تعرفى ان الفرس هو اللى بيختار الفارس مش العكس يعنى الحصان بيسمح لناس معينة تركبة وناس تانية لا .
- ياسمين مشيرة الى الحصان :- ولما هو كدا مش ناخد رأى الأخ رعد الأول يمكن ميحبنيش أركب عليه ويبقي كل اللى اتعلمته راح على الفاضي .
- قاسم وهو يزفر بضيق :- ما بلاش لماضة عشان نخلص .
- ياسمين بإستفزاز :- انا مش بتلامض انا بس مش عايزة أضيع وقتى .
- قاسم بنزق :- ما هو اللى انا هعلمهولك هيخلى الحصان يختارك .
- ياسمين :- طيب إتفضل .
- قاسم :- لازم تعودى حصانك على نظام معين خاص بيكى يميزك بيه عن باقى الناس .
- ياسمين :- نظام زى إيه ! .
- قاسم :- أى حاجة الحصان يكون متعود يشوفها منك مش من غيرك ولما يلاقيها حصلت يعرف انها منك انتى عشان يحبك ويفضلك عن الكل .
- ياسمين بسماجة :- أيوة زى إيه مثلاً ؟ .
- قاسم وهو يمط شفتيه من بطئ فهمها :- يعنى مثلاً يكون متعود إنه يتفسح برا الإسطبل معاكى إنتى مش بيخرج برا مع حد غيرك ، انا مثلاً بستعمل مع فيروزة نظام الروايح يعنى لما حد بيحميها بيحميها بماية بس لكن أنا بغسلها بشامبو له ريحة معينة مش بغيره عشان كدا اليوم اللى بكون موجود معاها فيه بيبقي عيد بالنسبة ليها لأن اليوم ده هتستحمى بالشامبو بتاعى .
- ياسمين :- اه فهمت .
- قاسم :- لازم كمان الفرس يطمن ليكى عشان يسيبك تركبي على ضهره وده هيحصل لما تكونى حنينة عليه .
- ياسمين :- حنينة ازاى يعنى ؟ .
... إبتعد قاسم عن الفرس قليلاً ليفسح لها المجال ثم أشار لها بالإقتراب قائلاً :
- قاسم :- يعنى تحتويه خليه يحس انك فهماه وفيه بينك وبينه لغة تواصل ، تعالى قربي حطى إيدك على الفرس .
- ياسمين بتعجب :- مين دى اللى تقرب ! .
- قاسم :- انتى اللى تقربي .
- ياسمين بهلع :- لا طبعاً مستحيل ، افرض عضنى .
- قاسم :- لا متقلقيش الخيل مبيعضش .
- ياسمين ببعض الراحة :- الله يطمنك .
- قاسم وهو يكمل حديثه :- الخيل بيرفس بس .
- ياسمين بصوت هامس لنفسها :- الله يلعنك .
- قاسم وقد سمع هسهستها :- بتقولى ايه ؟! .
أنت تقرأ
فى غرام أفعى
Aksiyon... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
