#فى_غرام_أفعى
#ياسمين_احمد
-----------------------------------
... وقعت عليها الكلمات كالصاعقة ، لوهلة لم تفهم معنى كلمة " مزور " أو بالأصح لم تتخيل أنهم يقصدون المعنى الحرفى للكلمة ، دارت فى رأسها العديد من الأفكار المختلفة التى لم تتفق الا فى كونها أفكار سيئة ، نظرت لهم نظرات بلهاء غير مستوعبة المفاجأة ، كانت نظرات الجميع مسترخية وكأن ما يقوله قاسم أمر طبيعى ولكن ما الطبيعى فى إستخدامهم أوراق شخصية مزيفة ، حمحمت عدة مرات لتجلى حلقها محاولة إخراج صوتها ثم قالت بتوتر :
- ياسمين بصوت مهزوز :- مزورة يعنى .... مزورة اللى هما مش حقيقيين صح ؟ .
- فيجو :- هو التزوير له معنى تانى ايه غير كدة .
- ياسمين مبتسمة برعب :- يا حلاوة المولد .. ده انتوا على كدة لو اتقفشتوا مش هتطلعوا من السجن غير على يوم الحساب على طول من كمية التُهم اللى لابساكوا .
- فيشو بسخط :- هو احنا كنا قولنانلك انك هتشتغلى معانا مُقرأة .
- ياسمين بسماجة :- لا يا خفيف بس مش لدرجة تزوير يعنى .
- نجف بهدوء :- أمال انتى كنتى مفكرة اننا بنسافر ازاى ؟ .
- فيجو :- وبنسوق عربياتنا ازاى ؟ .
- ياسمين بذهول :- يعنى كلكوا معاكوا ورق مزور .
- أمين :- لا طبعاً مش الكل .. قاسم ودارين وفيجو بس اللى معاهم ورق .
- ياسمين وقد تقلصت المسافة بين حاجبيها :- واشمعنى قاسم ودارين وفيجو معاهم والباقى لأ ؟ .
- حورس بسخرية :- تفرقة عنصرية .
- ياسمين :- طب ومين اللى عملكوا الورق ده ؟ .
- علي :- هيكون مين يعنى !! .
- ياسمين بصدمة :- القائد بتاعنا .
- أمير :- برافو عليكى يا فلتة .
- ياسمين :- انا حاسة انى دوخت .. طب ازاى ؟! وليه ؟! طب مخافش تتعكشوا ؟ .
- علي بتعجب وقد رفع أحد حاجبيه :- نتعكش !! .
- حورس مبتسماً :- أيوة قصدها نتقفش .
- علي وهو يقلب عينيه :- اتحفتنى .
- صدف :- طب هنعمل ايه دلوقتى ؟ .
- علي :- المفروض نجرب ندور عليها تانى .
- صدف وكأنها لم تسمعه :- أنا بقول يا قاسم ندور عليها كمان مرة .
- علي بغيظ من تجاهلها له :- والله ؟! ما هو ده اللى قولته .
- صدف بلامبالاة :- مسمعتكش .
... زمجر بغيظ وأدار وجهه بعيداً ، أطلت عليهم دارين ويبدو عليها الإستياء الشديد ، تقدمت ونظرت اليهم جميعاً لترى أن شيرين غير موجودة لذلك سألتهم عنها قائلة :
أنت تقرأ
فى غرام أفعى
Actie... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
