#فى_غرام_أفعى
#ياسمين_أحمد
-----------------------------------------
... قطب صلاح جبينه فى عدم فهم ليتحرك اللواء منصور من مقعده ملتفاً حول المكتب ليجلس على الكرسي المقابل له قائلاً :
- اللواء منصور :- مفيش حاجة مشتركة فى كل الحكايات دى غير فاعل الخير اللى بيبعت الأظرف إياها .
- صلاح :- أيو بس فاعل الخير ده بيساعدنا ايه المشكلة دلوقتى ؟ .
- اللواء منصور :- المشكلة انه خارج عن القانون .. بيعمل كدة فى الخفاء عشان عارف انه غلط .
- صلاح :- او ممكن يكون بيعمل كدة عشان عارف اننا هنهاجمه وهنمنعه من انه يعمل كدة .
- اللواء منصور :- لنفس السبب يا صلاح .. هنهاجمه ونمنعه لنفس السبب لأنه غلط .
- صلاح :- ايه اللى غلطه يا فندم .. ده بيتخلص من ناس بتخرب فى البلد يا اما بنفسه يا اما بيساعدنا عشان نعمل ده .
- اللواء منصور :- لأنه مش من حقه يعمل كدة .. مش من صلحياته .. هو مش ظابط .
- صلاح بإستنكار :- هو الظابط بس ورجل الأمن هو اللى من حقه يدافع عن بلده أو عن الحق عموماً .
- اللواء منصور :- أيوة يا صلاح والمواطن العادى من واجبه انه لما يشوف حاجة غلط يبلغنا عنها واحنا نتصرف والا الدنيا هتبقي غابة لو كل واحد شاف حاجة مش عجباه راح قتل او خرب .
- صلاح :- اسمحلى يا فندم أعترض معاك .. احنا عارفين قانون بلدنا كويس زى ما فيه حاجات حلوة فيه حاجات وحشة وكتير بيحمى ناس متسواش ولا تاجر مخدرات ولا سلاح لمجرد انه معاه حصانة كرسي فى مجلس ولا فى وزارة ولا زى ما بيقولوا مسنود من ناس جامدة .. اللى بيعمل كدة يا فندم بيبلغ الأول فعلاً بدليل المعلومات اللى بتوصلنا بس لما بيلاقي مفيش اجراء قانونى للاصلاح بيصلح هو بإجراء غير قانونى .. وبعدين هو مش بيغير حاجة مش عاجباه هو بيغير حاجة مش عاجبة حد خالص لأن محدش يعجبه تجارة سلاح ومخدرات والقرف ده .. وكمان عمر الدنيا ما هتبقي غابة وزى ما فيه الوحش اللى بيخرب فيه الحلو اللى بيصلح وبيحارب الوحش .
- اللواء منصور معقباً على نهاية حديثه متناسي عمداً بدايته :- الكلام ده مش كلام عملى يا سيادة اللوا .. اللى بيعمل كدة مش بيأذي غير نفسه .. ممكن فى غارة من اللى بيعملوها دى يموتوا ويروحوا بلاش وممكن يتمسكوا ولو انا وانت رحمناهم القانون مش هيرحمهم .. احنا منعرفش حاجة عن الناس دول ياترى سنهم كام ولا بنات ولا ولاد ولا ظروفهم ايه مينفعش يضيعوا نفسهم بالشكل ده .. اسمع يا صلاح احنا لازم ندور كويس فى الموضوع ده ونعرف الحقيقة عشان نقدر نلحق اللى بيعملوا كدة واللى انا متأكد منه انه مش واحد لوحده لا دول كتير .. انت عارف انى قريب هسيب الخدمة بس اوعدك انى طول ما انا فى الخدمة هدور وهعمل اللى عليا عشان اوصل للحقيقة وانت كمان اوعدنى انك تفضل تدور لحد ما توصل للحقيقة يا صلاح .
- صلاح بإذعان :- أوعدك يا باشا .
- اللواء منصور بإبتسامة :- ودلوقتى تقدر تروح على شغلك يا سيادة اللوا .
- صلاح وهو يقف ويؤدى التحية العسكرية :- تمام يا فندم .
... إنصرف صلاح نحو مكتبه وهو يفكر بالأمر ملياً .. ترى من هؤلاء وما قصتهم ؟ ، اندمج سريعاً فى عمله حتى نسي - مؤقتاً - أمر هؤلاء الجنود الخفيين .
-------------------------------------------
... لم يتأخروا كثيراً فلم تمضي سوا نصف ساعة حتى أعادها الى منزلها مرة أخرى حتى لا تتأخر ويعنفها والدها .. المسكين لا يعلم انها روح أباها ، وقفا أمام منزلها يودعها قائلاً :
- أمين :- خلاص كدة .. صافى يا لبن ؟ .
- شيرين مبتسمة :- حليب يا قشطة .
- أمين مستنكراً بمزاح :- مش عارف احنا بنتصالح ولا بنحلب بقرة .
... ضحكت بقوة حتى أدمعت عيناها فهو منذ بداية اللقاء وهو يحاول بشتى الطرق جعلها تضحك وإسعادها حتى نال أخيراً شرف صداقتها ، هدأت ضحكاتها تدريجياً وقالت بينما هو يراقبها :
- شيرين :- أنا هدخل أنا بقي قبل ما بابا يقفشنا .
- أمين بمرح :- أيوة روحى لأنى مش ناوى أتدبس فى أكتر من عزومة عشا .
- شيرين بعدم فهم :- قصدك ايه ؟ .
- أمين وهو يدفعها نحو بوابة المنزل :- لا دى يبقي أبوكى يفهمهالك .
- شيرين مبتعدة وهى تلوح له بيدها :- طيب يلا سلام بقي .
- أمين مبتسماً وهو يلوح لها وبنبرة لم تسمعها :- سلام يا بنت بارم ديله .
... إبتعد عن منزلها يفكر أنه أحرز تقدماً عظيماً ويجب عليه أن يشكر ياسمين فور عودتها لأنها كانت تساعده فى الأمر وكانت تتابعه خطوة بخطوة كما أنها هى صاحبة فكرة الغداء ، بينما هى دخلت الى غرفتها ترتمى على سريرها وتنظر الى السقف بإبتسامة صافية ولأول مرة تشعر بهذا الكم من السعادة .
-------------------------------------------
... حزم الجميع أمتعتهم فهم سيعودون من رحلتهم الى الأقصر فى الصباح الباكر ، قضوا وقتاً رائعاً ولكن قد إشتاقوا الى ذويهم بشدة لذلك حركهم الشوق كى يجمعوا أشيائهم بسرعة ويناموا جميعاً يحلمون باللقاء القريب ، أصبحت صدف لا تتحدث مع علي كثيراً كما فى السابق كعقاب له على ما عدته رفضه لها بينما هو قد أثر به غيابها بشدة ولكنه قرر عدم الضغط عليها وفضل الإبتعاد حتى يتمكن من إتخاذ قرار قاطع بشأن علاقتهم ، قررت دارين أن ياسمين ستعود الى منزلها بعد يومين من عودتهم من الأقصر وأن فيجو هو من سيعيدها ، شيرين وأمين تقربوا أكثر من بعضهم وأصبحت الأمور على ما يرام بينهم بل أنه ملأ فراغ حياتها وجعلها لا تحتاج شئ فى حياتها سواه .
---------------------------------------------
رأيكم ؟
توقعاتكم ؟
معلش البارت صغير شوية بس مضغوطة اوى اليومين دول .. ادعولى 💙💜
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
