#فى_غرام_أفعى
#ياسمين_احمد---------------------------------------
... وصلوا إلى المنزل يحمدون الله على وصولهم سالمين بدون خسائر جسيمة ، رمى فيجو مفاتيحه على الطاولة ورمى جسده على الأريكة متنهداً بتعب ، جلس الجميع يلتقطون أنفاسهم فخرج فيشو من المطبخ ومعه أكواب من عصير الليمون تقدم بها مدعياً الخجل وقدم لكل واحد منهم كوبه قائلاً :
- فيشو بخجل مصطنع :- قولت أعملكم حاجة بإيدى .
- حورس بسخرية :- انت مالك عامل زى البنت اللى طالعة تقابل اهل عريسها كدة ليه ؟ .
... لم يرد عليه فيشو بل رمقه بنظرة قرف وتقدم من توأمه الذي أخذ منه الكوب وأمسك مرفقه قبل أن يذهب ونظر له بلؤم قائلاً :
- فيجو وهو يرفع أحد حاجبيه :- وطبعاً وأنت بتعمل العصير شربتلك يجى خمس ست كوبيات كدة صح ؟ .
- فيشو وهو يسحب يده من يد أخيه بعنف وضيق :- ولا شفطة .. حرام بقي يا أخى إستأمنى شوية عن كدة .
- فيجو بسخرية :- أستأمنك أنت يا إبن أمى .. للأسف صعب .
- فيشو بتهكم :- بس مش مستحيل يا حبيبي .. حاول إنت بس وربنا يقدرك .
... جلس فيشو على أحد الكراسي وإنتظر حتى هدأ الجميع فسألهم بقليل من القلق :
- فيشو :- ها كله تمام ؟ .
- دارين :- اه الحمد لله عدت على خير .
... كان الوجوم يفترش الوجوه بالأخص ياسمين وسيف وهذا ما جعل فيشو غير مقتنع بما قالته دارين وكاد يسأل عما حدث ولكن صدف وقفت قائلة بزفير متعب :
- صدف :- أنا همشي بقي ( ثم نظرت الى فيشو ) نجف فين ؟ .
- فيشو :- مشيت من بدرى قالت هتغطى على غيابك فى البيت عشان باباكى لو سأل عنك .
- صدف :- تمام أنا هرجع البيت بقي .
- فيجو وهو ينظر فى ساعته :- الساعة 1 الا عشرة يا صدف ترجعى فين دلوقتى .
- دارين :- خليكوا هنا الليلة عشان احنا أصلاً عندنا بكرة إجتماع .
... هزت صدف رأسها برفض بينما وقف قاسم وحورس أيضاً عازمين على الرحيل ، هتف حورس ملتقطاً مفاتيجه :
- حورس :- ياستى بكر ربنا يحلها بس أنا عايز أروح عشان تعبت ومحدش يعرف انى هبات برا النهاردة .
- قاسم :- هو الإجتماع بكرة الساعة كام ؟ .
- دارين :- على 1 الضهر كدة .. برضه مصرين تروحوا ؟ .
... أومأوا بالإيجاب وخرجوا من المنزل بينما وقف سيف قائلاً :
- سيف :- أنا مش قادر أصلب طولى .. هبات هنا النهاردة .
- دارين بهدوء :- براحتك يا سيف البيت بيتك .
- فيجو لدارين وهو يشير لها برأسه :- هتباتى هنا الليلة ؟ .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...