#فى_غرام_أفعى
#ياسمين_احمد
--------------------------------------------
... دخلت بيتها بهدوء تتحسس المكان فى الظلام ، أخرجت هاتفها المحمول وأضائته حتى ترى ما أمامها خوفاً من أن تتعثر فى شئ ما فتُحدث صوت يصحو بسببه من فى البيت ، صعدت السُلم متوجهة نحو غرفتها التى تتشاركها مع توأمتها فبالرغم من كون البيت واسع وملئ بالغرف إلا أنهما تفضلان المكوث فى نفس الغرفة حتى فى منزل دارين فهما يتشاركان الغرفة نفسها وهى الغرفة الموضوع على بابها لافتة "الجميلة والوحش " ، كانت قد غيرت ملابسها قبل أن تخرج من منزل دارين لتبقي ملابس العمل هناك وعادت بملابسها العادية التى تخرج بها ، فتحت باب الغرفة ونظرت فى أرجائها وجدتها تخلو من أختها فإنزوى ما بين حاجبيها متسائلة :
- صدف بتعجب :- راحت فين البت دى ؟! .
... وجدت من يربت على كتفها فإلتفت لها لتجد توأمتها تقف خلفها فهتفت بحدة :
- صدف بحدة وخفوت :- قطعتى خلفى يا شيحة ربنا ينتقم منك .. انتى كنتى فين ؟ .
... تجاوزتها لتدلف الى الغرفة فتبعتها صدف مُغلقة الباب منتظرة إجابتها لتجلس أختها على سريرها قائلة ببرود :
- نجف :- كنت فى الحمام .
- صدف وهى تجلس على سريرها المقابل لسرير أختها :- يا سلام ما فيه حمام فى الأوضة أهو مدخلتيهوش ليه ؟ .
- نجف بإستفزاز :- عشان أشوف أبوكى نايم ياختى ولا هيقفشنا .
- صدف :- طيب الحمد لله .
- نجف :- انتى ايه اللى أخرك كدة ؟ .
... قصت صدف ما حدث على أختها ما حدث من تغيير فى الخطة جعلهم يتأخرون عن موعدهم المحدد إضافة إلى ما حدث لسيف وإنقاذ ياسمين له مما جعلها تهتف بفخر :
- نجف مهللة بفخر :- والله جدعة البت دى .. عفارم عليها .
- صدف وهى تدفع أختها بغيظ :- طب اتخمدى بقي عايزة أنام .
- نجف بعبث وهى تلاعب حاجبيها :- باشا قلبك إتصل من ساعتين .
- صدف بوجه مُشرق :- بجد ! طب موبايلى فين ؟ .
- نجف وهى تهز كتفيها :- فى الدُرج عندك .. بس هو متصلش على تليفونك إنتى .
- صدف بتعجب :- نعم أمال على تليفون مين ؟! .
- نجف بهدوء وكأنها لا تلقى على مسامعها كارثة :- على تليفونى أنا طبعاً .
- صدف بصراخ :- نعاااااااااااام .
- نجف بخوف وهى تلتفت حولها :- هششش .. وطى صوتك هتودينا فى داهية .
- صدف بحدة :- ده أنا هروح فيكو اللومان .. يتصل بيكى ليه ياختى هو عدمنى ولا إيه ؟ .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
