#فى_غرام_أفعى
#ياسمين_احمد
---------------------------------------------
... توجهت إلى غرفتها فى حالة عجيبة ومزيج قاتل من الدهشة والصدمة والذهول والتعجب فهى لم تكن تتوقع أن حورس هذا مسيحي فإسمه لا يوحى بهذا ، إسمه ! .. ياللهول إنها لا تعلم إسمه الحقيقي حتى الأن ، هدأت من أنفاسها المتلاحقة وبررت لنفسها أن الأمر طبيعى فهى ليست بصدد مصيبة كونية ، ما دخلها اذا كان مسيحياً او يهودياً حتى فحينما يقفان أمام الله يوم الحساب سيُحاسب كلٌ منهم على ديانته وخطاياه وليس على دين وخطايا الاخر لذا لتهتم لنفسها ولا تشغل بالها به فهى تعترف أنها لا تكن لذوى الديانات المختلفة أى كراهية أو مشاعر سيئة لكنها تفاجأت لعدم توقعها المسبق لهذا الأمر فحتى صدف ودارين ونجف الغير محجبات لم يشك عقلها فى ديانتهن أو بالأحرى أن عقلها كان منشغلاً بما لديه من أمور لينشغل بأمور الأخرين جلست على سريرها تحاول التفكير بهدوء أكبر بينما كان حورس بالخارج ينظر فى أثرها محدثاً صدف قائلاً :
- حورس بعتاب طفيف :- ليه قولتيلها يا بنتى ؟ أهى أخدت جمب ومش هتكلمنى تانى .
- صدف بضيق :- مقولهاش ايه ؟! هو انت محروق !! ده انت مسيحى يلا .
- حورس :- هو أنتى بتذلينى ولا إيه ؟!! .
- صدف :- أذلك ليه هو انت عامل حاجة غلط ؟ .
- حورس بإيجاز :- لا .
- صدف :- طيب شايف ان ديانتك حاجة وحشة المفروض تخبيها عن الناس ؟ .
- حورس :- لا طبعاً .
- صدف وهى تهلل بيدها :- يبقي فرفش كدة وافخر بدينك والبس الصليب فى رقابتك اد الطبق كدة و أى حد يكلمك حط الصليب فى عينه اقلعهاله .
- حورس :- انتى ليه محسسانى انها دبلة الخطوبة !! .
- صدف :- ان شاء الله أجوزك قريب .
- حورس :- بس أنا حاسس انها كشت منى كدة .
- صدف وهى تحك رأسها بعدم فهم :- تكش منك ليه يعنى ؟! .
- حورس :- يعنى ممكن تحس مثلاً .......
- صدف بمقاطة ساخرة :- هى اللى زى دى بتحس ! والله عال ! .
- حورس بضيق :- يا غبية أنا قصدى انها تلاقينى مسيحى فى شلة مسلمين فتستغربنى عشان مختلف عنكم .
- صدف :- يعنى انت نفسك مش حاسس بالاختلاف ده وعايز هى اللى تحسه !! يا شيخ اتقى الله .
- حورس بضحك :- هتقيه من عنيا حاضر .
... قاطع حديثهما ولوج سيف الى المنزل الذي مرر أنظاره على إثناهما وقال فى تهكم :
- سيف :- وين صاحبة الصون والعفاف .
- حورس :- اسمها ياسمين .. عفاف مين بس !! .
- سيف بضيق :- ولا أنا على أخرى ومش ناقص نحنحة على المسا .
أنت تقرأ
فى غرام أفعى
Aksi... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
