#فى_غرام_افعى
#ياسمين_احمد------------------------------------------
... شعر بحرارة جسده ترتفع لدرجة ظن أنه سينصهر ، تمنى بالفعل أن يحدث هذا حتى يتجنب نظراتها الموجهة إليه تجلده بلا رحمة ، لا يعلم ماذا يقول لها ، لا يجد كلمة واحدة في صفه ، وكأن الجميع خانه وباعه حتى الأحرف التى تعلمها منذ الصغر ، حمحم بتوتر قائلاً :
- فيجو بلعثمة وعيونه تدور في جميع الإتجاهات إلا وجهها :- هو .. أصل انا .. يعنى كنت ناوى .....
- دارين :- كنت ناوى تخبى عليا صح ؟ .
- فيجو :- ما هو انا برضه .....
- دارين بهجوم :- انت ايه ! بقي ياسمين تعرف وأنا لأ ؟! مقولتليش ليه .
- فيجو :- ما انا أصلى خوفت ، مش عايز اخسرك .
- دارين :- خوفت ايه وتخسرنى ايه ! ما هو انا عرفت اهو مخسرتنيش ولا حاجة .
- فيجو :- خسرت منصبي والحمد لله انها جات على قد منصبي وبس .
- دارين بإبتسامة مستفزة :- مين قال كدة ؟! .
- فيجو بتعجب :- قال ايه ! انتى يابنتى مش لسة شايلانى من منصبى من شوية وحطيتى ياسمين مكانى ! ولا انتى ناوية ترجعي في كلامك ؟ .
- دارين :- انا مبرجعش في كلمة قولتها .
- فيجو بتعجب اكبر :- أمال ايه ؟! انتى بتغنى وتردى على نفسك ؟ .
- دارين :- يابنى افهم ، انا فعلاً عزلتك من منصبك بس مش معنى كده أنك خسرت صداقتى ، بالعكس انت كسبت اكتر من صداقتى كمان .
- فيجو بغباء :- يعنى ايه ؟ .
- دارين بحنق :- لا اكتر من كدة تبقي بأف بجد ، انا مش هقول كلمة زيادة ، حيائى يمنعنى يعم .
... شقت وجهه إبتسامة غير مصدقة لما يحمله كلامها من معانى مبهمة ، إقترب منها خطوة حذرة بينما ثبت نظراته عليها جيداً وقال بأمل :
- فيجو :- انتى قصدك يعنى أننا لسة أصحاب وممكن نبقي أكتر من أصحاب ؟ .
- دارين بخجل :- ما احنا اكتر من أصحاب يا فيجو .
- فيجو مبتسماً :- لا ما هو دى ليها معانى كتير ، طب يعنى انتى معجبة بيا مثلاً ؟ .
- دارين بحنق :- معجبة ايه يا عم انت ، هو انا متعرفة عليك فى كافيه من يومين ولا حاجة ، ده انا عارفة عدد الشعر اللى فى راسك بالقمل كمان .
- فيجو بصدمة مشمئز من حديثها :- قمل ! الله يقرفك ، وجالك قلب تقوليها ؟ بقي انا مقمل يا منوفى .
- دارين بغيظ :- مدام منوفى بقي تبقي مقمل ومنمل ومدود كمان .
- فيجو بضحك :- هدى أعصابك بس أحسن تروحى منى .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...