#فى_غرام_افعى
#ياسمين_أحمد
------------------------------------------
... إبتسمت لمزاحهم سوياً وكم كانت رائعة صداقتهم حيث يمزحون ويمرحون ولا يوجد بينهم ضغائن كالتى تحيا بها ، تناست تلك الزاوية المتألمة من قلبها التى تذكرها أنهم أصدقاء وهى ليست صديقتهم كما أن أصدقائها ليسوا كما يجب أن يكونوا فهى لم تحصل على علاقة صداقة قوية والعلاقة التى تحيا بها غير قادرة على تقويتها وهذا ما جعلها توقن أن ما تحبه لا يريدها وما معها لا يحبها ، لسبب ما شعرت بالسوء من أجل حورس فقد خشيت أن يكون رفاقه يجعلونه يعانى ويزعزعون ثقته فى نفسه كما يحدث من ذويها نعم فالصديق الحق يساند صديقه لا يقف في وجهه أو يعنفه أو يقلل من حلمه أو موهبته ولكن تبخرت معتقداتها حين هتف فيجو بمرح قائلاً لحورس :
- فيجو :- يا عم ده انت احسن حد فى الكون يسوق موتوسيكل بس احنا خايفين عليك ... هتموت يا أهبل .
- حورس بلامبالاة :- كلنا هنموت عادى .
- فيجو وهو يشير بيديه :- طب ممكن تموت موتة ربنا عشان ألاقي جثة كاملة أدفنها لو سمحت .
- دارين بهدوء :- خلاص مش وقته الكلام ده دلوقتي .
- حورس بغباء مصطنع :- امال امتى وقته .
- دارين وهى تنظر له بتحذير :- خلينا فى اللى احنا فيه .
- أشرف بسماجة :- أه ياريت عشان انا زهقت .
- دارين وهى تتابع الشرح متجاهلة أشرف :- احنا كدة اتفقنا فيجو وقاسم هيعلموكى إيه دلوقتي دور فيشو اللى هيعلمك ازاى تتعاملى مع الكمبيوتر واللاب توب و الموبايل و ازاى تفتحى أى باسورد لأى جهاز مش عارفاه وكدة .
- ياسمين :- أيوة بس أنا بعرف أتعامل مع الموبايل .
- دارين :- عارفة بس فيشو هيوريكى أجهزة مختلفة من الموبايل كمان هيوريكى الأجهزة اللى بنستعملها فى شغلنا زى أجهزة المراقبة والكاميرات وأجهزة التصنت وغيره وده طبعاً هياخد وقت عشان كدة هخلى نجف تساعده ( ثم نظرت إلى فيشو ) تمام يا فيشو انت ونجف مسئولين عن الموضوع ده قدامى .
... أومأ فيشو ونجف بهدوء وقد علموا مهمتهم التى يجب أن يخططوا لها جيداً فهى لن تكون سهلة بالمرة ، خرج أشرف عن صمته قائلاً بسماجة :
- أشرف بتحدى :- أيوة بس نجف عضو فى فرقتى وأنا اللى أقرر هتعمل إيه وأنا الى يؤمرها تعمله .
- دارين وقد رفعت أحد حاجبيها بأمر :- وأنا بصفتى أعلى منها ومنك بأمرها وبأمرك ( ثم تابعت وهى تنظر ناحية صدف ) دلوقتي دور صدف هانم ...
- صدف مقاطعة بنزق :- نعم أحبيبي عايزة ايه من زفتة .
- دارين بحدة أمرة :- هتعلمى ياسمين أى حاجة تخص السلاح والرصاص والبارود وفى أخر الاسبوعين دول تخليها تختار سلاح يكون سلاحها الشخصى بعد طبعاً ما تبقي عرفت إيه الأنسب ليها من خلال شرحك ليها .
أنت تقرأ
فى غرام أفعى
Acción... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
