#فى_غرام_أفعى
#ياسمين_احمد
----------------------------------------
... أومأ لها بهدوء وبداخله يحمد الله أنهم صدقوا تلك الكذبة ، قرروا قضاء باقي اليوم بالمنزل من أجل فيجو فهو لن يستطيع التحرك بحرية بسبب قدمه لأنه لم يعتد بعد عليها كما أنهم لايزال عناء يوم أمس يؤثر عليهم ، ظلوا فى غرفة فيجو والذي أصروا عليه عدم التحرك من سريره كى يرتاح ، لم ينضم اليهم فيشو الذي عانى من نومه الطويل والذي دام سبع ساعات متصلة ، فقد نام كثيراً بل بالأحرى فقد وعيه بسبب ما فعله بنفسه ، فهو غير معتاد على السهر بهذا الشكل حيث كان إذا أراد السهر فى ليلة ما قام قبلها بالنوم جيداً حتى يستطيع السهر دون تعب كما أنه شرب قدر كبير من القهوة دون طعام ، مضي بهم الوقت بين المزاح واللعب ومشاهدة الأفلام حتى حان موعد اذان العصر فقام كلٌ منهم كى يتوضأ وطلب فيجو من ياسمين أن تنادى على فيشو كى يساعده في الوضوء ، بالفعل تحركت نحو غرفته والتى كان بابها مفتوحاً بعض الشئ ليصل لها صوت فيشو الحانق قائلاً :
- فيشو :- يعنى برضه مش هتنزل ؟ .
- محمد :- قولتلك مقدرش يا حسام ، كل حاجة هنا معتمدة عليا .
- فيشو بغضب :- واحنا ؟! احنا فين من كل ده ؟! انت فاكر اخر مرة شوفتك فيها كانت امتى ؟! ده احنا بنشوفك انت وماما مرة فى السنة !! .
- محمد بضيق من ضغطه عليه :- مش بإيدى ، هو انا هنا متغرب وبعمل كل ده عشان مين يعنى ! ما عشانك انت وأخواتك .
- فيشو بألم :- مش عايزين حاجة ، احنا عايزينكوا انتوا ، اخوات مين اللى بتقول عليهم ؟! ده واحد رميه معايا عشان توأمى وقال ايه ياخد باله منى واهو رجله اتكسرت ومش عايز حتى تنزل تطمن عليه ، والتانى واخده معاك ولا بنشوفه ولا بيشوفنا زى ما تكون قاصد تعرفه أنه مالوش اخوات .
- محمد بلامبالاة :- لسة صغير ومش هتعرفوا تاخدوا بالكوا منه .
- فيشو بسخرية :- لا وانت طبعاً واخد بالك منه على الأخر .
- محمد وهو يعنفه :- ولد ، احترم نفسك ازاى تتكلم كدا مع أبوك ؟! .
- فيشو وهو يتنهد بتعب :- بابا أنا تعبت ، انت رامينا زى ما نكون مش ولادك ، بقولك ابنك رجله اتكسرت انزل حتى اطمن عليه حسسه أنه فارق معاك عشان نفسيته ، واهو تحضر عيد ميلاده ولا ده كمان مش فارق معاك .
- محمد :- لا طبعاً فارق معايا كل سنة وانتوا طيبين يا حبيبي .
- فيشو بتعجب :- بس كدا ؟ يعنى هو ده اللي ربنا قدرك عليه !! .
- محمد :- أمال انت عايز ايه ؟ انت عايزنى أسيب شغلى وانزل كدة عادى ، هو انت فاكرنى فى الشارع اللى وراك !! .
- فيشو محاولاً استعطافه :- طب حتى ابعت ديمو يقعد معانا شوية ، احنا فى الأجازة وكل مرة أطلب منك مترضاش .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
