#فى_غرام_أفعى
#ياسمين_احمد
---------------------------------------
... كان الغرض تشتيته وهذا ما تم ، حرك رأسه وقد لاحت على وجهه علامات عدم الاستيعاب منتظراً رد على سؤاله ، وحين حصل عليه جعل دقات قلبه تتسراع مع كل حرف خرج من فم قائده الذي قال :
- ..... :- انا عارف انك كنت صغير اوى ساعتها ومش فاكر اوى ، بس مش لدرجة أنك تفتكر انك وحيد ابوك وأمك .
- علي بثبات ظاهري :- هو لو الكلام ده غرضه تشتيتى عن الموضوع الأساسي فلا انا مركز ، ولو بجد ياريت تدخل في الموضوع على طول .
- ..... :- أنت كنت صغير أوى تقريباً سنتين أو تلاتة ، السن اللى الطفل مش فاكر فيه حاجة ، والدك ووالدتك كانوا بيحبوك أوى وكان نفسهم يجيبولك أخ صغير عشان تبقوا سند لبعض ، وبالفعل حصل وبقي عندك أخ بس للأسف مات وهو عنده ٧ شهور .
- علي بهدوء مريب :- وبعدين ؟ .
- ..... :- أنت كنت متعلق بأخوك زى أى طفل فى سنك وكأنك جالك عروسة لعبة وفرحت بيها ، وفى يوم أنت تعبت جداً وأخدوك للدكتور عشان يطمنوا عليك وساعتها عملت عملية اللوز أكيد مش فاكر كل ده .. المهم انت فضلت فى المستشفى فترة كبيرة كان التركيز فيها معاك واكلك وكدة لأنك كنت طفل متعب اوى الحقيقة .
- علي :- واخويا ؟ .
- ..... :- عمتك كانت مكلفة برعايته خصوصاً أنه كان بيرضع لبن صناعي ووالدتك كانت بتطمن عليه بإستمرار ، لكن يشاء السميع العليم أن الولد يموت ، قال ايه خير اللهم اجعله خير كان نايم على السرير ووقع من عليه دماغه اتفتحت ونزف كتير اوى يا قلبي ومات .
- علي وكاد قلبه يتوقف :- والحقيقة ؟ .
- ..... :- ما هى دى الحقيقة ، اخوك فعلاً وقع من على السرير بس طبعاً انت عارف هو وقع ازاى .
- علي :- زقه ؟! .
- ..... بحنق :- دحرجه ، زى الأنبوبة كدة يا علي ، تلت اربع مرات ورا بعض .
خيم الصمت مرة أخرى بعد أن كان صوتيهما مسيطران على الأجواء ، صمت مشحون لأول مرة يعاصروه فقد كان خانق قاتل لا يقدر عليه أحد ، نظر له الجميع بشفقة يودون لو يهدموا العالم لأجله ولكن هذا لن يفيد ، كيف لتلك المصيبة أن تُحل ؟! كيف لهذا الألم أن يندثر ؟! ، كلٌ منهم يعايش صراع لا يقل عما يحياه هو الأن والجميع يبحث عن ثغرة واحدة لتكذيب الحقائق وإنقاذ الموقف وتبرئة عمه من تلك الجريمة القذرة ليس لأجله بل لأجل هذا الشاب الذي يكاد يلحق بأبويه وأخيه المزعوم ، هى أول من إمتلك القدرة على النطق قائلة بتشتت :
- ياسمين بصوت هامس مبحوح :- معلش بس هو حضرتك عرفت كل ده ازاى ؟ .
- ..... بغطرسة :- مش هجاوبك عشان ده سؤال أهبل ميطلعش من عيل فى تالتة ابتدائي .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
