فى غرام أفعى

الحلقة الرابعة عشر :-

" يا جماعة التفاعل وحش لو مش عجباكوا الرواية قولولى وأنا أوقف نشر "
" فضلاً وليس أمراً اللى معملش ڤوت على الفصول من بداية الرواية يعمل لحد الحلقة دى ⭐❤"

---------------------------------------

- دارين وهي تشير الى ياسمين :- أحب أعرفكم بياسمين عضو جديد معانا في الفرقة الأولى .

... نظر الجميع الى ياسمين بشكل تلقائي لذكر إسمها ثم أعادوا نظرهم إلى دارين كي تكمل ما تريد قوله ولم تقاطعها أفواههم بأى كلمة فبالرغم من الأسئلة الكثيرة التي تدور في خلد كل واحد منهم إلا أنهم إنتظروا حتى تشرح لهم دارين باقى الأمر وبالتأكيد سوف يجدوا في شرحها إجابة لكل أسئلتهم وإن لم يجدوا فهي بالطبع لا تريدهم أن يعلموا والأمر الذي لا تريد دارين أن يعلموا عنه شئ لن يعلموا عنه شئ مهما حاولوا الإستفسار لذلك يدخرون جهودهم حتى لا تذهب هباءاً ، أما ياسمين فقد كانت نظرتهم الخاطفة لها كافية أن تلبد جسدها وتزيد من توترها وما وترها أكثر هو نظرة أشرف لها التى تشبه نظرة ذئب حصل للتو على فريسة لكن سرعان ما تغيرت نظرته كأنه أدرك أمر ما فقال :

- أشرف بتعجب مستنكر :- نعم ؟! يعنى إيه عضو جديد و في الفرقة الأولى ؟!! .

- دارين بهدوء متعمدة إحراجه :- ده شئ ميخصكش .

- أشرف بإعتراض وقد علا صوته نسبياً :- يعنى إيه ميخصنيش هي ميغا ولا إيه ؟ أى عضو جديد لازم يكون في أخر المنظومة ده لأن واضح إن معندهاش خبرة فى أى حاجة في الكون وكمان المفروض تابعة لفرقة بلدها .

- دارين بهدوء حذر وهى متوقعة رده مسبقاً :- محافظتها تابعة لفرقتى والفرقة التانية .

- أشرف وقد بدأ يشعر بالنصر لأنه أثر فيها بكلامه :- يبقي المفروض على الأقل تنضم للفرقة التانية لأنها لسة مش مؤهلة بدرجة كافية .

- دارين بحدة محرجة إياه :- مش أنت اللى هتعرفنى إيه اللى المفروض أعمله ، أنت لو تعرف اللى مفروض يتعمل كان زمان الشغل بتاعك مشي من غير عَطَلَة .

... صمت ، أخرسته كلماتها فنظر له الجميع بتشفى فهو يستحق .. نعم محق ولكن طريقته مستفزة للجميع وحديثه يثير الأعصاب ووجوده غير مرغوب لذا فالصمت فى حالته واجب ، أكملت دارين بهدوء وهى تتابع الجميع بعينين حادتين كعيون الصقر وهتفت قائلة :

- دارين بنبرة واثقة :- ياسمين هتخضع لتدريب مكثف مدته أسبوعين وبعدها هيتم إختبارها قبل إعلان منصبها .

- حورس بتعجب بعد أن رمق ياسمين بنظرة تحمل القليل من الشك الممزوج بالشفقة :- أسبوعين !! مش قليلين يا دانو ؟!! .

- أشرف بتهكم معقباً على حديث حورس :- هو ده بس اللى لاحظته ! دى بتقولك منصبها ! منصب مين ؟! هى كمان هتاخد منصب من أولها كدة ؟! .