#فى_غرام_افعى
#ياسمين_احمد
---------------------------------------
- ياسمين وهى تشير برأسها إلى المطبخ :- فيجو جوا في المطبخ إدخله .
... نظر قاسم إلى باب المطبخ ثم وجه أنظاره إلى صديقه الذي أشار له بالإيجاب ، دلف قاسم إلى المطبخ بينما ظل حورس مع ياسمين وجلس على كرسي بجانب الأريكة التى تجلس عليها وقال بهدوء :
- حورس بلطف :- منستغناش عن فيجو ولا عنك .. منورة .
- ياسمين بخفوت :- شكراً .
- حورس وقد أحس بخوفها :- مالك متكهربة كدة ليه ؟! .
- ياسمين بعدم فهم :- أنا مش متكهربة ولا حاجة .
- حورس بتوضيح :- أنا قصدي إنك كاشة ... إنتى مرتبكة ليه ؟ .
- ياسمين بإيجاز :- لا أنا تمام متقلقش عليا .
- حورس بهدوء بعدما أحس بعدم رغبتها في إكمال الحديث :- تمام .
... لم يقف هنا بل أراد أن يبدأ معها حديث جديد عله يستشف منه هويتها وهذا ما حدث فـ كاد أن يتجاذب معها حديث أخر ولكن قاطعه قاسم الذي وقف على باب المطبخ مشيراً له كى يأتى ففعل حورس وذهب له فهمس له قاسم ببضع كلمات فى أذنه لم تسمعها ياسمين وهذا أثار حنقها بشدة فقد ظنت أنهم يتحدثون عنها بالسوء ، عاد حورس الى حيث كان يجلس وعاد قاسم إلى المطبخ مرة أخرى بينما إبتسم حورس لياسمين بود قائلاً :
- حورس :- عمل فيكى إيه سيف بقي ؟ .
- ياسمين بإستفهام :- سيف مين ؟ .
- حورس وهو يشير إلى سيف الواقف فى الشرفة مولياً لهم ظهره :- ده .
- ياسمين بدفاعية :- معملش حاجة .. ميقدرش أصلاً لا هو ولا غيره .
... شعر حورس في صوتها نبرة تهديد وهجوم غرضه الدفاع عن نفسها فإبتسم أكثر وقال :
- حورس بمرح :- متخافيش مش هعملك حاجة ، انا زوق وبعرف أتعامل مع الليدز كويس أوى .
- ياسمين :- أنا مش خايفة .
- حورس بتهكم مرح :- ما هو واضح ... طب فكى شوية وإتكلمى .
- ياسمين :- أتكلم أقول إيه ؟! .
- قاسم وقد خرج من المطبخ وقاطع حديثهم قائلاً :- بطل تضايقها يابنى أنت ... وإدخل لفيجو عشان عايزك .
- حورس بإستهجان وهو يشيح بيديه في الهواء :- مش داخل .. ده تلاقيه عايز يخلينى أشهقله على الملوخية هو كمان .
... هنا إبتسمت ياسمين على خفة ظله فلاحظها حورس ليقول بمزاح :
- حورس بنبرة مهللة :- الله ! دى بتضحك زينا أهى .
- قاسم بابتسامة :- اتنيل سيبها في حالها و ادخل شوفه عايزك ليه .
- حورس بإصرار :- مش قبل ما أعرفها عليا الأول ( ثم وجه أنظاره وحديثه الى ياسمين وقال بتباهٍ ) أنا حورس .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
