" بعتذر جداً عن التأخير لأسباب خارج إرادتى "
#فى_غرام_أفعى
#ياسمين_احمد
---------------------------------------------
... مرت الأيام لا أستطيع أن أقول أنها مرت بسلام على بطلتنا البائسة ولكن من المؤكد أن هناك من كان يستمتع بوقته فى تلك الأيام ، عادت دارين إلى الأرياف مرة اخرى وطلبت مقابلة ياسمين ولكن كان هذا مستحيلاً لأن ياسمين قد أنهت فترة الدراسة وأصبحت فى الأجازة ولا حجة لها للخروج فلا يمكنها الخروج من منزلها حتى لشراء كيس من السكر وهنا إضطرت دارين إلى الذهاب إليها فأخذت بعض الوقت كى تعلم أين هى غرفتها وما هى الطريقة السليمة لدخول المنزل وكلفت فيجو بهذا الأمر حيث أن فيجو قد علم بما فى نية دارين من إضمام ياسمين لهم وبصفته النائب وهو ما يعادل الشريك قام بمساعدتها كى تعرف كل شئ عن ياسمين ومنزلها أما المعلومات الشخصية طلبت من صدف جمعها مراعية مساحتها الشخصية وعدم التطفل عليها .
- فيجو لدارين :- أوضتها بتطل على الشارع من خلال شباك نقدر ندخل منه بس هندخل الحاجة بصعوبة .
- دارين :- لكن فى الأخر هتدخل .. صح ؟
- فيجو بإستفزاز :- لكن بصعوبة .
- دارين وهى تحك ذقنها وتفكر بعمق :- طب وإحنا إيه اللى يمرمطنا المرمطة دى كلها ؟!
- فيجو بإستهانة :- عشان حضرتك عايزة تضميها للفريق .
- دارين بخبث :- أنا قصدى ليه ندخل من الشباك ما ندخل البيت من بابه .
- فيجو بمزاح :- أنتى ناوية تطلبي إيدها ولا حاجة ؟ .
- دارين وهى تمط فمها بإمتعاض وهتفت قائلة :- يا غبي أنا قصدى ندخل عادى ، وبرضه محدش هيعرف إننا دخلنا .
- فيجو متسائلاً :- ومين اللى هيدخلنا بقي إن شاء الله ؟! .
- دارين بإبتسامة :- ياسمين .
- فيجو بعدم فهم :- إزاى يعنى ؟!
- دارين :- زى ما دخلتنى المرة اللى فاتت .
... كان فيجو لا يعلم كيف قامت ياسمين بإدخال دارين إلى بيتها ومداواة جروحها وأيضاً منحها ملابسها وإخراجها من البيت دون أن يعلم أحد ولكن فيجو لم يهتم حينها لأنه لم يكن يعلم بما فى نية دارين ولكن الأن هو مهتم وبشدة لأن يكتشف تلك الفتاة التى أثرت لب دارين لتلك الدرجة ، قال وهو متحمس لسماع الإجابة :
- فيجو بفضول :- وهى دخلتك إزاى المرة اللى فاتت ؟! والأهم إزاى قعدتى معاها وأخدتى دش وغيرتى هدومك وخرجتي من غير ما حد يحس ؟! إزاى عملت كدة ومحدش لاحظ هدومها اللى فضلت برا البيت أسبوع بحاله لحد ما رجعتيها ؟! .
- دارين وهى تنظر لنقطة ما فى الفراغ :- هو ده بقي اللى مخلينى عايزة أضمها للفريق وبشدة .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
