#فى_غرام_أفعى
#ياسمين_احمد
-----------------------------------------------
... أشرقت شمس يوم جديد على الجميع تحمل معها بارقة أمل للبعض ويأس وخوف للبعض الأخر ، تمطت فى سريرها تحاول الوصول الى هاتفها لترى من المزعج الذي يتصل فى هذا الوقت من الصباح ، فتحت الهاتف حين وجدته رقم غير مُسجل ولم تكلف نفسها عناء التفكير أكانت تعرفه أم لا ، هتفت بنبرة حادة لم تتخلص من أثر النعاس بعد قائلة :
- دارين :- أيوة مين ؟ .
- ..... بسخرية :- نموسيتك كُحلى ولا إيه يابت انتى .
... إعتدلت بسرعة تجلس فى مكانها على السرير بعد أن إستوعبت مع من تتحدث وقالت بإرتباك حاولت التحكم فيه :
- دارين بتلعثم طفيف :- صباح الخير يا قائد .
- ..... :- هو أنا جدتك يا بت انتى ونازلة تفطرى معايا !! ما تفوقى .
- دارين بضيق من أسلوبه :- ما هو مفيش حد يصحى حد من نومه بدرى كدة برضه .
- ..... بسخرية :- بدرى من عمرك يا عروسة .. الساعة 1 الضهر .
... أبعدت الهاتف عن أذنيها تنظر إليه بذهول غير مصدقة أنها تأخرت الى هذا الوقت فى النوم ، وجدت الساعة الواحدة ظهراً بالفعل كما قال لتعيده إلى أذنها قائلة بتعجب مصدوم :
- دارين :- يا خبر !! معقول أنا نمت كل ده ؟! .
- ..... بخبث :- السؤال هنا انتى كنتى بتعملى إيه امبارح يخليكى تصحى متأخر كدة ؟ .
- دارين بتهكم :- عايز تفهمنى إنك مش عارف ؟ .
- ..... بهدء مريب :- عارف بس عايز أسمع منك .
- دارين بلامبالاة :- كنت بحتفل أنا والشباب .
- ..... بتكملة :- قصدك بصيع أنا والشباب .
- دارين بضيق من إهانته :- طب وليه قلة الأدب دى على الصبح ! .
- ..... :- قلة أدب !!! يابت لمى لسانك بدل ما أقطعهولك من لغلوغه .
- دارين وقد إنعقد ما بين حاجبيها :- يعنى إيه لغلوغه ؟ .
- ..... :- مش هقولك .. هسيبك تهرى وتنكتى فى نفسك كدة لحد ما تموتى منكوتة .
- دارين وهى تشيح بيديها :- مش عايزة أعرف حاجة .
- ..... :- انتى كمان بتشوحى بإيدك قال يعنى مش هامك ؟ .
... نظرت حولها فى كل الإتجاهات فى صدمة .. كيف رأى ما فعلته ؟ أهى فى غرفة نومها أم فى غرفة نومه هو ؟ ، هتفت بذهول قائلة :
- دارين بصدمة ممزوجة ببعض الخوف :- أنت عرفت منين إنى شوحت بإيدى ؟ .
- ..... :- وكمان بتعترفى ؟!! ده انتى بجحة .
- دارين :- لا أنا لازم أفهم أنت حاطط كاميرات فى أوضتى ولا إيه ؟ .
- ..... بسخرية :- وهحط كاميرات فى أوضتك ليه سمو السفيرة عزيزة ؟ .
أنت تقرأ
فى غرام أفعى
Acción... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
