#فى_غرام_أفعى
#ياسمين_أحمد
----------------------------
... إبتسم لها بهدوء ووضع ملعقته من يده قائلاً :
- فيجو بتساؤل مرح :- إيه رأيك فى الأكل .. أنا بقبل النقد عادى على فكرة .
- ياسمين بإبتسامة :- لا مش محتاجة نقد نهائي الأكل حلو أوى .
- فيجو وهو يحاول خلق حديث جديد معها :- انتى بتعرفى تطبخى .
... صمتت قليلاً لا تدرى بما تُجيب ولكنها حسمت أمرها ونظرت له نظرة مهزوزة وقالت :
- ياسمين :- لأ مش بعرف .
- فيجو :- ومالك زعلانة كدة ليه عادى يعنى .
- ياسمين :- أصل اللى أعرفه إن أهم حاجة البنت بتتجوز عشانها هى الطبخ .
- فيجو بتعجب :- ده على أساس إن أقرب طريق لقلب الراجل معدته يعنى ! .
- ياسمين وهى تهز كتفيها :- الظاهر كدة .
- فيجو :- لا مش شرط أنا كراجل لما أفكر أتجوز مش هيشغلنى موضوع الطبخ ده .
- ياسمين بتبرير :- بس ده لأنك بتعرف تطبخ .
- فيجو :- لا برضه وحتى لو مش بعرف لكن ده سلوك حيوانى ان الست تكون بالنسبالى عبارة عن صنية بطاطس بالفراخ مثلاً .
- ياسمين بضحك :- أو فرخة مشوية .
- فيجو وهو يحرك كتفيه :- أيهما أقرب ! .
- ياسمين بحزن طفيف :- بس فيه رجالة بتفكر كدة .
- فيجو وهو يرفع أحد حاجبيه وقد لاحظ حزنها :- أمممم وبيفكروا فى إيه كمان .
- ياسمين بشرود :- بيفكروا ان الست مهما راحت أو جات مكانها البيت وبس وان اللى مكملة تعليم عالى متتجوزش غير واحد معاه كليه زيها برضه والعكس والست اللى ملهاش في شغل البيت والطبخ والنفخ والكلام ده تبقي فاشلة حتى لو رئيسة جمهورية .
- فيجو بضيق من تلك الأفكار الرجعية والتى هو متأكد أنها لا تخصها :- ومبيفكروش كمان ان الست كائن فضائي له أربع عيون وخمس ودان ! إيه الكلام الفارغ ده ؟! .
- ياسمين :- ما أنا قولتلك فيه رجالة بتفكر كدة .
- فيجو :- بس ما تقوليش رجالة بس .
- ياسمين بضحك :- يعنى انت من أنصار حقوق المرأة .
- فيجو :- المشكلة مش في حقوق المرأة ولا حقوق الانسان المشكلة ان الراجل لما بيكون مقبل على الجواز مش بيفكر صح ولا فى اولاده ولا علاقته بالست اللى هيتجوزها هو بس عايز يشبع غريزة الذكورة اللى جواه من خلال الست وده أحقر تصرف ممكن يعمله الانسان .
- ياسمين بذهول :- اول مرة أسمع راجل بيقول الكلام ده .
- فيجو وهو يحرك سبابته بالنفى :- تؤ تؤ تؤ انا مش راجل ده انا سيد الرجالة .
أنت تقرأ
فى غرام أفعى
Aksi... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
