#فى_غرام_أفعى
#ياسمين_احمد------------------------------------------------------
- دارين :- لما صدف تيجى .
( عند التوأمتين )
- نجف بتعجب :- أنتى بتلمى هدومك ليه ؟! .
- صدف بلا إهتمام :- مسافرة .
- نجف بنبرة مستفسرة :- على فين ؟ .
- صدف :- لدانو .
- نجف بتعجب :- إشمعنى يعنى ؟! .
- صدف :- معرفش . فيجو إتصل بيا وقالى إنها عايزة تشوفنى .
( ما حدث فى مكالمة فيجو وصدف )
- صدف :- أيوة يا فيجو .
- فيجو :- صدف دانو عايزاكى تيجى .
- صدف بتعجب :- أجى فين ؟! .
- فيجو بتأفف من أسئلتها :- ما تفتحى مخك معايا شوية .
- صدف بحدة :- لأ أنا ممكن أفتحلك مخك أنت لو ملمتش لسانك معايا شوية .
- فيجو وهو يتنهد فى تعب :- ما انتى مستفزة برضه . يعنى تيجى فين بس ؟! عندنا طبعا .
- صدف :- أيوة ليه يعنى ؟! .
- فيجو :- صدقينى معرفش هى طلبت منى كدة وخلاص .
- صدف :- طيب بكرة أكون عندكم .
- فيجو :- تمام .. سلام .
- صدف :- سلام .
... حزمت صدف أمتعتها وإستعدت للرحيل بينما أوقفتها أختها لتسألها بقلق :
- نجف بقلق :- طب لو بابا سأل عليكى أقوله إيه ؟ .
- صدف بهدوء :- قوليلوا راحت عند دارين وإحتمال تبات عندها .
- نجف بإرتباك :- ولو عرف إن دارين أصلا مسافرة ؟! .
- صدف بلا مبالاة :- يبقي قوليلوا إنى سافرتلها لأى سبب متبقيش قفل أوى كدة .
- نجف :- أنا خايفة .
- صدف بحدة :- ما تجمدى يابت إنتى هى دى أول مرة أسافر .
- نجف بقلق :- ربنا يستر .
- صدف :- هيستر بس إجمدى شوية .
... حملت أغراضها وإتجهت للسفر ولكنها مرت أولاً على دار المكفوفين لأمر ما .
- صدف بإبتسامة :- أنا مسافرة يا علوة .
- علي بإستفسار :- على فين العزم ؟ .
- صدف :- هروح لدارين عشان طلبانى .
- على :- طب وبتقوليلي ليه ؟ .
- صدف بتهكم :- إعتبرنى باخد إذنك يا أخى .
- على بتعجب :- يعنى أنتى سايبة الدنيا دى كلها بالناس اللى فيها وجاية تاخدى إذنى أنا ؟! .
أنت تقرأ
فى غرام أفعى
Aksi... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...