#فى_غرام_أفعى
#ياسمين_أحمد
-----------------------------------------
... تمشي معها فى أرجاء المكان حتى وصلوا الى اسطبل الخيول ونادى بصوت عالى على شخص ما قائلاً :
- قاسم :- علااااااء .
... بعد مدة ليست طويلة حضر إليه فتى نحيل وطويل بعض الشئ وكان هو المسئول عن الخيول فهو يحرص على طعامها ونظافتها ونظافة المكان الذي توجد به كما أن معه زميل أخر ولكنه يعد المسئول الأول هنا ، تقدم الشاب من قاسم مسرعاً وقال وهو يلهث :
- علاء وهو يلتقط أنفاسه بصعوبة :- أيوة يا قاسم بيه .
- قاسم :- ازيك يا علاء عامل إيه ؟ .
- علاء :- الحمد لله يا بيه فى نعمة .
- قاسم :- أخبار الخيل إيه النهاردة ؟
- علاء بإبتسامة مبتهجة :- كله تمام ده حتى فيروزة بقت زى الفل وقادرة تمشي وترمح كمان ، تحب أجيبها لحضرتك ؟ .
- قاسم :- لأ سيبها ترتاح وهاتلى رعد .
- علاء وهو ينصرف بخنوع :- حاضر من عنيا .
... نظرت له ياسمين بتعجب وقالت له وقد رفعت أحد حاجبيها :
- ياسمين :- هو ليه بيقولك يا بيه ؟ .
- قاسم :- هو ده اللى شاغل بالك ! عموماً هو متعود على ده عشان بابا هو اللى مشغله هنا والكل بالنسبة له بيه وانا حاولت معاه كذا مرة عشان يبطل يقولها وهو مفيش فايدة زى ما تكون لزقت فى لسانه .
... تحدث وهو يتحرك إلى ساحة رملية محاطة بسياج يتدرب فيه الخيل ولكن تم إفراغها من أجله .
- ياسمين بإقتناع طفيف وهى تتبعه :- اه ، طيب مين فيروزة ورعد وكل دول .
- قاسم :- فيروزة دى الفرسة بتاعتى بس تعبانة شوية عشان لسة والدة قريب والولادة كانت صعبة عليها شوية ورعد ده فرس هنا بس لطيف خالص وهيكون أنسب فرس تتعلمى عليه لأنه مش متعب .
- ياسمين :- هو أنا هركبه دلوقتى ؟ .
- قاسم وهو ينفى بإبتسامة واسعة :- لااا مش من الدار للنار كدة يا وزة لازم تتعلمى الأول إزاى تروضي الحصان .
... وقف مكانه فى منتصف أرض التدريب وهى بجانبه ترتدى بنطال قطنى وسترة من نفس الخامة باللون الأسود ولفت حجاب من اللون الأزرق الفاتح ونظرت حيث نظر قاسم فوجدت علاء قادم يسحب خلفه حصان بنى اللون يبدو وديع نوعاً ما ، تقدم قاسم منه وسحب الحصان من علاء وطلب منه الرحيل وقام بربط لجام الحصان فى سور السياج وطلب من ياسمين الإقتراب قائلاً :
- قاسم بمرح :- طبعاً لو فيه وقت كنت اتعاملت انا مع الفرس عشان تشوفى عملى بس للأسف مش هنلحق نخلص فى سنتنا كدة .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
