#فى_غرام_أفعى
#ياسمين_احمد------------------------------------
... كان ينظر لها ببرود ظاهرى بينما عيناه توضح وبقوة مدى الغضب المستبد به الآن ، تعجبت من وقوفه هنا سائلة :
- دارين :- ايه اللى موقفك كد يابنى ؟ فيه حاجة ولا ايه ؟! .
- فيجو ببرود مصطنع :- بتكلمى مين ؟! .
- دارين بصدق :- بكلم القائد ، بجس نبضه كدا عشان لو لسة متضايق من ياسمين أهديه شوية .
- فيجو :- أممممم ، وهدى النوغا ؟ .
- دارين بصدمة وعدم فهم :- نوغا ايه ؟ انت ازاى بتتكلم كدة أصلاً مالك ؟ .
- فيجو بحنق :- مالى ؟ هو ايه ده اللى مالى ؟ انت مش ملاحظة أن علاقتك بالراجل ده مشبوهة شوية ، يعنى ده انتى بتخافى على زعله اكتر من أبوكى .
- دارين :- الحق عليا انى خايفة يأذيكوا .
- فيجو :- وهو بقي هيعمل خاطر للبرنسيسة دارين هانم المنوفى باشا ومش هيأذينا صح ؟ .
- دارين بحدة وقد بدأ غضبها فى الطفو :- فيجو ! حل عن سمايا أنا مش فايقة ، وبعدين تعالى هنا فهمنى ايه الموقف العدوانى اللى أنت واخده ناحيته ده ! انت محسسنى أنه عدوك وأنت أصلاً متعرفوش .
- فيجو بوقاحة وصوت عالي نسبياً :- مش عايز أعرفه ، كفاية أن الهانم عارفاه وفهماه وعجناه وخبزاه ، كفاية أنه مالى عينك ومكفيكى .
- دارين بصراخ عنيف من وقاحته :- لاااااا ده انت اتجننت بجد ، مالى عين مين ياض أنت ! انت مجنون ولا حاجة ؟ ده انا دارين المنوفى يا حبيبي يعنى لما تتكلم معايا تتظبط وتقف انتباه .
- فيجو بعنف :- انتباه ده تقفيه للقائد بتاعك يا عنيا ، اللى انتى ماشية وراه فى كل حاجة ومش عارفه حتى تعترضي على إهانته لينا ، مخلياه يبيع ويشترى فينا كدة ليه يا هانم ده لو شارينا من سوق العبيد مش هيعاملنا كدة ، وانتى مالك كدة ما تنشفى يا بت خايفة على زعله كدة ليه هو ماسك عليكى وصولات على بياض ولا حاجة ! .
- دارين بحدة وهى تدفعه من كتفه :- انت متخلف وأنا هعرفك مقامك .
... قالتها وهى تدخل إلى البيت مرة أخرى تصيح بصوت عالي تجذب الأنظار لها بينما هو لم يُحرك ساكن غير أنه إلتفت لها ليري ما تفعله فقط ، جمعت الجميع حولها هاتفة بإنفعال واضح :
- دارين :- انتوا تعرفوا ايه عن القائد بتاعنا ؟ عايزة حد واحد فيكوا يقولى معلومة صحيحة مؤكدة عنه حتى لو كانت لون شراباته ، بس يكون متأكد منها مش بيخمن أو بيهبد .
... نظروا لبعضهم البعض بتعجب وعدم فهم ، لا يفهمون مغزى السؤال كما لا يفهمون سبب عصبيتها وإنفعالها ، لم يجب عليها أحد لجهلهم بالإجابة الصحيحة فهم بالفعل لا يعلمون أى شئ عنه ، حاول قاسم فهم ما يحدث معها وتهدئتها قائلاً :
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...