#فى_غرام_افعى
#ياسمين_احمد
-------------------------------------------
... إنتبه لها الجميع ووجهوا أنظارهم نحوها منصتين بينما تابعت هى بإهتمام أكبر قائلة :
- ياسمين بأمل :- إيه ؟ مات ؟ .
- دارين بعيون جاحظة من الصدمة :- يخربيتك !! انتى عايزاه يموت يا بومة ! .
- ياسمين :- سورى أصل انا بكرهه .
- دارين :- أيوة بس مش لدرجة يموت يعنى حرام عليكي .
- ياسمين وهى تشيح بيدها فى الهواء بلامبالاة :- ياستى فى داهية ما كلنا هنموت ، أهو على الأقل نعرف هو مين .
- دارين :- وهو لو مات انتى هتعرفيه ازاى بقي يا فالحة .
- ياسمين بإبتسامة ذهو :- ماهو أكيد هيعملوا نعى فى الجرايد عن موته وهنعرفه .
- دارين بنظرات احتقار :- على أساس أنه اليوم اللى هيموت فيه محدش هيموت فيه الا هو صح .
- ياسمين بتفكير :- أيوة صحيح ، فاتتنى دى .
- دارين :- طب بس بقي خلينى اقول الكلمتين اللى حفظاهم قبل ما أنسي .
- أمير :- اتفضلى يا دانو .
... ألقت نظرة خاطفة نحو شيرين لتتأكد من عدم تركيزها معهم وسماعها لحديثهم وبالفعل وجدتها مندمجة مع أمين مما جعلها تعيد نظرها نحو رفاقها قائلة :
- دارين بجدية :- طبعاً كلكوا عارفين ان بعد مشكلة قاسم والمحفظة بتاعته القائد بتاعنا كان مضايق جداً .
- ياسمين :- هو على طول مضايق .
- دارين بغيظ :- مضايق من تصرفاتك .
- ياسمين بوداعة :- ده أنا نسمة .
- دارين :- يا شيخة حرام عليكي الراجل هيتجنن بسببك .
- ياسمين بلامبالاة :- فى داهية .
... نفخت فى سأم فهى تعلم جيداً أن ياسمين ستفعل ما يحلو لها ضاربة بكل القوانين عرض الحائط وهذا ما سيسبب الخراب على رؤوس الجميع ، تنهدت لتعود إلى وقارها ثم تابعت قائلة :
- دارين :- بعد اللى حصل ده القائد أصر أننا نتخلص من كل الورق بتاعنا بالحرق .
- ياسمين بتهكم :- كان من الاول ، انا مش فاهمة هو ازاى يعمل اصلا حاجة زى كدة انتوا لسة تحت السن القانونى ! .
- دارين برفعة حاجب :- هو احنا يبان أننا لسة تحت السن القانونى ؟ .
- ياسمين :- انا معاكى ان الواحد فيكوا شبه ضلفة الباب وخصوصاً فيجو ما شاء الله هِلف بس برضه انتوا ولاد ناس معروفين وسهل يتعرف سنكوا الحقيقى ودى تهمة تزوير .
- فيجو بتعجب من اللفظ الذي إستخدمته لوصفه :- هِلف ؟!! .
- دارين بتوضيح :- أيوة كلمة بلدى معناها ضخم ، وبعدين يا ست ياسمين ده كان أمر منه مينفعش نخالفه .
أنت تقرأ
فى غرام أفعى
Hành động... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
