ငါ့တပည့်တွေ အကုန် ဗီလိန်တွေချည်းပဲ

အခန်း (၁၀) သေစေနိုင်သော တိုက်ခိုက်မှု

Burmese Translation of {我的徒弟都是大反派} by author 谋生任转蓬

Translator - ME 
...
အခန်း (၁၀) သေစေနိုင်သော တိုက်ခိုက်မှု

လုကျိုးက ခဏကြောင်ရပ်သွားပြီးနောက် ကျေနပ်မှုဖြင့် ခေါင်းညိတ်လိုက်သည်။

တပည့်များလည်း တာဝန်များပြီးမြောက်အောင် လုပ်နိုင်ကာ ဆရာက တပည့်များဆီကနေ ကုသိုလ်အမှတ်များ ရနိုင်သည်။ အတော်လေးကို ကျိုးကြောင်းဆီလျော်သည်၊ အင်မတန် ကောင်းမွန်ပေ၏။

တစ်နာရီအတွင်း ယွမ်အာလေးက ကျင့်ကြံသူဒါဇင်ချီကို တကယ်သတ်ဖြတ်ခဲ့သည်။ ထိုအခိုက်တွင် လုကျိုးက စာရင်းဇယားကို တစ်ချက်ကြည့်လိုက်သည်။

ကုသိုလ်အမှတ်က စုစုပေါင်း ၃၀၀ထိ စုဆောင်းမိသွားပြီ။

"ဈေးတန်း"

"အလုပ်သင်အဆင့် ထိုက်ကျိ စိတ်ဝိညာဉ်သဏ္ဍာန်ကတ် တစ်ကတ်ဝယ်မယ်"

"ထင်း... အလုပ်သင်အဆင့် ထိုက်ကျိ စိတ်ဝိညာဉ်သဏ္ဍာန်ကတ်ဝယ်ယူပြီးပါပြီ"

သူ စိတ်ဝိညာဉ်သဏ္ဍာန်ကိုရသည်နှင့် လုကျိုးတစ်ယောက်သည် သူ့ခြောက်သွေ့နေသော သွေးကြောများမှတစ်ဆင့် နွေဦးစမ်းရေများစီးဆင်းလာသည့်ပမာ ခန္ဓကိုယ်တစ်ခုလုံး အစွမ်းများ အဆက်မပြတ် စီးဆင်းနေလေသည်။

သူ နောက်တစ်ဆင့် ရောက်ရှိသွားခဲ့လေပြီ။

သူ ခန္ဓာတည်ဖွဲ့ခြင်းအဆင့်မှ စိတ်တန်ခိုးဉာဏ်အလင်းပွင့်ခြင်း အဆင့်သို့ခြေချနိုင်သွားပြီ။

ခန္ဓာတည်ဖွဲ့ခြင်းအဆင့်က သွေးကြောများ၊ အရိုးများနှင့် အရေပြားကိုသာ လေ့ကျင့်ပေး၍ ဒီအဆင့်တွင် ကျင့်ကြံသူများကဲ့သို့ စွမ်းအားသုံးစွဲ၍မရပေ။ သို့သော်ငြား လူတစ်ယောက်က ကျင့်ကြံသူ ဖြစ်လာချိန်တွင် အစွမ်းကလည်း ဆတိုးမြင့်သွားသည်။

"သေချာပေါက် တစ်ဆို့နေတာမျိုးမရှိဘူးပဲ"

လုကျိုး သူ့ခန္ဓာကိုယ်ထဲရှိ ပြောင်းလဲမှုများကို ခံစားမိသွားသည်။ အချိန်ခဏအပြီးတွင် သူ့ကိုယ်ထဲက လုပ်ဆောင်မှုတွေလည်း ငြိမ်သက်သွားလေ၏။