အခန်း (၁၉၂) မင်းဘာသာ လွတ်မြောက်လာပြီးတော့ အရှင်သခင် ဖြစ်လာ
လုကျိုးက ဖန်ကျုံးတစ်ယောက် နိဗာနခါးစည်းနှင့် ချည်နှောင်ခံထားရပြီး ခန်းမကျယ် တံခါးမှ လွင့်စဉ်လာသောကြောင့် မြင်လိုက်ရသည်။ သူက အသံမြှင့်ကာ “ ကစားမနေနဲ့တော့ ”
ရှောင်ယွမ်အာက မြေပေါ်ဆင်းလာပြီး အနည်းငယ် နစ်နာစွာ ရေရွတ်လိုက်သည် “အို့ ”
လုကျိုးက ခေါင်းခါလိုက်၏။ သူက လျှို့ဝှက်ခန်းထဲ ပြန်ကာ နားလည်အောင် ဆက်ဆင်ခြင်လိုက်သည်။
…………..…
ခန်းမကျယ်အပြင်ဘက်၌ …
ဖန်ကျုံး၏ မျက်နှာက ယောင်ကိုင်းကာ ဒဏ်ရာဒလပွ ဖြစ်နေသည်။
ရှောင်ယွမ်အာ၏ ထိန်းချုပ်မှုအောက်တွင် နိဗာနခါးစည်းက သူ့ကို လွှတ်ပေးလိုက်ပြီး ပိုင်ရှင်ဆီ ပြန်ရောက်သွားသည်။
ထိုအရာက ရှောင်ယွမ်အာကို ရစ်ပတ်လိုက်ပြီးနောက် သူမ၏ ဝတ်ရုံနက်အောက် ပျောက်ကွယ်သွားပုံ ပေါ်သည်။
ရှောင်ယွမ်အာက ခေါင်းကုတ်ကာ “ ကျွန်မတို့ တောင်နောက်မှာ ထပ်စမ်းကြမလား … ဒါနဲ့ သိပ်မရင်းနှီးသေးဘူး ”
ဖန်ကျုံး လက်ခါကာ “ နဝမသခင်မလေး ကျွန်တော်က ပြိုင်ဘက် မဟုတ်ပါဘူးဗျာ”
သူက သက်ညှာပေးဖို့သာ ပြောနေပြီး ရှောင်ယွမ်အာနှင့် လက်ရည် မစမ်းချင်တော့ပေ။ သူမက အဆင့်မတက်သေးလျှင်ပင် သူက သူမနှင့် လက်ရည်စမ်းလောက်အောင် မရူးမိုက်ပေ။
“ ရှင်က ပျင်းစရာကြီး ” ရှောင်ယွမ်အာက ခါးထောက်ကာ ပြောလိုက်သည်။
ဖန်ကျုံးက ထိုအရာကို မြင်သည့်အခါ အလျင်စလို ပြောလိုက်သည်။
“ နဝမသခင်မလေး … အစ်ကိုကျိုးက အခုတလော ဓားလေ့ကျင့်နေတာ။ သူ့ကြည့်ရတာ အတော်တိုးတက်လာပုံပဲ။ သူက ကောင်းကင်ဓားဂိုဏ်းရဲ့ တပည့်ကြီးဆိုတော့ ဓားသိုင်းမှာ အတော်လေး ထူးချွန်တယ်”
“ သူ ဘယ်မှာလဲ ”
“တောင်အနောက်ဘက်မှာ” ဖန်ကျုံးက တုံ့ဆိုင်းမနေဘဲ တောင်အနောက်ဘက်ဆီ လက်ညှိုးထိုးပြလိုက်သည်။ သူက ထပ်မံ ချီးကျူးချင်သော်လည်း သူ လှည့်ကြည့်လိုက်သည့်အခါ ရှောင်ယွမ်အာက ထွက်သွားပြီ ဖြစ်၏။
YOU ARE READING
ငါ့တပည့်တွေ အကုန် ဗီလိန်တွေချည်းပဲ
Fantasyအကျဉ်းချုပ် လုကျိုးက ကမ္ဘာလောကကြီးရဲ့ အသန်မာဆုံးနဲ့ သက်တမ်းအရင့်ဆုံး မိစ္ဆာဂိုဏ်းချုပ်ဖြစ်ဖို့ နိုးထလာပြီး သူ့မှာ ဆိုးယုတ်မှုတွေ ပြည့်နေတဲ့ နာမည်ဆိုးနဲ့ ကျော်စောတဲ့ တပည့် ကိုးယောက်ရှိနေတာကို သိလိုက်ရတယ်။ သူ့အကြီးဆုံးတပည့်က ဂိုဏ်းသားထောင်ကျော်ရှိတဲ့...
