Burmese Translation of {我的徒弟都是大反派} by author 谋生任转蓬
Translator - ME
အခန်း (၃၂) ဒါက ထောင်ချောက်လို့ ပြောသားပဲ
လေထဲမှ ကျင့်ကြံသူများစွာက သူတို့အား ငုံ့ကြည့်နေကြသည်။ အခြေအနေမကောင်းသည်ကို မြင်၍ မုရုံဟိုင်က နောက်တစ်လှမ်းဆုတ်လိုက်မိသည်။ သူ့မျက်လုံးများ နွားမျက်လုံးလို ပြူးလာကာ ထစ်ထစ်ငေါ့ငေါ့ ပြောလိုက်သည်
“ ဆရာ … ဆရာကြီး … သူတို့အားလုံးက ချီသွေးကြောရှစ်ခု ဗြဟ္မာပင်လယ် ကျင့်ကြံသူချည်းပဲ။ ဒါက ဒါကလေ … ”
ဒါက ထောင်ချောက်လို့ ကျွန်တော် ပြောတယ်မလား … အခု ကျွန်တော်ကို ဘယ်ထဲ ဆွဲခေါ်လာလဲ ကြည့်ပါဦး …
“ ငါ သိတယ် ” လုကျိုးက ခေါင်းညိတ်လိုက်သည်။
‘ဟမ် …’ မုရုံဟိုင်တစ်ယောက် ငိုချင်နေလေပြီ ‘ ကျုပ်တို့က သေတော့မှာကို ခင်ဗျားက သိတယ်လို့ပဲ ပြောနေတာလား ’
မုရုံဟိုင်၏ မိသားစုက သာမန်လူများအတိုင်း စီးပွားရေး လုပ်ကိုင်ကြသည်။ သူက စီးပွားရေးလောကတွင် ရေထဲမှ ငါးတစ်ကောင် ဖြစ်သော်ငြား ကျင့်ကြံသူများရှေ့တွင် ပုရွက်ဆိတ်မျှသာ ဖြစ်ပေသည်။ သူတို့က မတူညီကွဲပြားသော ကမ္ဘာနှစ်ခုမှ ဖြစ်ကြ၏။ သူက ကြောက်နေရုံမှအပ ဘာများလုပ်နိုင်ဦးမည်နည်း။ သူက စိတ်နက်နဲမှု ဉာဏ်အလင်းပွင့်နယ်ပယ်အဆင့်မှ ဒွါရငါးပေါက်ကို ဖွင့်ထားနိုင်သော်လည်း ထိုသို့ကျင့်ကြံဆင့်မျိုးဖြင့်ပင် သူ့အနေနှင့် ဗြဟ္မာပင်လယ်နယ်ပယ်အဆင့် ပညာရှင်များရှေ့မှောက်တွင် မတ်တတ်ရပ်နေဖို့ အရည်အချင်း မရှိသေးချေ။
“ ဆရာကြီး … အခု ကျွန်တော်တို့ ထွက်ပြေးသင့်တယ် ထင်တယ် ” သူက အကြံပြုလိုက်သည်။ သူက ရှောင်ယွမ်အာသည် ချီသွေးကြောရှစ်ခု ဗြဟ္မာပင်လယ်နယ်ပယ်အဆင့် ကျင့်ကြံသူ ဖြစ်မှန်း သိသော်လည်း သူမအနေနှင့် ထိုကျင့်ကြံသူများအား အချိန်ဆွဲထားနိုင်လျှင် သူတို့ ထွက်ပြေးလွတ်မြောက်ဖို့ အခွင့်အရေး ရလာနိုင်သည်။
သို့သော်လည်း လုကျိုး၏ အမူအယာတို့က တည်ငြိမ်အေးဆေးနေပြီး မုရုံဟိုင် စကားများကို မကြားသည့်အလား နေနေကာ ကွင်းပြင်ကိုသာ အာရုံအပြည့်အဝ စိုက်ထားသည်။
YOU ARE READING
ငါ့တပည့်တွေ အကုန် ဗီလိန်တွေချည်းပဲ
Fantasyအကျဉ်းချုပ် လုကျိုးက ကမ္ဘာလောကကြီးရဲ့ အသန်မာဆုံးနဲ့ သက်တမ်းအရင့်ဆုံး မိစ္ဆာဂိုဏ်းချုပ်ဖြစ်ဖို့ နိုးထလာပြီး သူ့မှာ ဆိုးယုတ်မှုတွေ ပြည့်နေတဲ့ နာမည်ဆိုးနဲ့ ကျော်စောတဲ့ တပည့် ကိုးယောက်ရှိနေတာကို သိလိုက်ရတယ်။ သူ့အကြီးဆုံးတပည့်က ဂိုဏ်းသားထောင်ကျော်ရှိတဲ့...
