ငါ့တပည့်တွေ အကုန် ဗီလိန်တွေချည်းပဲ

အခန်း (၁၂) လမ်းစဥ်အသစ်လား

Burmese Translation of {我的徒弟都是大反派} by author 谋生任转蓬

Translator - ME 
...

အခန်း (၁၂) လမ်းစဥ်အသစ်လား

"ယွမ်အာလေး၊ မင်းဘယ်မှာလဲ"

"ဟုတ်ကဲ့ ရှစ်စွင်း"

အပြာရောင်အဝတ်အစားများ ဝတ်ဆင်ထားပြီး ယွမ်အာလေးက အပြင်ကနေ တဟုန်ထိုး ပြေးဝင်လာသည်။

"မင်းရဲ့အစ်ကို၊ အစ်မတွေကို အပြစ်မရှိတဲ့လူတွေကို ကြင်ကြင်နာနာ ဆက်ဆံရမယ်လို့ အသိပေးလိုက်"

"ကြင်ကြင်... ကြင်ကြင်နာနာလား" ယွမ်အာလေးနှာ သူမ ရှစ်စွင်းပါးစပ်ထဲမှ ထိုစကားလုံး ထွက်လာတာကို ကြားချိန် မယုံကြည်နိုင်ဖြစ်နေသည်။

"အခုသွားတော့"

"ကျွန်မ အခု ချက်ချင်းသွားအသိပေးလိုက်ပါ့မယ်"

မယုံမကြည်မှုများနှင့် ပြည့်နေရင်း ယွမ်အာလေးမှာ တောင်ခြေဆီဆင်းသွားသည်။ လုကျိုးပြောခဲ့သည့် စကားလုံးများကို သူမ မိစ္ဆာတပည့်သုံးယောက်အား ပြောပြလိုက်ချိန် ကျောင်းယွဲ့မှာ ချော်လဲလုနီးပါးဖြစ်သွားသည်။

"စစ်ကော၊ ရှစ်စွင်းရဲ့ လုပ်ထုံးလုပ်နည်း အသစ်က တစ်ခုခုလွဲနေတာပဲ ဖြစ်ရမယ်... သူ့အရသာဘယ်လောက်ပြောင်းပြောင်း သူက ဘယ်တော့မှ တခြားသူတွေကိုကြင်ကြင်နာနာ ဆက်ဆံခိုင်းမှာမဟုတ်ဘူး"

မင်ရှစ်ရင်က ယွမ်အာလေးကိုကြည့်ကာ မေးလိုင်သည်။

"ရှစ်မေ့၊ ရှစ်စွင်းက တကယ်ပဲ အဲလိုပြောတာလား"

"ဟုတ်တယ်၊ အဲဒါ ရှစ်စွင်း စကားအတိအကျပဲ၊ အပြစ်မဲ့တဲ့လူတွေကို ကြင်ကြင်နာနာဆက်ဆံတဲ့"

"သွားပြီ... ငါတို့လုံးဝသွားပြီ..." မင်ရှစ်ရင်က ရှေ့နောက် ထပ်တလဲလဲ လမ်းလျှောက်နေသည်။

"လောင်စစ်၊ မင်းအဲဒါဘာဆိုလိုတာလဲ"

တွမ့်မူရှန်းက မျက်မှောင်ကြုတ်ကာ မေးလိုက်သည်။