ငါ့တပည့်တွေ အကုန် ဗီလိန်တွေချည်းပဲ

အခန်း (၂၉) ခွန်အားကြီးသော ကျွမ်းကျင်သူများ

Burmese Translation of {我的徒弟都是大反派} by author 谋生任转蓬

Translator - ME

အခန်း (၂၉) ခွန်အားကြီးသော ကျွမ်းကျင်သူများ

လုကျိုးက သက်ပြင်းချလိုက်သည်။ ယွမ်အာလေးက နောက်ဆုံးတွင် စိတ်ရှည်သည်းခံမှု ကုန်ဆုံးသွားတော့၏။ စနစ်အသိပေးသံများ နောက်ဆုံးတွင် ရပ်တန့်သွားသည့် အချိန်၌ တစ်နာရီနီးပါး ကြာသွားပြီဖြစ်သည်။

သူက စနစ်ဇယားကွက်ကို ကြည့်လိုက်သည်။

အမည်။ ။ လုကျိုး

မျိုးနွယ်စု။        ။ လူသား

ကျင့်ကြံခြင်းအဆင့်။    ။ ချီသန့်စင်ခြင်းနှင့် အာရုံခံသိပ်သည်းခြင်းနယ်ပယ်၏ ဝိညာဉ်တည်ဖွဲ့ခြင်းအဆင့်

ကုသိုလ်အမှတ်။           ။ ၁၂၅၄ မှတ်

စိတ်ဝိညာဉ်သဏ္ဌာန်။    ။ သုံးပါးသိပ်သည်းခြင်းပန်း

ကျန်ရှိသည့်သက်တမ်း။ ။ ၄၅၀၅ ရက်

အသုံးပစ္စည်းများ။        ။ ကျိထျန်းတျောက် အထွတ်အထိပ်အသွင်ကတ် နှစ်ကတ်၊ အတိုက်အခိုက်ဒဏ်ပြင်းအကာအကွယ်ကတ်(အလိုအလျောက်သုံး) သုံးကတ်၊ မှော်နတ်ခြင်္သေ့

ကျင့်စဉ်များ။    ။ ကောင်းကင်ကျမ်းစာ၏ စာလိပ်သုံးပါး

ကုသိုလ်ပြုအမှတ်များသည် အမှတ် တစ်ထောင်ကျော် စုဆောင်းပြီး ဖြစ်သည်။ တပည့်များကို သွန်သင်ပြသခြင်းနှင့် သူတို့ ပြီးမြောက်သည့် တာဝန်များမှ ဆုများကို နှုတ်ပြီးနောက် ယွမ်အာလေးသည် အနည်းဆုံး လူဆိုး ၅၀ ကို သတ်ခဲ့တာပဲ ဖြစ်သည်။

လုကျိုးက သူကလောကြီးထဲ ဝင်ရောက်သည်နှင့် ကိစ္စများကို သင့်တင့်စွာ ဖြေရှင်းမည်ဟု မထင်ထား။ ဆိုရလျှင် သူမက ငယ်ရွယ်သေးပြီး ကိစ္စရပ်များကို တစ်ဉီးထဲ ဆုံးဖြတ်နိုင်ခြင်းမရှိသေးချေ။ ထို့အပြင် အတိတ်တုန်းက မိုးပြာနဂါးအဖွဲ့အစည်းသည် ဆိုးယုတ်သည့် ကိစ္စများစွာ ပြုလုပ်ခဲ့ကြောင်း ဝမ်ဖူကွေ့ထံမှ သူသိရှိခဲ့ရတာ ဖြစ်ပြီး သာမန်လူများသည် သူတို့ လက်အောက်၌ ထိခိုက်နစ်နာခဲ့၏။ အာဏာရှင်များကလည်း ငရဲဂိုဏ်းနောက်ခံရှိနေသောကြောင့် သူတို့ကို မျက်ကွယ်ပြုထားရာမှ အန်းယန်တွင် အဓိကအင်အားစု ဖြစ်လာတာပဲ ဖြစ်သည်။ သူတို့က အသတ်ခံရရန် ထိုက်တန်၏။ လုကျိုးက သူတို့ကို ကရုဏာသက်မနေ။