အခန်း (၄၀) မင်းသတ္တိကောင်းလှချည်လား
ရှောင်ယွမ်အာက နတ်ခြင်္သေ့ပေါ်မှ ခုန်ဆင်းကာ အနည်းငယ် ထူးဆန်းနေသော ယဲ့ထျန်းရှင်းရှေ့ ရောက်လာသည်။ သူမက ခြုံငုံကြည့်လိုက်ပြီးနောက် တအံ့တဩ ပြောလိုက်သည်။
“ အစ်မရဲ့ ကျင့်ကြံဆင့်ကရော ”
“ ဖျက်ဆီးခံလိုက်ရပြီ ” ယဲ့ထျန်းရှင်းက မသက်မသာ ပြောလိုက်သည်။
“ ဖျက်ဆီးခံလိုက်ရတာလား။ အဲဒါကို ဘာလို့ ခက်ထန်နေသေးတာလဲ ”
“ ရှစ်မေ့ … ဒါက နင် လေးစားရတဲ့ ရှစ်စွင်းရဲ့ လက်ချက်လေ။ ငါ့စကားနားထောင် သူသာ ဒီလိုဆက်လုပ်နေမယ်ဆိုရင် နင့်ကိုလဲ သိပ်မကြာခင် ချောက်နက်ထဲ တွန်းချမှာပဲ။ သူက နင့်ကို ဘယ်လောက်ကြာကြာများ ကာကွယ်ပေးနိုင်မှာလဲ ”
ယဲ့ထျန်းရှင်းက မီးတောက်ထဲ လောင်စာ ထည့်လိုက်သည်။
“ မယုံဘူး … အစ်မက သစ္စာဖောက်ပဲ။ မင်းရဲ့ ကျင့်ကြံဆင့်တွေ ဖျက်ဆီးခံရတာ ကိုယ့်ထိုက်နဲ့ ကိုယ့်ကံပဲ”
ရှောင်ယွမ်အာက ပြောလိုက်သည်။
ထိုအရာကို မြင်ပြီး ယဲ့ထျန်းရှင်းက မျက်မှောင်အနည်းငယ် ကြုတ်မိလိုက်သည်။
‘ ရှစ်မေ့က ဘယ်တုန်းကတည်းက လူအိုကြီးအပေါ် ဒီလောက် နာခံတတ်သွားတာလဲ။ သူ ဘာဆေးတွေများ တိုက်လိုက်တာလဲ ’
“ အခု သူ့ကို ကြည့်ပါဦး ရှစ်မေ့ … သူက အခုသာမန်လူအိုကြီးတစ်ယောက်လိုပဲ။ ငါ့ကို ယုံပြီး သူ့ကို ရိုက်ကြည့်လိုက် ”
ယဲ့ထျန်းရှင်းက ကျင့်ကြံဆင့် ပျောက်ဆုံးသွားသော်လည်း လုကျိုး၏ လကရှိအခြေအနေမှာ စောစောလေးကနှင့် မတူကြောင်း ခံစားနေမိသည်။ တခြားနည်းဖြင့်ဆိုရလျှင် သူမ မသိသည့် ဆေးက အာနိသင် ကုန်သွားခြင်း ဖြစ်နိုင်၏။
ရှောင်ယွမ်အာက နောက်ဆုတ်လိုက်ပြီး နှာခေါင်းရှုံ့ကာ ဒေါသတကြီး ပြောလိုက်၏။
“ ဟွန်း သစ္စာဖောက်တစ်ယောက်ရဲ့ စကားကို နားမထောင်ဘူး ”
သူမက ရှစ်စွင်းကို လေ့ကျင့်ရေးအတွက် ဖြစ်လျှင်ပင် မတိုက်ရဲပေ။
YOU ARE READING
ငါ့တပည့်တွေ အကုန် ဗီလိန်တွေချည်းပဲ
Fantasyအကျဉ်းချုပ် လုကျိုးက ကမ္ဘာလောကကြီးရဲ့ အသန်မာဆုံးနဲ့ သက်တမ်းအရင့်ဆုံး မိစ္ဆာဂိုဏ်းချုပ်ဖြစ်ဖို့ နိုးထလာပြီး သူ့မှာ ဆိုးယုတ်မှုတွေ ပြည့်နေတဲ့ နာမည်ဆိုးနဲ့ ကျော်စောတဲ့ တပည့် ကိုးယောက်ရှိနေတာကို သိလိုက်ရတယ်။ သူ့အကြီးဆုံးတပည့်က ဂိုဏ်းသားထောင်ကျော်ရှိတဲ့...
