ငါ့တပည့်တွေ အကုန် ဗီလိန်တွေချည်းပဲ

အခန်း(၃၁) လင်းဟူအဖွဲ့အစည်း

Burmese Translation of {我的徒弟都是大反派} by author 谋生任转蓬
Translator - ME

အခန်း(၃၁) လင်းဟူအဖွဲ့အစည်း

သူက ရှစ်စွင်းကို ဘယ်လိုလုပ် ဒီလို မြှောက်ပင့်နိုင်ရတာလဲ။

ယွမ်အာလေးက မရယ်ဘဲ မနေနိုင်တော့ချေ။ သို့သော် သူမဆရာ၏ တည်ကြည်သော အကြည့်ကို မြင်သောအခါ အသံမြန်မြန်တိုးလိုက်သည်။ ပြီးနောက် သူမကို သူ ကြိမ်းမောင်းမှာကို ကြောက်ရွံ့သောကြောင့် တဖက်လှည့်ပြီး ပါးစပ်ကို လက်ဖြင့် ကာလိုက်၏။

မုရုန်ဟိုင်က ရှက်ရွံ့ပြီး ဇဝေဇဝါ ဖြစ်နေပုံပေါ်သည်။ ထိုလေးနက်သည့် အကြောင်းခေါင်းစဉ်က ရယ်နေရတာကို သူ နားမလည်နိုင် ဖြစ်နေသည်။

“မင်း သူ့ကို လျစ်လျူရှုထားလိုက် ဆက်ပြော ” လုကျိုးက တည်ငြိမ်စွာ ပြော၏။

မုရုန်ဟိုင်က ယွမ်အာလေး နှောင့်ယှက်တာ ခံရပြီးနောက် သူ၏ ရှိုက်သံကို မည်သို့ ထိန်းရမည်မှန်း မသိတော့ချေ။ ထို့ကြောင့် သာမန်အသံဖြင့် ပြော၏။ “လင်းဟူအဖွဲ့အစည်းက တကယ်တော့ မရှိတဲ့ ဂိုဏ်းတစ်ခုပဲ၊ သူတို့ စီမိသားစုကို ပြန်ပေးမဆွဲခင် နှစ်ရက်လောက်တုန်းက လူအယောက်သုံးဆယ်နဲ့ အန်းယန်ထဲ ရောက်နေတာ ”

“မင်း ဒါ ဘယ်လိုသိတာလဲ ”

“သူတို့က ဂိုဏ်းအတုလုပ်တယ်ဆိုရင် သူတို့က တခြားသူတွေကို မသိစေချင်ဘူးလို့ ရည်ရွယ်တာပေါ့၊ ဒီတော့ မုရုန်မိသားစုက ဘယ်လိုလုပ် သိတာလဲ ”

ယင်းက မုရုန်ဟိုင်ကို တစ်ချက် တိတ်သွားစေပြီးနောက် သူ၏ မျက်နှာပေါ်တွင် အနေရခက်သည့် အကြည့်ပေါ်လာသည်။

“ငါ့ကို ပြော ”

“တကယ်တော့ သူတို့ထဲက တချို့က ကျုပ်ရဲ့ မိသားစုထဲကပဲ ”

ယွမ်အာလေးက ဒေါသတကြီးပြောလိုက်သည်။ လုကျိုးက လက်ကာ ပြကာ ပြောလိုက်သည်။

“ကောင်းတယ်၊ မင်းကောင်းကောင်း ဖြေခဲ့တာပဲ ”

“ကျေးဇူးပြုပြီး သက်ညှာပေးပါ သခင်ကြီး၊ အခုက စပြီး စီမိသားစုကို မဆန့်ကျင်တော့ဘူးလို့ ကတိပေးပါတယ် ”