သူစိမ်း....သို့သော် [သူစိမ်း -၂] [U+Z] (completed)

ဒီပ (၅)

လွန်ခဲ့သော နှစ်ပတ်

"အစ်မရေ ဒါလေးယူမယ်ဗျ"

ချောကလက်ကိုမှ toppingမှာချယ်ရီသီးလေးတွေအလှဆင်ထားတဲ့ကိတ်ကို ကိုချန်းလက်ညိုးထိုးပြနေတယ်။

"တစ်ခုလုံးယူမလို့လား အကို"

"အင်းပေါ့ ဒီပရ"

ကျွန်တော်နည်းနည်းတော့အံ့ဩနေတယ်။သိသ
လောက်ဒီနေ့ကိုချန်းမွေးနေ့မဟုတ်ပါဘူး။

"အကို့မွေးနေ့လည်း မဟုတ်ပါဘူး"

"အင်းလေ မဟုတ်ဘူးလေကွာ"

"အကို ကုန်လို့လား မကုန်ရင်နှမြောစရာကြီး"

"နှမြောရင် ကုန်အောင်စား"

"ဟင်"

"ဟုတ်တယ်လေ မင်းအတွက်မှာပေးတာ ဆိုင်ထဲဝင်ထဲက‎ ဒီတစ်ခုကို မင်းကြည့်နေတာ ငါမြင်သားပဲ"

နှစ်ယောက်ဆွေးနွေးနေတာကို glass case တစ်ဖက်ကဆိုင်ဝန်ထမ်းအမျိုးသမီးငယ်က ဘာများသဘော
တွေ့သလဲမသိ။ ကျွန်တော်နဲ့ကိုချန်းကိုကြည့်ပြီးပြုံးနေတယ်။

"တစ်စိတ်လောက်ဆို ဝ,ပါပြီဗျာ တစ်စိတ်ပဲယူလေ နော်"

ဒီလိုဆိုတော့မျက်ခုံးပါးပါး နှစ်ခုထိစပ်သွားတဲ့အထိ
ကျွန်တော့်ကိုမျက်မှောင်ကြုတ်ပြတယ်။

"အကို အပိုကုန်နေမှာစိုးလို့ ပြောတာပါဗျာ"

"ကိုယ်ရှာနေတာ မင်းအတွက်ချည်းပဲလေ ဘေဘီ"

တစ်ဖက်ကဝန်ထမ်းအစ်မ,စောစောတုန်းကလိုပြုံးရုံမဟုတ်တော့ဘဲ ခိုးခိုးခစ်ခစ်ရယ်နေပြီ။စနောက်နေမှန်းသိသည့်တိုင် ကျွန်တော့်ပါးတွေနွေးသွားရပြီ။

"ကိုချန်း ဘာတွေလျှောက်ပြောနေတာလဲဗျာ"

ကျွန်တော်သူ့ကိုမကြည့်မိတော့ဘဲ ရှေ့တည့်တည့်ကျနေတဲ့ ကောင်တာတစ်ဖက်ခြမ်းက coffee maker ကနေတစ်စက်ချင်းစီးကျနေတဲ့ကော်ဖီစက်ကိုသာ အကြောင်းမဲ့ငေးမိတယ်။ ကျွန်တော်ဘာဖြစ်သွားသလဲသိရက်နဲ့ နွေးသွားတဲ့ပါးပေါ်ကိုလက်ဖဝါးတင်ပြီး အပူစမ်းသလိုစမ်းသေးတယ်။

"babe နေမကောင်းဖြစ်ချင်လာလို့လား"

တစ်ဖက်ကအစ်မလည်းအရယ်မပြတ်တော့ဘူး။အားပေးနေတဲ့ဘောလုံးသမားဂိုးသွင်းလိုက်လို့ကျေ
နပ်နေတဲ့ပွဲကြည့်ပရိသတ်လို ကျွန်တော်တို့ကို ကြည့်ပြီးသဘောအကျကြီးကျနေပြီ။ ဒါကိုမျက်လုံးထောင့်ကနေမြင်နေရတယ်။