အရေးမစိုက်တဲ့ တရားဝင်သမီး(ဘာသာပြန်)

Chapter 68(Unicode&Zawgyi)

ထုန်းယန်က ရွှီရှင်းတော၏နောက်ဖက်တွင် လျှောက်လာကာ သူ၏လက်ထဲတွင် အမေရိကာနိုကော်ဖီတစ်ခွက်ကို ကိုင်ထား၏။ သူဟာ သူ့ရဲ့ခေါင်းကို ငုံပြီး မကြာခဏဆိုသလို တစ်ငုံပြီးတစ်ငုံ သောက်နေ၏။ သူရဲ့ နောက်လက်တစ်ဖက်က ကျောင်းယူနီဖောင်းဘောင်းဘီရှည်၏ အိပ်ကပ်ထဲတွင် ထည့်ထား၏။

သူတို့၏ နောက်ဖက်တွင် ဝေ့လန်နှင့် စူးဝေ့တို့ ရှိနေ၏။ ဝေ့လန်က နို့လက်ဖက်ရည်နှစ်ခွက်ကို ကိုင်ထား၏။ သူ့ရဲ့အပြုံးက ပေါ့ပြက်ပြက်နိုင်လှသော်လည်း ၎င်းက သူ၏ကြည့်ကောင်းသော ရုပ်ရည်အား မထိခိုက်စေပေ။ သူဟာ ညုတုတု အကြည့်ဖြင့် လှည့်ပတ်ကြည့်နေ၏။

စူးဝေ့ဟာ သူ့ဘေးရှိ အတန်းဖော်ကို ကြည့်လိုက်ပြီး
ယနေ့ သင်ကြားရမည့် ချက်ပြုတ်နည်းကို ယူလိုက်သည်။

ဤလူလေးယောက် ဝင်လာသည့်အခါ ချက်ပြုတ်ရေး အတန်းက ချက်ချင်းပင် တိတ်ဆိတ်သွားပြီး လူတိုင်းရဲ့အကြည့်က ရွှီရှင်းတောပေါ် ကျရောက်နေ၏။

ဤအခိုက်အတန့်တွင် လျိုယထင်း၏သူငယ်ချင်းများက သူမအား တိတ်တဆိတ် နှစ်သိမ့်ပေးနေကြ၏။

လူလေးယောက်လုံး ထိုင်လိုက်ပြီးနောက် ဝေ့လန်က ရွှီရှင်းတောရှေတွင် နို့လက်ဖက်ရည်တစ်ခွက်ကို ချပေးလာ၏။

ရွှီရှင်းတောက ချက်ပြုတ်သည့်အဆင့်များနှင့် နမူနာ ပုံများ ပါဝင်သည့် ချက်ပြုတ်နည်းကို ကြည့်လိုက်သည်။ထို့နောက်တွင်တော့ သူမဟာ ထုန်းယန်အား ပြလိုက်သည်။ "အတော်လေး မိန်းကလေး ဆန်တယ်"

ထန်းယန်က သူ့ရဲ့ကော်ဖီကို ဆက်သောက်နေ၏။
သူဟာ အလွန်အိပ်ငိုက်နေသည့်အတွက် မပီမသ ပြန်ဖြေလိုက်သည်။ "အိုး"

တစ်ခဏမျှကြာပြီးနောက် ဝေ့လန်၏ထိုင်ခုံဖော်က ငါးယောက်တစ်ဖွဲ့ ဖွဲ့ရန် ရောက်လာ၏။သိသိသာသာပင် ရွှီရှင်းတောက သူတို့အဖွဲ့၌ တစ်ဦးတည်းသော မိန်းကလေးဖြစ်နေ၏။

အတန်းစပြီးနောက် ချက်ပြုတ်မှုသင်ကြားရေး ဆရာမက လက်တွေ့လုပ်ပြပြီးနောက် ကျောင်းသားများက သူတို့ကိုယ်တိုင် လုပ်ရတော့မည် ဖြစ်သည်။