အရေးမစိုက်တဲ့ တရားဝင်သမီး(ဘာသာပြန်)

Chapter 148(Unicode&Zawgyi)

"ဟုတ်တယ် သူမရဲ့ခန္ဓာကိုယ်က ကြောက်စရာကောင်းတဲ့ အခြေအနေမှာပဲ" ထိုစကားကို ပြောပြီးနောက် သူဟာ ရွှီရှင်းတောရဲ့ ပြဿနာများကို သူ့ရဲ့အမေထံ ဆက်လက်ရှင်းပြလိုက်သည်။ ကလေးဘဝတုန်းက နှင်းကိုက်နာ၊ အစားအသောက် အရည်အသွေးညံ့ဖျင်းမှုကြောင့် သူမ၏ အစာအိမ်နှင့် အူလမ်းကြောင်းရောဂါပြဿနာများ၊ သူမ၏ ဓမ္မတာနာကျင်ကိုက်ခဲမှုနှင့် သူမ၏ ကိုယ်ခံအားနည်းသည့်အကြောင်းများကိုပင်။

ယင်းဟွာဟာ အားလုံးကို ကြားပြီးနောက် အနည်းငယ်မသက်မသာ ဖြစ်လာ၏။

သူမဟာ ငြိမ်ငြိမ်လေး ထိုင်နေပြီး သူမ၏လက်ချောင်းများကို စားပွဲဝိုင်းလေးပေါ်တွင် ဖြည်းညင်းစွာ ထပ်ခါတလဲလဲ ခေါက်နေ၏။

ရုတ်တရက် မှတ်ဉာဏ်ဟောင်းတစ်ခုက သူမ၏စိတ်ထဲပေါ်လာ၏။ ထုန်းယန်တစ်ယောက်
ခံတွင်းပျက်ကာ နည်းနည်းပဲ စားသောက်ပြီး သူ့အားအလွန်အမင်း ပိန်ညှောင်သွားစေခဲ့သည့် အချိန်အား အမှတ်ရသွား၏။

ထို့အပြင် ထုန်းယန်က ရုတ်တရက် အလွန်သတိရှိကာ စိုးရိမ်ကြောင့်ကြလျက်ရှိ၏။ သူဟာ အမြဲတစေ ကြောက်လန့်တကြား လှည့်ပတ်ကြည့်ရင်း
သူ၏ မျက်လုံးများက အလွန်အမင်းစိုးရိမ်ကြောင့်ကြမှုကို လှစ်ဟပြသနေ၏။ သူ၏ အလန့်
တကြား ဖြစ်နေသည့် ပုံစံက လူအများက်ို
သူ့အားနှစ်သိမ့်ပေးရန် သူတို့၏ လက်မောင်းထဲ
တင်းကြပ်စွာ ထွေးပွေ့ထားပေးစေချင်သည့်ပုံပေါက်နေ၏။

ထိုနေ့တွင် ယင်းဟွာက သူမ၏ သားနှင့်နေရမည်ဟု ခံစားရသည့်အတွက် သူမဟာ သူနှင့် စတင်၍ စကားပြောဆိုလိုက်သည်။ ထုန်းယန်က များများစားစား မဖြေဘဲ သူမအား အလန့်တကြား ကြည့်နေ၏။ နောက်ဆုံးတွင် သူမဟာ သူဘာစားချင်လဲဆိုတာကိုသာ မေးလိုက်သည်။ အနည်းငယ် တုန့်ဆိုင်းနေပြီးနောက် ထုန်းယန်က သဘောတူလိုက်သည်။

ထုန်းယန်က လွန်ခဲ့သည့် ရက်အနည်းငယ်အတွင်း ဘာကိုမှ ဟုတ်တိပတ်တိ မစားသည့်အတွက် ဤသည်က အတိအကျပင် သူမလိုချင်သည့်အရာ ဖြစ်သည့်အတွက် ယင်းဟွာတစ်ယောက် အပျော်လွန်နေ၏။ သူမဟာ ထုန်းယန်အား ဘာစားချင်လဲဆိုတာကို မေးနေ၏။ ထုန်းယန်က သတိထားလျက် ပြန်ဖြေလိုက်သည်။ "အသင့်စားခေါက်ဆွဲ"