အရေးမစိုက်တဲ့ တရားဝင်သမီး(ဘာသာပြန်)

Chapter 151(Unicode&Zawgyi)

သူတို့ဟာ မြှားအချောင်းငါးဆယ်ကို ပြင်ဆင်ထားသော်ငြား မြှားပေါ်တွင်အသုံးပြုထားသည့် နိုက်ထရိုဂျင်အရည် ပမာဏက အလွန်နည်းပါးလှသည့်အတွက် သူတို့ဟာ လူတစ်ယောက်တည်းကို အားလုံးပစ်လိုက်ရင်လျှင်တောင် စင်စစ် ထိခိုက်မှုရှိလိမ့်မည် မဟုတ်ပေ။ သို့သော်ငြား နာကျင်မှု သားကောင်က တစ်မျိုးတစ်မည် ခံစားရလိမ့်မည် ဖြစ်သည်။

ထုန်းယန်တွင် မြှားကို တစ်ချောင်းပြီးတစ်ချောင်းပစ်ခွင်းနေသည့် လူနှစ်ယောက် ရှိလေသည်။ မြှားအားလုံးကို ပစ်ပြီးနောက် သူတို့ဟာ ဒီမှာ ရှိနေခဲ့သည့် အရိပ်အယောင်တောင် ချန်မထားခဲ့ဘဲ အားကစားရုံထဲမှ တိတ်တဆိတ်ထွက်သွားလိုက်ကြသည်။

သူတို့ထွက်သွားပြီးနောက် အားကစားရုံက ပြန်လည်လင်းထိန်သွား၏။

အလန့်တကြားဖြစ်သွားကြသည့် မိန်းကလေးများက မီးပြန်လင်းလာမှ တစ်ယောက်ကိုတစ်ယောက် မြင်နိုင်ကြတာ ဖြစ်သည်။ သို့သော် မုချင်းယောင်နှင့် တခြားမိန်းကလေးများအတွက် အံ့ဩစရာအဖြစ် အားကစားရုံ၏ဘေးဖက်တွင် ရပ်နေကြသည့် လူတစ်စု ရှိနေ၏။ သူတို့ဟာ ဘာတွေဖြစ်မလဲဆိုတာကို သိနေသကဲ့သို့ မိန်းကလေးများ၏ မျက်နှာပေါ်တွင် အလန့်တကြားဖြစ်နေသည့် အရိပ်အယောင်နှင့် စိတ်ရှုပ်ထွေးနေမှုများ ရှိမနေကြောင်း သတိထားမိသွားကြ၏။ ပစ်မှတ်က မုချင်းယောင်တစ်ယောက်တည်း ဖြစ်ကြောင်း သိနေသကဲ့သို့ပင်။

မုချင်းယောင်က မိန်းကလေးအုပ်စုကို အကူအညီတောင်းသည့် မျက်လုံးများဖြင့် ကြည့်နေသော်ငြား စက္ကန့်ပိုင်းအတွင်း သူမ၏ မျက်လုံးထဲရှိ မျှော်လင့်ချက်များက မြူမှုန်များအဖြစ် ပြောင်းလဲသွား၏။

...

အားကစားရုံထဲက ထွက်သွားပြီးနောက် လေးကို က်ိုင်ထားသည့် ယောကျာ်းလျာလေးက မေးလိုက်
သည်။ "မင်းက ဘာလို့ မိန်းကလေးတချို့ကို မင်းရဲ့အစီအစဉ်အကြောင်း ကြိုပြီးသတိပေးထားရတာလဲ? တကယ်လို့ မိန်းကလေးအားလုံးက ဖရိုဖရဲပြေးလွှားနေကြရင်တောင် ငါပစ်တာ လွဲမှာ မဟုတ်ပါဘူး"

"ငါက သူမကို မုန်းနေတဲ့သူအများကြီး ရှိကြောင်း မုချင်းယောင်ကို သိစေချင်ရုံပါ။ အဲဒီလို စိတ်သောကရောက်ရတာအပြင် သူမ ခံစားရမည့်နာကျင်မှုတွေပါ ပေါင်းမှ သူမအား အပြစ်ပေးဖို့ လုံလောက်လိမ့်မည် ဖြစ်သည်။
"မင်းက အတော်လေး ရက်စက်တာမဟုတ်ဘူးလား?"