မျက်လုံးလေးတွေ မှိတ်ထားတဲ့ ချမ်းဆောင်းဟန်တောင်မှ မင်းသန့်ကိုကိုမောင် ရဲ့ ဖုန်းထဲကနေ ပြောတဲ့ စကားတွေကြောင့် သဘောတကျနဲ့ ရယ်မိသွားသည်။
"ကလေးရဲ့ Daddy... နည်းနည်းတော့ လွဲနေပြီ "
"နည်းနည်းမဟုတ်ဘူး ...တော်တော် လွဲနေတာ ပြွတ်!"
မင်းသခင်ခက်ထန် သူ့ရဲ့အရှေ့မှာ သဘောတကျနဲ့ ရယ်နေတဲ့ ချမ်းဆောင်းဟန်ကို အသည်းယားလွန်းတာကြောင့် ချမ်းဆောင်းဟန်ရဲ့ နှုတ်ခမ်းလေး ကို ထိရုံလေး တစ်ချက်နမ်းပြီးနောက် နားအနားလေးတိုးကပ်ကာ...
"ကိုကို့ရဲ့ နှုတ်ခမ်းပါးလေးတွေကို သဘောကျတယ်"
ချမ်းဆောင်းဟန်ရဲ့ နှုတ်ခမ်းလေးကို မင်းသခင်ခက်ထန် နမ်းပြီးတာနဲ့ အိပ်ရာထဲကနေ ထပြီး အခန်းပြင်က ဗန်းလိုက်လေးကို အခန်းထဲ ယူလာလိုက်၏ ။
ကုတင်ဘေးနားမှာရှိတဲ့ ညအိပ် မီးအိမ်လေး တင်ထားတဲ့ ခုံပေါ်မှာ ဗန်းလိုက်လေးကိုတင်လိုက်သည်။
အကိုက်အခဲပျောက်ဆေး၊အရောင်ကျဆေး၊ရေသန့်ဘူး၊သောက်ရေဖန်ခွက်၊ဆန်ပြုတ်ဘူး၊ကြွေပန်းကန်လုံးလေးနဲ့ ကြွေဇွန်းလေးတွေကို စနစ်တကျ အသေးစိတ် ထည့်ပေးထားတာလေးကို ကြည့်ရင်း မင်းသခင်ခက်ထန် သူ့အဖေ နှစ်ယောက်ရဲ့ မေတ္တာတွေကိုပါ ခံစားရသည်။
Daddy က သူ့ကို ချစ်ကြောင်း ထုတ်မပြပေမဲ့ သူ့ကို အရမ်းဂရုစိုက်ပြီး အရမ်းချစ်တာ။ဒီနေ့လဲ Daddy သာ ကိုကို့ ကို အပေါ်ထပ်သော့ မပေးခဲ့ရင် သူတို့ နှစ်ယောက် ချစ်လျက်နဲ့ ထပ်ပြီးဝေးရဦးမှာ။
မင်းသခင်ခက်ထန် အတွေးတစ်ချို့ဖြင့် ဆန်ပြုတ်ပန်းကန်လေးထဲ ဆန်ပြုတ်တွေ ထည့်သည်။ထိုအချိန်မှာ ချမ်းဆောင်းဟန် ထိုင်ဖို့ကြိုးစားလိုက်သည်။
ချမ်းဆောင်းဟန် လှုပ်လှုပ်ရှားရှားနဲ့ ထိုင်ဖို့ကြိုးစားနေတာကြောင့် ဆန်ပြုတ်ပန်းကန်ကို ချက်ချင်း ချလိုက်ပြီး ချမ်းဆောင်းဟန် ထလို့မရအောင် စောင်တွေ နဲ့ ပြန်ပတ်လိုက်၏ ။ချုပ်နှောင်တာ မကြိုက်တဲ့ ချမ်းဆောင်းဟန်အတွက် ထိုအပြုအမူက ဒေါသအစပျိုးလာစေသည်။
ESTÁS LEYENDO
Min Tha Khin Khat Htan {S-2} {Completed}
Romanceချိုပြီး မှောင်တာကြောင့် Warning 🚨 ကြိုပေးထားပါတယ်။ 🔞🔞 ရှောင်တဲ့သူ ဆိုရင်တော့ မဖတ်ဖို့ အကြံပြုပါတယ်ရှင်။ Min Thant Ko Ko Maung {S1} ခ်ိဳၿပီး ေမွာင္တာေၾကာင့္ Warning 🚨 ႀကိဳေပးထားပါတယ္။ 18+ ေရွာင္တဲ့သူ ဆိုရင္ေတာ့ မဖတ္ဖို႔ အႀကံျပဳပါတယ္ရွင္။ ကလဲ့စ...
