بلاي حبيت نجديه

البارت الثالث

فهد دخل بيتهم
ام فهد : تاخرت يامك
فهد : مريت خوي لي
ترف : خوي وهنا بنجد لو حنا بشمالنا صدقت
فهد : نسيتي خوي ابوي ابو سيف
ترفه : ياحليلهم ، يمه لازم نعزمهم
ام فهد : اي بنسير عليهم ونعزمهم لعرسك
فهد : خلصت عروستنا ولا باقي
ترفه : اهخ ياخوي باقي ماخلصت والخياطه اللي جايين لها من حايل كل يوم تقول الاسبوع الجاي
فهد : ما ورانا شي ننتظر الفستان اللي انخلق لتس
دخل محمد : يمه جوعان
ام فهد : يخسي الجوع يمك
حمد : اييييه هو الدلع لناس وناس لا
سحبه فهد من رجوله وطاح راسه من حضن امه على الارض وصارخ
وفهد راح يضحك ويحط راسه بحضن امه وهو يضحك
ام فهد : فهود يمه عورت اخوك
فهد : دوري بالدلع مو كله لهم
دخل ابو فهد : تبي الدلع وانت اللي كبرك عنده عيال
ام فهد : تعبت وانا اعلمه بس وش يقنعه
فهد : خلاص على كيفتس يمي تبين تزوجيني تم
————————————-
بالغدا
ابو سيف : اقول ياخوك شرايك المزرعه مع الاهل
ابو صالح : والله انها فكره زينه كم يوم ودك؟
ابو سيف : اسبوع ودي نبعد ابي الراحه
ابو صالح : الله يصلحك وانا اخوك مشكلتك تفكر بالعالم كلهم
ابو سيف : دامني شيخ الديره ولزوم افكر بهم
_____________________________
نجد : اقول بنات
ريما : وشو
نجد : احس طفشت من سوالف الحريم خلونا نطلع
ريما : بنات نسيت اقولكم الجازي قالت تعالوا عندي انتي والبنات بنات الديره مجتمعين
ساره : ورا ما قلتي لنا
الجوهره: تكفون مابي اقابل شينه الحلايا
ريما : وع بس تخسي تخرب علينا ، نجد شفيك؟
نجد : ابي سلسالي
ساره : لو ابوي يحس انك متضايقه قوم الدنيا فكينا
العنود : بكلم سيف على الروحه معكم
ساره : وانا بعد لازم اقول لصالح
نجد : ياليل المتزوجات
العنود : وانتي وراك اخوان وابو
نجد : ابوي ماراح يرفض
الجوهره : لازم اكلم ترفه
__
راحت نجد من عند باب المجالس وهي تنادي عبود
عبود: سمي يا عمه
نجد : ياقلب عمه انت ناد ابوي او اخواني
عبود : ابشري
دخل عبود يركض وقال بصوت عالي : جدي جدي
ابو سيف : لبيه يا السمي
عبود : عمه نجد تبيك
سيف : عبود عيب صوتك يصير عاالي
عبود نزل راسه وقال : سم
ابو سيف ضحك وهو يحوس شعر عبود
_________
ابو سيف : لبيه يااعييوون ابوتس
نجد : يبه عادي انا وريما نروح لبيت الجازي البنات مجتمعات وعازمينا يبون بنات الشيخ عبدالله يجونهم وهي تضحك
ابو سيف : لا تلومينهم يابوك بنات عبدالله زينه الدنيا ، شبلاها عيونك وش مضايقك؟
نجد نزلت راسها : لا يابوي مافيني شي
ابو سيف : الوعد لاجيت تعلميني بكل شي
نجد : ابشر
ابو سيف : بقول لواحد من العيال يوصلكم
_________________
دخلت نجد تركض وعلمتهم وجت عند امها وقالت لها و وافقت
عند سيف والعنود
سيف : ياعيون وقلب وروح سيف امريني
العنود : ودي اروح مع البنات مجتمعين بنات الديره وبروح معهم
سيف : ابد ياعيوني روحي وانبسطي
العنود : وعبودي ؟
سيف : عنده امي تنتبه له
العنود: تمام ياعيونها
اما عند ساره عيت تروح
نجد : ساره يا النفسيه ليه؟
نجد: صالح معيي ؟
ساره : لا اساساً ما كلمته
نجد : ترا بكلم صالح
ساره : يابنت قلت لك لا يعني لا
طق الباب سلطان وقال يالله اللي يبون يروحون
ريما : سلطان ترا العنود عيت تجي
سلطان: هي ما تبي ولا صالح رافض !
ريما : مدري بس خوفي مضايقها بكلامه
سلطان: خلاص اجهزوا جايكم انا
العنود بالغرفه تحط الكمادات على ريما وتصيح ومقفله الباب ما تبي تخوف امها وهي ما تحب الحراره لان فقدت بنتها البكر من الحراره وما تبي تخوفهم
عند سلطان راح عند صالح
سلطان: صويلح شفيها ساره؟
صالح : افا علامها
سلطان : انا اسالك
صالح : مدري يارجال خلني اشوفها
————————
طق الباب صالح وينادي بكل صوته يااوللدد
جته ترف تركض : يمه شفيك ؟
صالح : وين ساره
ترف : مدري
صالح : خذيلي طريق
ترف : تستهبل اصبر انادي امي
صالح :ياليل اخلصي
جت ام صالح مسرعه ومشيتها سريعه ومعها ركض : ها امي شفيك
صالح : ساره وينها شفيها
ام صالح : مدري كانت معنا
صالح: قوليها صالح يبيك
دخلت ام صالح وهي تسال ام سيف وراحوا غرفت البنات لقوها مقفله
ام سيف تطق الباب وتنادي : ساره يمه فيك شي
ام صالح : ساره افتحي
فتحت ساره الباب وهي تمسح دموعها : هلا
ام سيف : شفيييك احد فيه شي وش صاير
ام صالح : من ميت
ساره : بسم الله محد مييت بس ، وهي تنهار صياح
ام سيف شافت ريما وهي تركض : يمه بنتيي شفيها ريييما
ساره : حراره
ام سيف : خوفتيني الله يصلحك الحراره تروح عادي
ام صالح: كلمي صالح يوديها
ساره : لا تكفون لا تودونها المستشفى
ام سيف : يمي لاتذبحين البنت لا تخلين موقف صار قبل ياثر على البنت
قطع عليهم صوت صالح : يااوللد
تغيرت ملامح وجهه وهو يشوف بنته طايحه و وجها احمر وشعرها فيه مويه ركض وهن يشيلها بحضنه
صالح : شفيها ريما
ساره طاحت عند كتفه تصيح
ساره : تكفى تكففى لا توديها المستشفى مابي اخسرها ثاني مرره بنتيي لا تاخذها تكفى
صالح حس قلبه بيطلع من مكانه وبينفجر ما يحب يشوف دموع ساره تذبحه دموعها ولا هو قادر يشوف بنته طايحه كذا
ام سيف : يامي لزوم نوديها المستشفى كيف تخلينها كذا
ساره : يمه تكفيين قبلها رهف سلمتها للمستشفى وخذوها من حضنيي مابي مابي ياخذون ريما
صالح ضمها لحضنه ويهدي ساره
دخل ابو سيف وعبدالعزيز وسيف وسلطان من سمع الصياح استحى صالح وبعد عنها وابو سيف حضنها ويشد عليها
ابو سيف : يابنتي ما يسوى هالصياح كله وانتي اللي تسوينه حرام في نفستس وبالبنت اللي صار قبل ربي كاتبه وماهو شرط من حراره يصير لها كذا سمي بالله يابوتس وخلينا ناخذها واذا ودتس تروحين انتي امشي يابوتس ولا يضيق خاطرك وانا ابوتس ما اقوى على دمعتي انتي وخواتس
سلطان وعبدالعزيز وسيف يهدون ساره
سيف : وانا اخوتس شجاتس نسيتي ايام تنفضنا الحرااره ورب البيت اني اذكر انسدحت بفراشي ثلاث ايام ولا صارلي شي وبعدين حرام اللي تسوينه