بلاي حبيت نجديه

57

نادر : عبود تراك ورع
عبود : تعقب
نادر ضحك وقال : افا تقول كذا لرجاجيل
عبود : يا عمي ما ابي ودني لرعد
عبدالعزيز التتفت لنادر وقال شرايك؟
نادر : شكلك ناسي ابوك وش موصيك
عبدالعزيز: نخلص على السريع ونروح
عبود : وعد ما ازعجك
عبدالعزيز: بوديك لامك انت
عبود : تكفى ياعمي
عبدالعزيز: وعد باتسر الصباح اوديك
عبود : تكذب علي
عبدالعزيز: كبرك انا !
عبود: طيب
_____________________________________
سلطان: يمه ما خلصتوا؟
ام سيف: سلطان يمه الفناجيل اخذ ذي ولا ذي
سلطان بانهيار : يمه يرحم لي ثنتين جابوتس تكفين تكفين اخلصوا علي
ام سيف: وراك انت
سلطان: يمه كلها نفس الشي
الجوهره: مو نفس الشي شوف ذي ساده وذي فيها رسمات خفيفه
سلطان: قسم بالله محد ينتبه ما اذكر فناجيلنا وش حلياها ! ( كيف شكلها)
الجوهره: هذا وانا جايه اسالك اخذ اي صينيه
سلطان: اخذي الثنتين اذا مره محتارين واخلصوا
ساره : وش معجلك انت
سلطان: ترا حمد بيجي شوي ويملك على ريما !
ام سيف: اطير انا
سلطان: طولتول
_________________________________________
عبدالعزيز ونادر راحوا بيت ابو فيصل و طقوا الباب
عمر : الله حيهم
عبدالعزيز: فاضي؟
عمر : نص نص
عبدالعزيز: تخاوي؟
عمر حط يده على دقنه ويتذكر وقال : عندي شغيله
عبدالعزيز: نخلصها معك بس اول نخلص شغلتي
عمر : تم
عبدالعزيز: دخل دخل البناخي
عبود : مااابييي
عمر : امش بس
عبود دخل وهو يصارخ وقالب الدنيا عليهم
عمر : العنود امسكي ولدك تراه عوب
العنود: شفيك تصارخ انت اقصر حسك !
عبود : مااا ابي اجلس هنا ما ابييييي
العنود: عبود ترا بزعل منك !
عبود : ليييه ليه اجلس هنا ورع انا
العنود: قسم بالله لو ما تقصر صوتك لا اعلم ابوك
عمر : الله يهديه ، يمه بروح مع عزوز و نادر
ام سالم : زين يا امي تعال فبيت ابو سيف اذا ما لقيتنا
عمر : على خشمي
عبدالعزيز: ياااعمرر
عمر: جاك جاك
نادر: هالحين وش نسوي بالضبط
عبدالعزيز: نشوف الذبحيه وبعدها نروح لشغلتك ونروح لرعد
عمر : تستهبل وملكه اختك !
عبدالعزيز: ييوووووه نسييت
نادر : غبي انت
عبدالعزيز: خلك نخليها على الكوره
عمر : بنروح وين الحين؟
عبدالعزيز: محل ابوي وبنقول لابراهيم يخاوينا
نادر : ابراهيم احسه يستحي
عبدالعزيز: مو يستحي بس احسه حاط حاجز بيني وبينه عاد ودي اخليه يمون علي
عمر: ياحليله ابراهيم احسه متربي مره هههههه هو ولد قاسم ولا اخوه؟
عبدالعزيز: كلنا متربين ، لا اخوه بس كانه ولده
راحوا كلهم لمحل ابو سيف
عبدالعزيز: السلام عليكم
قاسم: وعليكم السلام والرحمه هلا بالغالي
عبدالعزيز: الله يبقييك ياعمي
التفت لابراهيم وابتسم وقال: حي الله ابراهيم
ابراهيم : الله يحييك
عبدالعزيز: شصار على الذبيحه ياعمي؟
قاسم: ابد طال عمرك جاهزه وكل شي حطيتها عندي بالبيت يا ابراهيم رح جيها
عبدالعزيز : ابراهيم شرايك تخاوينا؟
ابراهيم: سم؟ ، لا لا مايحتاج
عبدالعزيز: يوه يا ابراهيم دايم احسك تصد مني افا وانا اخوك شايف علي شي
ابراهيم: لا ابد مير بكمل شغلي
عبدالعزيز: ابراهيم والله مافيه شغل ومتكي مع عمي واساسياً شويات ويقفل رح معنا بنقضي اغراض عمر وبعدها بنلعب كوره
قاسم : رح معه وانا اخوك مابها شي
ابراهيم: خلاص شويات اخلص الحسابات اللي بيدي
عبدالعزيز: طيب اسمع بخلي علي ( ولد قاسم صغير ) يطلع الذبيحه من بيتكم وبوديها لبيتنا ونمرك وتروح معنا قدك خلصت
ابراهيم ابتسم وقال : على خير
راحوا عبدالعزيز وعمر و نادر لبيت قاسم
قاسم: وراك ماتبي تروح
ابراهيم: ياليت تمزح ذولي وين وحنا وين !
قاسم : ليه وش ناقصك عنهم
ابراهيم: ما ناقصني شي بس ذولي عيال نعمه ياشر على الشي ويجيه بدون ما يتكلم ! يكفيك انه كبير ولا اشتغل الله يزيده ويرزقنا صح انه طيب بس ماني وياه لا سوالفي بتصير نفسه ولا شي
قاسم: ترا عيال ابو سيف طيبين ولاهم شايفين نفسهم ولا يحسسونك بكذا بعدين ماشوف فيها شي وانا اخوك
ابراهيم: بروح معه انا بس كيف بلعب ولا اضحك معه وانا اسبق كلامي بطال عمرك ولا ياعمي !
قاسم: عيال ابو سيف ما خلونا نقولهم كذا ابراهيم لا تكبرها
ابراهيم: غصب بقولها لان مو معشيني الا هم
قاسم: ولد وش ذا الكلام
ابراهيم تنهد وقال : شايل هم وش بسولف معهم عنه؟ عن عمايري ولا تجارتي؟
قاسم: يا ابراهيم ماهو كل سوالفهم كذا
ابراهيم: ان شاءالله
____________________________
نجد : يمه وين العود؟
ام سيف: شوفيه بدولاب ابوتس
غاده : الجوهره شفيه وجهتس؟
الجوهره: مدري احس تعباننه
غاده: غريبه
ام سيف: وش تحسين به يامي؟
الجوهره: احس بدوخات و مالي نفس اكل
ام سيف: بسم الله عليتس قولي لسلطان يوديتس المستشفى
الجوهره: لا مايحتاج
ريما: يمه بنات وش احلى اي فستان
ام سيف: الابيض
الجوهره: الابيض
نجد: الوردي
غاده: الوردي
ريما : ياليل وش اختار !!
التفت ريما وشافت ليلى ( اللي تشتغل عندهم)
ريما : ليلى وش احلى؟
ليلى بحياء قالت : تساليني؟
ريما : اي عادي شفيها؟ اختاري وش احلى احسمي بينهم
ليلى ابتسمت وناظرت ام سيف كانت خايفه من علاقتها معهم كانت بتتوقع معاملتهم سيئه بس انصدمت من بساطتهم مع الكل ضحكت بخفه وقالت : الابيض
ريما : خلاص الابيض
نجد قامت تهوجس وتفكر بفهد وصل ولا ووش يسوي الحين ضحكت ولفت لغاده وقالت: نروح لساره؟
غاده : ومين يودينا ان شاءالله!
نجد : ننتظر عزوز يجيب الذبيحه
غاده: تم
اما عند عبدالعزيز وعمر و نادر كانوا ينتظرون علي يطلع الذبايح
علي : هذي هي ثلاث كراتين
عبدالعزيز ابتسم وقال : سلمت
علي : شي ثاني طال عمرك؟
عبدالعزيز: خلها بدون طال عمرك ياخوي
علي ابتسم وقال : ابشر
عبدالعزيز: شيلوا معي
راحوا للبيت وطقوا الباب
غاده : مين
عبدالعزيز : افتحي الباب ومعي العيال جايبين الذبايح
فتحت غاده الباب ودخلت عبدالعزيز: ياولد
فتح الباب ودخل ودخلوا معه عمر ونادر
عبدالعزيز : حطوها هنا
نادر: ننتظرك عند الباب
عبدالعزيز: يمه تعالي
طلعت نجد وقالت: عزوز تكفى تهز الرجاجيل
عبدالعزيز: ابشري بعزتس
نجد: ودي بيت ساره باخذ جود وريما
عبدالعزيز: اجيبهم بدال ما تروحين لهم
نجد: عادي بس جيبهم
عبدالعزيز: تم بس شيلوا الذبايح
نجد: ابشر
طلع عبدالعزيز وقال: ابشركم جيب لنا اشغال
عمر :وحنا رايحين لابراهيم بطلع ثيابيو اوديها البيت
عبدالعزيز: وانا بجيب جود وريما بنات اختي لبيت امي
نادر: وصاجني بنستانس ونفلها اخرتها كذا !
عبدالعزيز: اقول امش
راحوا لابراهيم واخذوه معهم
عمر : اصبروا بطلع ثيابي
عبدالعزيز: اسمع لا خلصت انتظرنا عند بيتنا على ما اجيب جود وريما
عمر : زين
نادر : تصدق ماقد شفت بنات اختك
عبدالعزيز: تشوفهم هالحين
ابراهيم: بنات صالح؟
عبدالعزيز: ايه نفسهم
ابراهيم: ياحليلهم تو شايفهم انا
نادر: خيانات اجل
ابراهيم ضحك وقال: اي خيانات
______________________
سلطان: ياولد
ام سيف: ادخل
سلطان: يمه بيجي عمي وحمد الحين ترا !
ام سيف: حياهم الله
سلطان: زين خلوكم جاهزين
بعدها بدقايق جاء الشيخ وابو صالح و حمد وصالح وسيف وسلطان وابو سيف
عبدالعزيز بخوف : ياعيال شسوي !
ابراهيم : رح وقل كان عندي شغل
عبدالعزيز: امشوا معي
عمر : شدخلنا !
عبدالعزيز: لا تشدها احضروا الملكه بس
ابراهيم: حنا !
عبدالعزيز: انت اولها
ابراهيم ضحك وقال : سم
عبدالعزيز: امشوا معي
عبدالعزيز: السلام عليكم
الكل رد السلام
ابو سيف: تاخرت
عبدالعزيز: معي العيال
ابو سيف ابتسم وقال: حياهم الله
الشيخ: عطني يمينك يا حمد
مد يدينه حمد و ماسك كف ابو سيف ويد الشيخ فوقهم
الشيخ : قول يابوسيف معي ، زوجتك ابنتي ريما على سنه الله ورسوله
ابو سيف ابتسم وتنهد وقال : زوجتك ابنتي ريما على سنه الله ورسوله
الشيخ التفت على حمد وقال : قول قبلت بها زوجه
حمد : قبلت بها زوجه
الشيخ بدا يكتب العقد وبعدها بدقايق خلص وطلع
عبدالعزيز: عاش حي النسيب
حمد : الله يبقيك
ابو صالح: الله يبني بيتكم على العز و الطيب
حمد : اللهم امين
ابو سيف: بنتي امانه برقبتك وامانه عندك ما تنزل لها دمعه
حمد اشر على خشمه
ابو سيف: عليه الشحم ومبروك
حمد: الله يبارك بعمرك
الكل يبارك ويهني
احمد: والله يا فرحتي تسوى الدنيا
ابو صالح: عقبالك يا احمد
احمد : باذن الله
_____________________________________
عقاب: مشينا يالله
مها : ريان يا امي قم
عقاب: ريان راقد !
مها: ايه
عقاب جاء عند ريان وقال : ريان قم الله يهديك
ريان: شوي يبه
عقاب : نام بالسياره
فارس رفس ريان مع بطنه وقال : قمم
عقاب بعصبيه وحده : غلط اللي تسويه غلط تفهم !! اوجعت اخوك فرضً صارله شب !
مها : لا تصارخ عليه علمه بالاسلوب !
عقاب: ما ذبحنا غير الاسلوب
فارس : اسف بابا
عقاب: تاسف من فارس مو مني !
فارس بخوف : ريان اسفف
منيره : صجيتونا اخلصوا خلونا نمشي
عقاب: وشهو !
منيره : وانا الصادقه تاخرنا على الناس
عقاب سحب يدها بقوه وقال بهمس وحده: تبين من يكسرها لك؟
منيره بخوف : مو قصدي بس :.........
عقاب: اص ولا كلمه ولااا كلمه !
منيره تنهدت وطلعوا كلهم لسياره
عقاب: مها تعالي قدام
مها: امس كنت قدام
عقاب وهو يبي يرفع ضغط منيره قال : قلت انتي تجين يعني تجين
ضحكت مها وغمزت امنيره وقالت : ابششر
بعدها بثواني مسكوا خط سفر
________________________
العنود: عبود غير ثوبك
عبود: ما ابي
العنود: لحول الله ماهو كيفك !
عبود : الا ثوبي يعني كيفي
العنود: لاحول ولا قوه الا بالله
ام سالم: مالبستي !!
العنود: وهو ذابحها عناد عبدالله قالت عندي ورع واحد يعاندد
ام فيصل:يا فيصل
فيصل: سمي يمه
ام فيصل: شذا الزين
فيصل: الزين محجوز باسمتس
ام فيصل ضحكت وقالت : الله يحفظك لي
________________
عبدالعزيز و عمر ونادر و ابراهيم كانوا يلعبون كوره شافهم ابو سيف حلوه الفكره
ابو سيف: ياولد انت وياه متاكدين انكم صايمين؟
عمر : اي افا عليك ياعمي
ابو سيف: يالله ياولد بتروح طاقتهم كلها وتدوخون نفس عزوز امس
________________
ام فهد : تو ما نورت حايل
فهد : منوره فيتس يا الغاليه
ام فهد : يازين امي وانا احسبك بتجي 15
فهد : افا عليتس خديته بالكلام الزين و وافق
ابو فهد: تعال سلم يابوك
سلم فهد على الكل
ام. هناي : كيف زوجتك يا فهد
فهد: الحمد لله بخير ونعمه
الجد : حي الله فهد
فهد : البقاء يا جدي
الجد : متى مشيت
فهد : الساعه ست ونص الصباح
ترفه بحماس جت وهي تحضنه بقوه وقالت : وجع اشتقت لك
فهد : ياجعلني قبلتس اخبارتس انتي
ترفه : بخير الحمدلله
فهد : وحملتس ؟
ترفه : يوه تعب
فهد بحنيه : كل شي بحقه وانا اخوتس
ترفه : اكيد ياعيوني
فهد : يمه وين مجودي
ام قهد : داخل راقد