بلاي حبيت نجديه

72

انتهى يومهم على خير والكل راح بيته من الضيوف
فهد : عزوز جب لي مجودي تكفى
عبدالعزيز: صاحي انت ظهري يوجعني زين تحركت
فهد : شايب شايب؟
عبدالعزيز: يعنني يا النسيب رح لزوجتك وتطلعه لك
ابو سيف: خلونا ندخل كلنا داخل
عبدالعزيز: يبه
ابو سيف: هلا
عبدالعزيز: بكلمك دقيقة
كلهم دخلوا داخل وحطوا الزل بالحوش على طلب ابو صالح وقعدوا كلهم الا ابو سيف وعبدالعزيز اللي كانوا باقي بالمجالس
عبدالعزيز: يبه ابي اتزوج
ابو سيف: اخيييراً هذي الساعه المباركه ياوليدي ابشر والله واقول لامك تدور لك اطلق البنات
عبدالعزيز : مييير يابوي اطلق البنات لقيتها
ابو سيف باستغراب: منهي
عبدالعزيز: دانه بنت هزاع
ابو سيف: بس البنت مخطوبه !
عبدالعزيز وهو يسوي نفسه ما يدري : من خاطبها !
ابو سيف: من عيال خوالها
عبدالعزيز: بس ولد عمها احق بها !
ابو سيف: بالله عليك رح رح بنات الاجاويد واجد
عبدالعزيز: حرمون علي البنات كلهم ان ما خذيتها
ابو سيف: يا عزوز لا تجنني !! ماني ناقص تراني البنت وقلت لك خاطبها ولد خالتها
عبدالعزيز: وانا حلفت انه ما ياخذها
طلع عبدالعزيز وهو معصب ولا يشوف قدامه وقعد عند سيارته
ابو سيف دخل وقال : السلام عليكم
الكل رد السلام
ابو صالح: عزوز وينهو
دانه انتبهت وتدوره بعيونها
ابو سيف: خله يقعد برا
هزاع: افا الا عزوز تراني ما ارضى عليه
ابو سيف: خلوكم منه
ام سيف فهمت السالفه وسكتت
بعدها بدقايق دخل عبدالعزيز وهو معصبب ولا جلس معهم دخل غرفته وسكر الباب
ابو فهد : علامه عزوز؟
آبو سيف: مافيه شي
دانه خافت اكثر وفضلت انها تسكت
هزاع : لازم تحضرون عشاء ملكه بنتي دانه بالرياض الخميس الجاي
الكل التفت لدانه اللي تتصنع الابتسامه وهي خايفه ماتدري وش بيصير
ابو سيف: باذن الله
ابو فهد : ان شاءلله
ابو صالح: ان الله احيانا
ابو فهد : فهد ماهو يمننا مع مجود
فهد ابتسم وقال : معليش مع ولدي لحد يشغلني
ابو سيف : نجد وفهد ماراح يلحقون على ملكه دانه شكله
فهد ابتسم وقال : نلحق على زواجهم باذن الله
دانه حست بضييق وسكتت
الكل رجع بيته وعدا اليوم على خير
يوم الاربعاء العصر الكل يجهز علشان يروح لملكه دانه
عبدالعزيز: ييييبههه لا تكسر ولدك يا يببهه
ابو سيف: عزوز لا تسود وجهي قدام ولد عمي
عبدالعزيز: يبيه لييه ليه انا ما سويت شي غلط
ابو سيف: البنت ملكتها بكره وانت تبيها وش تتسمى ذي
عبدالعزيز: علي بالحرام ما تاخذه
ابو سيف بحده وصراخ : عزوووزززز
عبدالعزيز: ولو ملك عليها علي بالحرام ثم علي بالحرام انه ما يدخل عليها انا حلفتت حلفت
ام سيف: عزوز يا اميي انت البنت ربي مو كاتبها من نصيبك يامي بنات الاجواد واجد
ابو سيف: من تعلمين عاد عزوز اللي يعاند
عبدالعزيز: يا يبه افهمني ما اعاند ولو تبي اروح لعمي هزاع واوقوله
ابو سيف عصبب ومسك عبدالعزيز مع ياقه ثوبه وقال : العننااد اللي براسك متى بيطييح متى
عبدالعزيز بصراااخخخ : واللللهههه واللله ما يااخذهاا يبببهه تكفى لا تكسرون ظهريي فيهاا
ابو سيف مسك راسه وجلس
ام سيف : يمه عزوز شف ابوك عاجبك اللي سويته
عبدالعزيز طاح عند رجول ابوه وقام يبكيي يبكي من الوراعين وهذا كله تحت صدمه ابو سيف وام سيف
عبدالعزيز ودموعه تنزل : ييبه يا يبهه واللي نفسي بيده ان قلبي معلق فيها يبيه لا تخليها تروح لغيري
ام سيف كانت تصيح من حال ولدها
ابوسيف: وشش جايك للحب وش جابك لوجع القلب و وجع راسك
عبدالعزيز ودموعه تنزل : ماا اخترتهه بكيفي ما اخترته بكيفي
ابو سيف بحنيه : عزوز يابوك وش تبيني اقول ولدي يحب بنتك لا تزوجه ولد خالتها زوجه بنتي
عبدالعزيز انهار قدام ابوه ودموعه ما توقف
ام سيف حضنت عبدالعزيز وقامت تمسح على ظهره وقالت : يا امي لا تقهر نفسسك
بعدها بنص ساعه جهزوا كلهم يمشون لرياض وقعدوا فبيت سيف عدا اليوم وهم كلهم ملاحظين هدوء عبدالعزيز وكلهم خايفين منه وش بيسوي بكره
( محد عرف بالموضوع الا اهل ابو سيف)