بلاي حبيت نجديه

39

فهد : امين يارب
توجهوا لديره وراحوا لبيت اهل سلمان طق الباب فهد
وجدان : مين ؟
فهد : انا انا فهد خوي سلمان اهلي معي
وجدان باستغراب : حياكم الله تفضلوا اقلطوا
دخلت ام سيف و فهد مسك ي. نجد وقال : بنتظركم برا لا صار شي علميني
نجد: ابشر بس خايفه
فهد: افا تخافين وزوجتس اللواء فهد؟ اللي ياشر باصبع تتنفذ اوامره؟
نجد: الله يحفظك لي ، بلحق امي
راحت نجد و فهد ينتظر برا
وجدان: ياهلا الله يحيكم
ام سيف: بسم الله الرحمن على الزين
وجدان استحت وقالت : يابعد عيني والله بس دون قصور فيك من انتي
ام سيف: وكاد سمعتي فيني انا وبنتي
وجدان ابتسمت وكانت متعجبه بحلاوه ام سيف و نجد صح ام سيف كبيره بس ملامحها الحلوه للحين فيه و الواضح ان يوم كانت صغيره تطرح الطير من السماء وعلى انها كبيره الا انها حلوه وتجذب الحين و التفت على نجد وشافتها احلى احلى بكثييرر حلللوه وهاديه بس من الواضح انها هيبه وكلمتها ما تنثني شافت عيونها كانت وااسعه وناعسه ورموشها الكثيفه و غمازتها اللي تسحر القلب
وجدان: تبارك الرحمن الام والبنت كلهم حلوين
نجد: يابعد قلبي
ام سيف: انا شيخه وهذي بنتي نجد
وجدان: زوجه الشيخ عبدالله؟
ام سيف ضحكت وقالت : هو نفسه
وجدان: توي ادري فهد ولد الشيخ عبدالله
ام سيف: لالا فهد يصير ولد خوي عبدالله و هو قبل كم يوم مملك على نجد
وجدان: اي ماشاءالله قالي سلمان زوجي عنه
ام سيف: عندتس وراعين؟
وجدان: عندي ماجد
نجد : ماشاءالله تبارك الله
ام سيف: جيناك وصات من سلمان زوجتس تصاوب بس الحمدلله ما جاه شي خفيفه يارب لك الحمد مير قال لفهد انتبه لزوجتي
وجدان بخوف : سلمان تصاوب ؟ كيف ؟ ومتى و وش صارله وكيف موصيه
نجد : بسم الله عليتس هدي نقولتس بخير هو
وجدان نزلت دموعها وقالت : انا مالي غييره انا وياه مالنا غير بعض اهلها كلهم ماتوا تكفون قولوا انه عايش
ام سيف: اذكري الله قلت لتس مابه الا الخير ، عندتس بنات وعيال كاني سمعت؟
وجدان: كان عندي ثنين تؤام بس توفوا
نجد حست بغصه و مسكت دموعها وقالت : الله يرحمهم يارب بس انتي هدي
وجدان: بروح له تكفين يانجد قولي لزوجتس يوديني لمه
نجد حست شعور غريب من كلمه زوجتس حست بشعور حلو داخلها ونفس الوقت هي حرينه على الموقف قالت : ابشري بس ولدك
وجدان ركضت وجهزت اغراض ماجد بسرعه
نجد طلعت لفهد
فهد كان متكي على السياره ويتامل النجوم سم صوت الباب و وقف زين
فهد : شصار
نجد : تبي تروح له وترا ما قلنا غيبوبه
فهد: ماعليه تعالوا
نجد: طيب
دخلت نجد وطلعت بوجها وجدان ومدت ماجد و اغراضه و لبست عبايتها
ام سيف : بشويش يا وجدان باذن الله مو صاير شي
طلعوا كلهم
وحرك فهد للمستشفى
فهد : افا وانا اخوتس ماله داعي الصياح ذا كله باذن الله سلمان اخوي بيقوم بصحه وسلامه وبعدين هو موصيني عليكم ولا يردتس الا لسانتس لاتفكرين يوم ما تطلبين اللي ودتس
نجد: وجدان خوفتي مجود
وجدان حضنت ماجز وقامت تبكي
وصلوا للمستشفى
نزلوا كلهم تقدم فهد وقال : المجرم وصلكم؟
زياد : اي طال عمرك وتم تشديد الحراسه لاكن الله يهديهم عسكرك نصهم شاكين فيني
فهد ضحك وحط يده على كتف زياد وقال : ماعليه ماعليه ، معي اهل سلمان
زياد: يمين ثم يسار الغرفه الرابعه على اليمين
فهد : ابشر
راحوا كلهم و وصلوا للغرفه صدمه وجدان انه مو صاحي وصاحت صياح مو طبيعي
ام سيف: استهدي بالله يا بنت ما يصلح اللي تسوينه حرام والله حرام
فهد اخذ ماجد وراح بعيد عنهم
نجد حضنت وجدان وقامت تسمي عليها
وماحست بنفسها و افقدت وعيها
نجد بصراخ من بين دموعها: ففففههههههددد
فهد بخوف جاهم ركض وراح لزياد وينادي : اهل سلمان اهل سلمان
ركض زياد ومعه دكاتره و شالوها لغرفه ثانيه
ام سيف اخذت ماجد بعيد عنهم علشان ما يخاف وكانت تحاول تنومه
نجد كانت بخوفف ما قد جربته ابد وكانت تصيح بكل حيلها فهد بخوف عليها سحبها لحضنه حضنها بقوه وقال
فهد : نجد ابويي انتي اميي عاينيني نجدد ياقلب فهد لا اشوف لتس دمعه
نجد وهي تصيح : وش ذنب الولد قوليي فهد ذا امانه عندك
فهد حضن نجد وقال : وانا قد الامانه وانا امني ابوتس ما تنزل لتس دمعه وانتي على ذمتي
بعدت نجد عنه بعد ما شافت الدكاتره
زياد وهو جاي و وجهه قالب اصفرر فهد بخوف : بشر
زياد : زوجه سلمان تطلبك الحل
فهد انصدم و التفت لنجد اللي كانت دموعها مغرقه عيونها مسك راسه وقال : لا اله الا الله الا اله الا الله
زياد : مين الوصي عليهم غياب سلمان
فهد : انا
زياد: تعال نكمل الاجراءات
فهد ببلغ اهلها بس كيف اوصل لهم
زياد بهمس : خالها يشتغل عنها بس الواضح انهم متبرين منها لان يوم قلت له توفت ضحك وقال الله يبشرك بالخير
فهد بحده: وينهو
زياد : لا تنسى انها مشاكل الناس ولا تنسى منصبك يمكن يدخلك باكثر من شي و الواضح انه شراني مالك ومال الناس خله يقول اللي يقوله حسابه عند ربه انت بس كم الاجراءات وهو ببلغ اهلها
فهد هز راسه وراح وراه وكمل الاجراءات ورجع لنجد
ام سيف جت لعندهم وقالت : شصار؟
نجد بحزن: ييمه وجدان يمه توفتت
ام سيف: لا حول ولا قوه الا بالله ، ماجد ما يبي يسكت اخذيه يا نجد يسكت معتس انتي
نجد اخذت ماجد وفعلاً نام بحضنها
ام سيف: زين انه نام باخذه معي وبروح المصلى بصلي واجيكم
فهد هز راسه ونجد حاطه راسها على كتف فهد وتصيح
فهد : اهخ يا ثقل الامانه
نجد قامت من حضنه وحطت عينها بعينه وقالت : وانت قد الامانه يا فهد قدها
فهد : باذن الله ياعيون فهد انتي ، مد يده فهد وقال : تعالي معي
قامت نجد و لحقت فهد
فهد : زياد
زياد : سم
فهد : اي غرفه فيها المجرم
زياد: يكمن هنا يمين
فهد: زين مشكور
فهد التفت على نجد وقال : لا تخافين من شي انا معتس
نجد هزت راسها وكانت تمشي ورا فهد
نجد شافت الغرفه اللي حولها 10 عساكر واقفين ومسلحين وكان منظرهم مخيف
فهد: شفيتس
نجد: خايفه منهمم فهد اخاف يشكون فينا ويسوون شي
فهد ضحك وقال : ذولي كلهم لو اشرت لهم بحركه نفذوها وانتي خايفه منهم
مشت نجد ورا فهد
فهد وقف قدامهم و كلللهم بنفس الثانيه دقوا لفهد تحيه وكان منظرهم مهييب وفهد له هيبته بينهم
فهد : استرح يا عسكري
منصور: طال عمرك المجرم فقد وعيه وقبل نص ساعه كان صاحي
فهد: والباقي ؟
حامد : وديناهم المركز
فهد هز راسه وقال: اشوفكم باتسر باذن الله
منصور: كيف سلمان
فهد : زوجته تطلبكم الحل وهو بغيبوبه ما ندري متى يصحى منها
حامد ومنصور : الله يرحمها
منصور: اهلك ينتظرونك
فهد : بعد كم يوم تحضر زواجي انت وهو ولا مافيه اجازه هههههههه
حامد: ابشر بنا
فهد: كفو
—————————-
عند جود ركضت لابوها وقالت : بابا
صالح : ابوي انتي امريني ؟
جود : بابا اقولك سر؟
صالح: قوليلي سر
جود: ماما حامل بالشهر الثالث
صالح: قولي والله
جود ضحكت بطفوله وقالت : والله
صالح بصوت عالي : ساااره
ساره بخوف التفت على صراخ صالح وقالت : هلا
صالح : تعالي
راحت ساره لصالح وقالت : بسم الله شفيك
صالح: مافيه شي تبين تقولينه لي؟
ساره : لا
صالح: متاكده؟
ساره : ههههههههه قالت لك جوجو صح؟
صالح: وليه ما تبين تقولين لي
ساره: حيوانه بنتك ذي كنت بقولك لحالنا
صالح حضنها بقوه وقال : احبتس
ساره: كذاب
صالح: ورب البيت
ساره : الله يحفظك لي انت وجوجو وريمي
صالح تنهد وقال : امييينن يارب
_____________________-
راح فهد لنجد
نجد : طفشت من المستشفى
فهد : بنطلع نجد تقدرين عليه ولا اوديه لامي؟
نجد : اي اكيد اقدر علي
فهد : اخاف يعذبتس
نجد : افا يا فهد ماني زوجتك؟ وامانتك امانتي ولازم احملها معك
فهد حضنها بقووه وقال : الله يحفظتس لي
قطه كلامهم صراح الدكاتره التفت فهد بخوف وشافهم متوجهين لغرفه سلمان
فهد بصراخ : شصااايييرررر
دخلوا كللهمم وبعد نص ساعه طلع زياد وقال : الله يرحمه
فهد مسك راسه وقعد على الكرسي ونزلت دموعه
نجد بخوف وهي اول مره تشوف دموع فهد : فهد فهد قلبي انت اسمعني
فهد بقهر : اااااهههههخخخخ يااا نجدد فقدتت اخووي وظهري خويي
نجد: فهددد تكفى لا تقول كذذا ادع له بالرحمه
_________________________
بعد اربع ايام بدون احداث مهمه غير ان
رجعوا الكل لديره و سوو عزا لسلمان و وجدان و ترف جت من الشمال
فبيت ابو فهد العصر الساعه 3:30
ابو فهد : انا اشوف الولد تودونه لخواله دام ما عنده عمام
فهد : يا يبه الولد خواله ما يبونه تبروا من بنتهم قبلها
ام صالح: لا تصعبونها اللي بيربيه فهد ونجد صح ولا؟
نجد : ايه
ام صالح: ترف كم شهر وتولد و ساره كم شهر وتولد ترضعونه مع عيالكم دام عمره ٧ شهور حتى ما كمل السنه و يصير يحل عليكم ولا كبر يحل لنجد
كلهم التفتو لترف وساره
ترف : ماعندي مشكله
ساره : يعني بقول لا؟ اكيد عادي ولا نخلي الورع ذا كذا
ام فهد : يا حلللوه ما يفارق نجد ولا دقيقه
نجد : ايي تعودت عليه
ام سيف: الله يهونها يارب
الكل : امين
عبدالعزيز: خلوكم من الحزن ذا نروح المزرعه ؟
ابو صالح: لك قدره ؟
عبدالعزيز : ايه ياعمي وش ورانا بعدين اشتقت لرعد
ريما : ياشين حظ اللي بتتزوجها بتحب رعد اكثر
عبدالعزيز: خيلي ما يتقارن بالبشر
ابو فهد: فكرتن ماهي شينه
نجد التفت على فهد وقالت : ملابسه فبيتهم؟
فهد : ايه بس مو افضل نشتري له
نجد : بس الوراعين يكبرون على ملابسهم علشان كذا بلبسه اللي عنده علشان بكره تلقاه كبر عليها
فهد: ياا قلبيي انا اللي تعرف للوراعين
نجد ضحكت وقالت : طيب شف نطرات عمي
فهد التفت لابوه وضحك
ابو فهد : يمدحون الثقل
فهد: سم يبه؟ ، انا رايح بيتهم واجيب ملابسه وبشتري له كم شي اخذ له كم
نجد : سنه
فهد : الورع ما كمل سنه !
نجد : فهود شعرفك لازم تاخذ أكبر علشان ما يضايقه
فهد باستغراب: واذا صار كبير
نجد : ماعليك ماهو كبير
فهد : نجد مابعد تزوجنا وجربنا شعور الوراعين