بلاي حبيت نجديه

البارت 12

ابو سيف : يا صغر الدنيا ياخوك لاا اله الا الله
ابو طارق : ابد وذي سالفتي
سيف : اللي يصدم ان طارق طلع دكتور اختي يوم تعبت
طارق: واللي يصدم اكثر اتعشى عشاكم اللي على سلامه وحده من المرضى عندي وانا اللي عالجتها
كلهم ضحكوا على الصدف الا فهد اللي كان خايف نجد تفهم غلط لان وش يبرر مسكتها لكتفه وقربها له؟ وخوفه يوم شافها
كانت ليله بمتعه الجميع
راح فهد للحمام- يكرم القارئ-
—____________________
ضي : بنات ابي الحمام
( عند ابل ابو سيف فيه حمامات وغرف نوم اللي تجي بسياره )
نجد : تعالي بعلمك المكان وبروح
ضي : اي عادي
راحوا يمشون وكان الحمام مشترك بين الرجال والحريم لان بالاساس مايجيها الا الرجال ونادر البنات يحتاجونه لان بس كم ساعه ويرجعون المزرعه
نجد اشرت على الحمام وضي راحت
نجد مشت و وقفت ورا سياره ابوها وكان ظلام خافت ضي تضيع المكان
اما ضي كانت بتفتح الباب و طلع بوجها فهد
ضي : بسم الله
فهد لا إراديًا ضحك
نجد من بعيد التفتت لضحكه فهد وشافتت واقف مع ضي ولا يضحك بعد!!
ضي : خوفتني
فهد : شدراني عنك طالعه بوجهي
ضي: مادريت كنت ابي الحمام وضحكت
سمعت ضحكتها نجد وماحست الا تمشي لهم
قال فهد وهو مو قاصد ويقول هالجمله لاي احد يخاف: بسم الله عليتس يبيلتس عصفر
ما حست الا نجد واقفه قدامه دموعها تجمعت بعيونها هذا اللي تحبه؟ هذا اللي قلبها عطتن اياه؟
نجد بدون مبالاه لفهد : بنت خلصتي
ضي : خوفني ولدكم ولا دخلت
نجد ناظرت فهد بنظرات كان يكرها ماتوقع بتجيه من نجد
فهد : ادخلي ادخلي
دخلت ضي و فهد يقنع نفسه انها مو متضايقه ويكلمها كانه ماصار شي
فهد: شخبار الحلو
نجد ناظرته من فوق لتحت بنظره استحقار وكانها تسبه فيها
فهد: نجد علامتس!
نجد تنهدت ولفت لجهه ثانيه
فهد: شمسوي علشان تسوين كذا
نجد ما ردت حتى لو بحرف
طلعت ضي وقالت:نسيت ارد عليك يوم قلت بسم الله عليتس وعليك ياعيوني ومشت ضي وهي بثقه بتسرق قلبه نجد ناظرت فيه و وصله سبب زعل نجد
هنا صدق وش يفهما قال فهد : وانا بعد مالي داعي اللي يشوفني يقول اعرف البنت تنهد وراح لرجاجيل
_____________________________
ام فهد قامت
ام سيف : علامتس
ام فهد : ابي نجد تخاويني بروح اجيب اغراض من سياره فهد
ام سيف : زين
راحت ام فهد لعند البنات وهي ملاحظه ان نجد متضايقه وهي تحبها حب عظيم
ام فهد : بنيتي وينهي
لفوا البنات كلهم
ضي : هذي هي يا خاله
ترف : ياعزتي لتس ياقلبي امي كل البنات ذولي بناتها وضحك
ام فهد ضحكت
ريما : ياخاله ماعليتس منها توها امي تقولها وانا امتس
ام فهد : ماعليتس منها يمه
الجوهره لفت لضي وفي وقالت : لا تسغربون امي وام فهد وام صالح وام سيف كذا كلنا بناتهم من انولدت وانا اشوف نفسي بينهم حياتنا سوا كبرنا سوا تربينا مع بعض
ام فهد : نجد يامي تعاالي
نجد : لبيه
ام فهد : لبيتي حاجه بروح لسياره فهد بجيب غرض وابيتس تخاويني
ضي بعجله : انا انا اروح
نجد توسعت عيونها بصدمه وقالت بقلبها اخذت فهد وبتاخذ امه تعقب
ام فهد : لا عيب ضيفتنا انتي بعدين نجد خويتي اخذها وين ماروح وضحكت
نجد ابشري بس بلبس عبايتي
لبست نجد وام فهد مشت معها ومسكت يدين نجد
ام فهد : ابي اكلمتس بشي ثاني قبل سياره الزق هذا
نجد : سمي
ام فهد : مضيقتس فهد ؟
نجد انصدمت وقالت : فهد !
ام فهد : يووه يا نجد انا اللي تخبين علي؟، انا ربيتس مع امتس اعرفتس 13 سنه ولا علشان رحنا خمس سنين لحايل وجينا ماعاد تحبيني نفس قبل نسيتي يوم بيوتنا جمب بعض؟ وهي تضحك قالت نسيتي العصريه يوم تنامين عندي علشان ترف
نجد ضحكت وناظرت ام فهد اللي فعلاً تحبها وكانت قريبه منها بحيل وكانها امها
ام فهد : حاسه فيتس انتي وفهد وادري ان فهد يحبتس وادري انه تو يحبتس واضح عيونه تفضحه ونقول عيونه ما تفضحه وهو نايم يتكلم باسمتس وش نسميها ذي
نجد لفت وجها وهي تحاول تمسك دموعها
ام فهد : افا والله انها على قلبي مثل السكين
نجد : يمه فهدروهي تصيح
ام فهد : علميني وش مسوي لتس والله لا اوريه شغل ربي والله والله بس علميني علامه
نجد : مدريي شفيه من جت ضي ! لا فوقها من ضمنت فهد تتقرب منك اكثر
ضحكت ام فهد وقالت : وانا قريبه من مين؟
نجد : بسس مثل ما خلت فهد يسمي عليها وهو كان يشوفني كل شي بتقدر!
ام فهد : علميني شصاير
نجد علمتها بموقفه معها عند الباب ومسكتها لكتفه وقربها منه وعملتها بوقفته معها عند الحمام ويسمي عليها وان كل ذا شي ونظراته لها شي ثاني
ام فهد : والله والله لا اربيه
نجد : يا يمه لا تجبرينه على شي مايبيه خلاص هو مايبيني خليه ينقلع لها
ام فهد : يعقب وانا مابي زوجه لفهد غيرتس
حضنت نجد وقالت : فهد مليعين لاكن احلف لتس انه يحبتس وش يرضيتس؟
نجد: تقهرينه نفس ما قهرني
ام فهد : بس؟
نجد: ايه
ام فهد : عندي فكره كايده
نجد : وشهي
ام فهد من قوتها يبيلنا لا رجعنا الديرة
نجد: قد بردت السالفه
ام فهد : اسمعي مني
نجد: اللي تشوفينه
ام فهد : تعالي نرجع واكذب لا اغراض ولا شي علشان اكلمتس
نجد باست راسها ورجعوا
انتهى اليوم على خير وناموا عند الابل وصحوا كلهم الا نجد اللي كانت طول ليلها تبكي وكاتمها صوتها بس ام فهد انبهت لها وسكتت
كلهم صاحين ويتقهوون وفهد عينه على باب الغرف ينتظر نجد
ابو سيف : غريبه نجد للحين نايمه !
العنود: يمكن مانامت الا متاخر
ابوسيف : مو من عادتنا ، عبدالله يا السمي
عبود : سم يبه
ابو سيف : رح قوم عمتك نجد واذا عيت قول لها جدي يقول ان ما جيتي زعلت
عبود: اابشررر وراح ركض لنجد
عبود : عمه نجد عمه نجد
نجد: همم
عبود: قومي جدي يقول ان ما جيتي زعلت
نجد : ناظرت بعبود وعطته بوسه
عبود : قمنا كلنا وبرا نتقهوى بس ما اكلنا عنك
نجد : ياقلبي ياعبودي شويات واجي
عبود : لا تنامين
نجد :ماراح انام بس ببدل واجيكم
عبود ركض لجده وقال : خليتها تقوم
سيف : لايكون ازعجت عمتك وخليتها تعصب
عبود : لاا ما عصبت وقالت لي يا قلبي ياعبود
حمد : احسن ما بولدكم مايعلم بكل شي
الكل ضحك وعبود مو فاهم شي
اما عند نجد كانت ما تبي تبين قهرها وزعلها وكانت بتخلي وجوده نفس عدمه وبتقهره راحت ولبست جلابيه ساتره بلون السكري  ولفت شعرها ولفت الطرحه ولبست برقعها وحطت الكحل وطلعت كانت تهبلل حتى وهي صاحيه من النوم والبرقع عليها يفتن (كانوا القديمين كذا)
ابوسيف : حي الله راعيه النوم
نجد باست راس ابوها وقالت بضحك : الله يبقيك مير صرت راعيه نوم وانا اول مره اطول بنومي
ابو فهد : شكلتس شفتي الجني اللي طلع اي امس وما رقدتي
نجد : افا ياعمي انا ما اخاف من شي الا الغنم اللي حبسني فيها عزوز
كانت نجد تتجاهل وجود فهد ولا تناظر فيه وهذا اللي خلاه ينقهر زود
ابو سيف : بنرجع بعد الغدا لديره
ابو فهد : وحنا من الديره لحايل
فهد ناظر لنجد بس ما كانت يمه وكانت تتقهوى ولا همها وهي بقلبها بتموت
ام فهد جمبها وماسكه يدها وشدت عليها
نجد لفت لام فهد وابتسمت
ابو سيف ؛ ابد ناشبين لكم اربع ايام ولاحقينكم
ريما : يووه نسيت ان ترف العروس كنت بقول خلوها وتجي معنا
حمد : ماشاءالله عليكم ما تطفشون من بعض
ترف: شدخلك
سلطان: وهو صادق
ابو سيف : فهد علامك؟
فهد : علامي ياعمي؟
ابو سيف : منت على بعضك من امس
نجد كانت تمثل انها مشغوله مع عبود وتلعب معه
عبود بابا برجع مع عمه نجد
نجد : كلنا بنروح مع بعض
عبود ؛ لا انتي تروحين مع عمي سلطان وعمي عزوز
نجد : لا وع تخيل اروح معهم
راح عبود يلعب
عبدالعزيز شرق بالقهوه وكلهم ضحكوا
عبدالعزيز : انا الحين صرت وع !
نجد : اي بروح مع اخوي الغالي سيف
عبدالعزيز: تحشرين نفسك معه ليه؟
سيف : تعقب مافيه حشر ولا شي وان ما شالتها السياره تشيلها عيوني
نجد: والله اللي يسمك خط سفر معهم غلطان لا سوالف سنعه ولا جو سنع حتى ريما تنام
محمد : اح جحدتك
ريما : عادي تعودت
العنود : ساره بناتس وين؟
ساره : ريما تلعب برا وجود نايمه
خذتهم السوالف
ام سيف : الوراعين وين يا بنات
العنود: ورا عبود وريما يلعبون
ام صالح : راح الوقت ولا شفناهم
نجد : بقوم اشوفهم
ساره : تكفين نجوده شوفي جود صحت ولا
نجد : من عيوني
بعد دقيقه سمعوا صراخ نجد تفول
ليييييييييههه كذذذاااااااااا
كلهم قاموا يركضون ويشوفون وش صاير
* كل عاده حوسه الاطفال *
كان عبود ماخذ كريمات نجد وحط على راسها وجها مغرق ريما بالكريم وكان الكريم ثقيل وريما ما قدرت تتنفس زين
نجد بصراخ : سسااااااارررررررهه الحقينييي
عبود بخوف راح ورا
كلهم حاولوا يشيلون لبس ريما و يبعدون الكريم عن عيونها و خشمها
لين قدرتتنفس زين بعد ما اختنقت ساره قامت تصيح بكل قوتها وهي اكثره عتاب لصالح اللي اختفى بدون ما يقولها وين رايح ولا اهتم فيها ولا بناتها
ام صالح حضنت ساره وتقولها : ساره شبلاتس هذي هي البنت مافيها شي
اخذها حمد وراح فيها عن زحمه الناس علشان تتنفس زين وهو حاس بغلط اخوه ويحس بتانيب الضمير اكثر منه شال ريما وهو يهدي فيها ويقول : خلاص يا عيون عمك ها رييما شوفيني انا حمودي شوفيني
كانت ريما مغمضه عيونها بسبب الكريم وعيونها حمرا
حمد : ريما تروحين معي البقاله ؟ نروح نشتري من البقاله ؟ ياقلب عمك
حمد خاف انها ما تشوف وعصب وهو بنات اخوه بالدنيا اهم شي عنده ويحبهم حب عظيم
ركض فيها عند المويه وغسل وجهها ام سيف : هاتها وانا عمتك
حمد : يا عالم تكفون افهموني ريما اعرفها انا ماراح تسكت الا معي لا بكت ما يعرفلها غيري