بلاي حبيت نجديه

البارت 14

📍نجد العذيه- بيت ابو سيف
⏰ 5:30 العصر

ام سيف : امسى الليل وانتم راقدين قوموا يا عيال
سلطان: اههخ يمه تكفين
عبدالعزيز: يمه والله ما اشوف من الصداع
ام سيف : قوموا العنود مسويه حلى و ريما مسويه القهوه و نجد مسويه فطاير و شاهي قوموا الله يهديكم
سلطان: ابشري ابشري
ابو سيف : عبود
عبود : سم
ابو سيف : المدرسه كيف يابوك
عبود : افا عليك ياجدي الاول
ابو سيف لف لسيف وقال : حفيدي ماخذ الاول ولا ملفقها من عنده
سيف ضحكت وقال : لابالله صادق جايب الاول
طلع سلطان وهو فيه نووم يمشي وانسدح بحضن امه
سلطان: يمه ماشوف من النوم تكفين
ابو سيف ضربه بعصاته من ظهره
سلطان: اهخ يبه علامك
ابو سيف : قم على حيلك وخل النوم
العنود: سلطان بيقوم لاشاف الحلى
سلطان يالبييههه حلى العنود مين يقاومه
ريما : عزوز بعد رجولك لا اطيح
عبدالعزيز : عادي طيحي
نجد : علشان نتعشى الليله رز ولحم من عزاك فناجيلها المفضله ذي
نجد : اطلق شاهي لاطلق شيوخه وعبدالله
بدت تصب القهوه العنود وريما تقطع الحلى
ام سيف : امي بتجي
ابو سيف : ياحليلها عمتي متى بتجي؟
ام سيف : على كلام اني اخواني باتسر
ابو سيف : على خير ان شاءالله
العنود: ايه علشان كذا اخواني مجتمعين عند اهلي مع حريمهم
ام سيف : يازينهم ويازين جمعتهم
العنود: ياحلوك ياعمه ، باذن الله بروح لهم شوي
ام سيف : لا رحتي سلميلي على اخيي و امتس وإخوانتس كلهم وعلميهم بنسير علاكم بكره كلنا وابو سيف ان ماكان عنده شغل بيجي علشان امي و من زمان ما جيتكم
العنود: ابشري يوصل
عبدالعزيز : عبيدان
عبود : همم
عبدالعزيز : ابلع ابلع اللي بفمك
عبود هز راسه
ابو سيف : متى ناويتن تروحين باتسر ؟
ام سيف : العصر
ابو سيف : اجل انا برسل واجب عمتي لهم للبيت وبسلم علاها بعد ما اخلص شغلي باتسر بتوصل اغراضن من الهند للمحل
ام سيف : على خير
عبدالعزيز: معليش العنود بس انتي واخوانتس مستولين على جدتي دايم ترقد عندكم
العنود : تلقى راحتها عندنا
نجد: احا يعني حنا ما نخليها ترتاح؟
ام سيف : بنسرق امي من بيتكم بس بعد عرس ترف
العنود بمزح : اجل بنفقل الباب زين علمتونا
ريما : عزتي لجدتي لو تسمعكم جلدتكم
عبدالعزيز : عبود ما خلصت؟
عبود التفت وضحك
العنود: خلاص مو زين الحلى الكثير قم
هز راسه عبود ورجع ورا
عبدالعزيز : عبودد موت قهر جدتي بتجي ماهي جدتك
عبود : الا جدتي بعد
عبدالعزيز: لا مو بكيفك حقتنا لحالنا
سلطان: عبود بسالك وجاوب اذا جاوبت غلط برميك من ورا الجدار ذاك
عبود : سم
سلطان: لا تخليني اندم اني سالتك لا تقول سم ياخي
كلهم ضحكوا على هبالهم
سلطان مسك عبود مع ياقت ثوبه وحط عينه بعينه وقال : تحب خوالك ولا عمانك
عبود ضحك ضحك هستيري
سلطان يهزه بقوه اعترف يا حرامي
عبود : كلكم
عبدالعزيز: كذاااببب
عبود بضحك : والله والله
اصلاً تدري جدك فيصل يصير خالي؟
عبود التفت لامه وضحك وقال : كذذااابب
عبدالعزيز : قسم بالله
عبود بضحك : جدي عبدالعزيز صادق؟
ابو سيف : اي ياجدي توك تدري
عبود رفع كتوفه وقال : اعرف ان امي شيخه اخوها جدي فيصل
سلطان: اجل كيف منصدم انه يصير خالنا !
عبود  بضحك: مددرريي
نجد : سييفف بعض ولدك ترا يهبل !
ام سيف : ريما والعنود موضوعهم معم واضح
سيف: اي واضح عليهم
ريما : اسالها حريم الشمال مايلبسون براقع؟ قالت لا قلت طيب ام فهد تلبس برقع وترف وهم شماليات
ام سيف : ترف و ام فهد علشان عايشين معنا بنجد
ريما : ايييهه
سلطان باستغراب : كيف بناتهم ما يتبرقعون !
عبدالعزيز: مستحيل
ابو سيف : ظني غطا كامل او لثمه
ام سيف عطته نظره
نجد : يوه يا الغيره ياويلك
ابو سيف: ههههه أعوذبالله وش انا قايل على النظره
ام سيف : شعرفك بالحريم
ابو سيف: نسيتي يوم رحنا لشمال قديم
ام سيف : ايه زين
الكل ضحكوا
سيف : انا طالع اوديتس الحين ياالعنود ولا شوي
ابو سيف : وين رايح
سيف : مع اخوياي ثامر وسعد
العنود: ايه بروح الحين
نجد : عنوده مالك داعي بتنامين هناك على طول !
العنود: كلها ثلاث ايام بعدها نروح لحايل ونرجع
ريما : واذا رجعتي؟ عندنا ولا عندهم لين زواج الفاهي ذا
سلطان: الحين انا شدخلني؟
نجد : اسكت
العنود : لا رجعنا كله كم يوم ويجي العرس و من بكره نرجع لرياض
نجد : تكفيييننن العنود تكفين ابي عبود ينام عندي ماشبعت منه !
العنود: امي مشتاقه له بكره خليه رقد عندتس
ريما : يا الجحود تروح لخوالك وتتركنا
عبود ضحك وقال : انتم ما تجون عندنا بالرياض هناك الرياض حلوه حتى فيه جيرانا طيبين مرره
نجد : شكلي بسرق جود تنام عندي
سلطان: عبيدان من قدك بتروح لخوالك
ابو سيف : وباتسر انت وياه وين بتكونون
عبدالعزيز: نقلد عبودي نروح بيت خالي فيصل هههههههههههههه
عبود: غلط مو خالك جدك
عبدالعزيز: الحمدلله يا البناخي ان محد يسالك ولا وديت انسابنا ورا الشمس على كيفك جدي يصير خالي افهم
العنود طلعت جاهزه
سيف: مشانا؟
العنود: اي
سيف : يالله تمسون على خير
ام سيف : تتعشى هنا؟
سيف : مدري والله
عبدالعزيز: لا خلاك خالي فيصل تروح بدون عشا
سيف : بشوف مدري
طلعت العنود و عبود ورا وشنطتهم معهم
سيف مسك يدين العنود وباسها ابتسمت العنود وسكتت
سيف : بشتاق لتس ولا عبود بشوفه يلعب بالحاره مايحتاج
العنود: صايره اخاف عليه من برا
سيف : مافيه خوف هنا
عبود : اييه بابا هذاك اليوم كنت بالبقاله قالي واحد هلا بولد سيف مدري ميف عرفني
سيف : ياعين ابوك انت
العنود : ايه ياقلبي لان بابا مرره زين مع الناس ويحبونه ويحبون جدي عبدالله لانه كريم وكل الناس تعرفه ونت علشانك عاقل ومؤدب وتصلي بالمسجد نفس بابا كل يوم كذا بيعرفوك
عبود ضحكت
سيف : خذي ذا لنس انتي وعبود لا نقصكم شي ارسلي عبود
العنود: كثر الله خيرك مير مايحتاج
سيف : اني داري عمي ما يقصر بس انا مسوؤل عنتس وعن عبود ولا ابي نكلف عليه وهذي اصلاً ماهي بواجد برسل علاكم بكره باذن الله
العنود : ان شاءالله ، عاد لا تقطعنا
سيف : وهو اقدر اصلا؟
نزلوا وطقوا الباب وكان مفتوح اساساً
وعيال واحفاد فيصل والكل مجتمع و بناته
سيف : ياولد
فيصل : حيي الله سييف اقلط اقلط يابوك
سيف بصوته الثقيل والرجولي : السلام عليييكم
الكل قام يسلم على سيف كانوا يحبونه مرره ويحترمونه ويقدرونه وله مكانه
سيف تقدم وسلم على فيصل ابو زوجته و باس راسه وكتفه سلم بحراره قال وهو باقي ماسك كفه : اخبارك ياعم عساك بخير
فيصل : بخير عساك بخير
سيف : نحمده ونشكره ، لف سيف ويسلم بحراره على محسن و عمر و عبدالرحمن وسالم اخوان العنود
فيصل ( ابو سالم ) : اقعد اقعد تقهوى
سيف : ماودي اردك ياعمي لاكن
قطع عليه ابو سالم : لاحق على شغلك
سيف : سم ، جلس وجلس جمبه عبود
اما العنود كانت عند امها وخواتها بعدها طلعت لبرا
العنود : السلام عليكم
ابو سالم : يالله انك تحييها تعالي تعالي يابوتس
سلمت العنود على ابوها واخوانها وعيالهم وهي جالسه بينهم وباسعد لحظات حياتها ولدها وزوجها بين اخوانها وابوها تشوف المحبه والاحترام لزوجها
عبود : اا جدي بسالك
فيصل : سم ياعين جدك
عبود : ياخي عمي سلطان لخبطني
سيف ضحك وعبود ضحك بطفوله وناظر لابوه
فيصل : علامه ليه لخبطك
سيف : علمه وش قالك عمك سلطان
عبود : اقوله بروح بيت جدي فيصل يقولي بيت خالي فيصل ! كيف كذا
فيصل بضحك : وهو صادق انا خاله
عبود مسك راسه وضحك بصوت عالي قال : كييف
سيف ضحك وناظر فيه قال : قصر صوتك
مها ام العنود كل عادتها تنادي احفادها وتعطيهم من الحلويات وهم حولها مجتمعين
ضحك سيف وقال : ياعمه مالنا نصيب بالسلام
مها : تعال تعال وانا عمتك
ضحك سيف باس راسها وقال : اخبارتس ياعمه
مها : بخير عساك بخير
سيف : الحمدلله
العنود: يمه خليهم عنك الوراعين واقعدي
جو خوات العنود
ريم عمرها 36 متزوجه وعندها عيال
وشروق و شهد تؤام اعمارهم 19
وقعدوا( لابسين عبايات )
عبود قام وسلم عليهم
حازم ( ولد سالم عمره 18 ) : عبود متربي مرتين
سيف : هههههههههه لعل وعسى
شروق : معليش ياا سيف بنتنا تنساها لمده اسبوعين
سيف : اعوذبالله وليه
العنود بضحك  ينساني مره وحده
شهد: احمد ربك ياولد العمه ما مددنا المده
سيف : السالفه فيها مده
مها ام سالم: بنت انتي وياها عيب
سيف بضحك : انا اجودي جايبها بدري ورانا عرس بحايل
فيصل باستغراب: حايل؟
سيف : ايه ياعمي اهل عمي ابو فهد عندهم عرس وعازمينا
شروق : العنود اصلاً ما تبي تروح يعني عادي رح لحالك
سيف : بنقعد لابعد عرس سلطان مطولين حنا
فيصل : ماباقي الا اسبوع ونص
سيف : انا لو بكيفي سحبتها اجازات مير مقدر صعبه علي والحالات اللي بالمستشفى عندي ما اقدر اتركهم ، لف على عبود وقال حتى عبدالله عنده مدرسه
شروق : تراه بزر
سيف : ابد بيتي بالرياض مفتوح اي وقت تعالوا عندنا وكلها شهرين ونقعد هنا اربع شهور اجازتي
فيصل : على خير وانا خالك ماعليك منها
شروق : يبه توجع
ضحك فيصل وقال : ماعليه
ما كملوا كلامهم الا زوج ريم بيدخل
سيف لف على العنود بمعنا تتغطى
وشويات ودخل نسيب فيصل الثاني( خالد) وسلموا عليه بحراره
سيف : حي الله خالد
خالد: الله يبقيك ياولد الرياض
سيف بضحكه: والله انت ياولد الشرقيه ماعاد نشوفك
خالد : اشغال وانا اخوك
سيف : وانت الصادق
ثامر ولد خالد جاء يسلم
سيف : هلا بالشيخ الصغير
ثامر بعصبيه : ماني صغير
سيف : انت شيخ منت صغير اقصد اللي وراك الصغير افا عليك
ضحكوا كلهم
سيف وهو حاط يدينه على راس عبود
سيف : عاد استاذنكم هالحين
فيصل : وين وانا خالك تعشى
سيف : مكثور الخير ياخالي والله عندي شغله بسيطه ومواعد لي رياجيل شرواك مير لا جت جدتي باذن الله تلقاني فبيتكم ماني بطالع
فيصل بضحك: الله يحييك اي وقت
عبود : بابا
سيف : سم ياعين ابوك
عبود : احبك
سيف ضحك وهو يبوسه : التحدي اليوم على صلاة العشاء من اسرع انا ولا انت تم؟
عبود : انا ماما ما تخليني اروح بدري
سيف : لا ماعليك انا بقولها ، العنود
العنود: لبيه
عبود : لا تمنعين عبود من انه يجي المسجد بدري انا متحديه من يجي اسرع انا ولا هو
العنود بضحك : ابشر
العنود: ايه صح عمتي تقول سلمي على اخوي ومها وخواتس واخوانتس والموجودين كلهم وقليلهم بنسير عليكم انا وبناتي العصر باتسر و العيال علشان ما يصجونا لا وصلت امي

ضحكوا كلهم وردوا : الله يسلمها ، اشتقنا لها ، الله يسعدها
سالم : يازينها عمتي لها فقده
فيصل : الله يحفظها من الشر
__________________
نجد : يمه البيت صار هادي
ام سيف : اي والله عبود وريما وجود معطين البيت حلاوه
ريما : اهخ يمه راسي مصدع
ابوسيف: في ناس خاطبين ريما مني
ريما بخوف : ها مين
ابوسيف: مدري عندي ريما غيرك
ريما لفت وقالت : استغفرالله
نجد: تستهبلين وش استغفرالله هههههه؟
ام سيف : منهو
ابو سيف : حمد ولد اخوي ناصر
ام سيف : ماشاءالله تبارك الله
سلطان: شعندي عيال عمي ناصر اخذوا خواتي !
ام سيف : ورا ما تسكت
سلطان: سمي
عبدالعزيز: كل الناس تزوجت الا انا متى دوري
ام سيف : وانت الحقه
عبدالعزيز: سمي
ابو سيف : شقلتي يابوتس؟
نجد : وافق وافق يابوي ابي البيت لحالي معكم
ريما : وجع
ابو سيف : استخيري و باتسر اخذ منتس العلم
ريما : ابشر
———————————————-
ابو صالح : ولدتس مو ناوي يرجع الا يكمل الاسبوع يقالك كان بالبيت ويرجع قبلها
ام صالح : اهخ ياربي يا ذا الولد مدري شفيه
اما عند ساره كانت جالسه برا وتمشط شعر جود وريما جمبها تلعب بالالعاب
وساره تهوجس برا
——————————————
من بكره الصباح
صالح : منال
منال : هلا
صالح: انا ماشي
منال تمثل الدلع: بس ما شبعت منك
صالح ضحك وقال : اسبوع ما شبعتي مني
منال تسوي نفسها حزينه وهزت راسها بلا
صالح : ماعليه كم يوم وجايك
منال: تمام
طلع صالح وركب سيارته وقال : هههه مصدقه اني احبها لا تدري اني اجيها علشان اتسلى فيها وماغير ش*هوه مصدقه نفسها بتلحق غيرها اطلقها وازوجت غيرها
صالح: حلالاه ياحضن ساره اهخخ يا سوير والله اني اشتقت لتس عقب منال
كان يفكر يسوي نفسه نايم علشان لو دخلوا يكون توه صاحي بس ....
فبيت ابو صالح
ساره و ابو صالح وام صالح وحمد جالسين يتقهوون
جود : ماما متى يجي بابا؟
ساره: مدري يا ماما
ريما كانت تلعب جمبهم
صالح انصدم من شاف السيارات بلع ريقه ودخل
صالح : السلام علييكم
جود جاته تركض وريما سلم عليهم ببرود ودخل
ابو صالح : بناتك لك كم ما شفتهم وراك تسلم من ورا خشمك !
صالح : علامك يبه شكلك تعبان من طريق السفر لا تعبت
حمد : وينك مختفي انت !
صالح: لا اصفقني كف
حمد: صالح ماتشوف نفسك غايب عن البيت ودوامك واهلك وين كنت !!
صالح : وين كنت يعني بالبيت
ابو صالح: صفقه كف ، وتكذبب فوق شينك وتكذبب حنا بالبيت من امس ! وكوثر تقول ماكنت بالبيت
صالح : يبه انا ماني بورع تسالني وين كنت !
ابو صالح : وين كنت طيب !
صالح : عند خويي
حمد : لا تكذب سالت اخوياك كلهم ماشافوك
صالح : خويي ذا ما تعرفه فكني
ساره بقهر دخلت غرفتها وسكرت الباب
ابو صالح : رح راضها ولا اوريك
صالح : ياليل وراح غرفته وشاف ساره تصيح
صالح : كل هالدموع علشاني نايم عند خويي؟
ساره : ورا ماجيت المزرعه دامك فاضي !
صالح : ياخي كان عندي شي بعدين ما تسوى رحتوا وجيتو وماصار شي
ساره : ايه ما صار شي وريما كانت بتموت ولا دريت انت
صالح : ريما ؟ وشفيها
ساره : اخخ يا صالح اصحى على نفسك شوف وش تسوي انا وش مقصره فيه علشان تسوي فيني كذا !
صالح : ادري اني غلطان معك وكثير بس سامحيني لو تدرين وش فيني بتعذريني
——————————————-
بعد اسبوع ونص قبل زواج سلطان بيوم
يوم الجمعه الزواج

الاحداث المهمه( ترف تزوجت فهد ماشاف نجد كانت تصد عنه اغلب الوقت ام فهد علمتها بخطتها اللي سوتها لفهد وبدت ترحمه العنود فبيت اهلها الجده جت و راحوا لها الاحفاد كلهم )