بلاي حبيت نجديه

73

صالح: وابد ياعمي ماسوينا الا اللي فيه مصلحه بنت عمنا
هزاع : ما تقصرون وبسيطه يا سالم انت ولدك حمدان
سلطان: وهالحين وش بيصير
هزاع: ابد بكل سهوله نقول مالكم نصيب
سلطان ناظر صالح وهو يخفي ابتسامته ويحسون بالانتصار
صالح: الله يكتب اللي فيه خير ويعوض بنت العم باللي افضل منه
هزاع: امين
قاموا بيطلعون
هزاع : وين
سلطان: جايينك ياعمي الليله وكاد
_____________________
ابو سيف : اقول ياعزوز خل امك تدور لك بنت حلال
عبدالعزيز: يبه قلت لك يحرمون علي بنات حواء كلهم غير دانه ما اخذ
ام سيف تنهدت وناظرت عبدالعزيز وقالت: الله يهديك ويصلحك
قطع عليهم دخول سلطان
سلطان: السلام
الكل رد السلام
ابو سيف: وين كنت
سلطان : تخيلوا شصار
( مايبون احد يدري ان سيف و عبدالعزيز يعرفون بالموضوع علشان ابو سيف ما يفهم غلط)
ابو سيف: عساه خير
سيف : اسلم
سلطان: تكنسلت خطبه حمدان من دانه
عبدالعزيز رفع راسه وناظر سلطان
الكل التفت لعبدالعزيز
ابو سيف: لايكون لك يد بالموضوع يا عزوز !
عبدالعزيز: شدخلني !
سلطان: لا لا ييه تخيلوا طلع عنده قضايا الله يستر عليه وعلى المسلمين
ابو سيف: وش قضاياه!
سلطان: طلع اكبر مروج مخدرات الله يعافيه ولا يبلينا ولا بعد عليه قضيه تزوير يقولون كان يزور اوراق شركه عمه
ابو سيف: لا اله الا الله
سلطان: وابد تكنسلت الخطبة وقالهم مافيه نصيب
عبدالعزيز ابتسم والابتسامه شاقه وجهه قال : اجل اخطبها لي يبه
ابوسيف: نخطبها على طول !
عبدالعزيز: لا ننتظر لين احد يخطبها وتقولي مايصلح
سلطان: عزوز !
سيف طق عبدالعزيز
ابو سيف هز راسه وقال : الظاهر ماعاد فيه احترام
عبدالعزيز: ياخي يبه مو قصدي بس شسوي انا ماكذبت لو خطبها غيري رفضت انت
ام سيف: الله يصلحكم ويهديكم
ابو سيف: زين أجهزوا علشان نروح له ونكلمه بالموضوع
عبدالعزيز وقتها محد قده والارض مو شايلته من الفرحه
———————————————————————-
فهد: نجوده شرايك بذا لمجودي
نجد: حلو بس لو اللون غير و الشكل غير احلى
فهد ضحك وقال : احلفييي
نجد ضحكتت وقالت : مااش ماعندك ذوق
فهد بعبط واخذ لون ما تحبه نجد وقال : طيب شرايك بـ هذا
نجد: احتماليه لو خذيته تغير حالتك الاجتماعية( قصدها تتطلق )
فهد ضحك وقال : احبك قسم بالله امزح
نجد: منت صاحي شوف ذا حلو صح؟
فهد : لا شين
نجد: ماعلي منك باخذه
فهد : سمي
نجد: اقول ما جعت
فهد : الا ميت جوع بس انتظرك
نجد : افا اجل ناخذ عشاء ونروح الفندق ؟
فهد: لا وش فندق بوديك مكان احلى
نجد: وين لان ودي نرجع للفندق شوي
فهد بخبث غمز وقال : ماودي نرجع بس شكلك مستعجله وتبيين ...
نجد شهقت وقالت : فهوود !
فهد ضحك بقوه وقال : شسوي احبك
نجد: ما تضحك
فهد: طيب تبين الفندق هالحين ولا
نجد: لا شكلي بنام هنا
ضحك فهد وحضنها وطلعوا لسياره واخذ عشاء و راح لمزرعه و نزل العشاء و نزلت نجد وحلسوا وكان ظلام وهدوء
فهد : شرايك بالمكان
نجد : يجننن
فهد: خلينا نتعشا و اسويلك شاهي مضبووط ونسولف
_____________________________
هزاع: يا شروق
شروق: سم
هزاع: ماعا د فيه نصيب
دانه استغرب رنفس الوقت استانست
غاليه: ليه
شروق: ليه وش فيها بنتي
هزاع ابتسم وقال : بنتي؟ بنتي مافيها شي انا رافض الرجال
شروق: علامه
هزاع: وصلتني علومه والله يستر عليه
غاليه: ياقلبي يادانه صدقيني ربي بيعوضك خير
هزاع حضن دانه وقال : نصيب وما رفضته الا لاني اعرف مصلحنك
دانه : شدعوه اللي يشوفني مقطعه نفسي عليه بعدين يبه ما اخذ رايي انت
هزاع: غلطت لان كنت احسبه رجال
دانه: طيب بيجي احد
هزاع: وكاد عيال عمي
___________________________
الساعه 7:30 الكل اجتمع فبيت هزاع وابتدت السوالف بينهم
ابو سيف: اقول ياخوي هزاع دام ماصار نصيب بين دانه و حمدان جايك واطلب يدك بنتك دانه و لوليدي عبدالعزيز من قبل حمدان ناوين نخطب مير سبقنا ودام السالفه ما تمت قلت نخطبها مره ثانيه
عبدالعزيز ابتسم وهلى طول نظرته توجهت لدانه اللي ابتسمت وناظرت عبدالعزيز
هزاع ابتسم وقال : ونعم عبدالعزيز ؟ من يرده بس الشور شور دانه
ابو سيف: شقلتي وانا عمك
دانه استحت وحست ببرود بجسمها قالت بصوت خافت : اللي يشوفه ابوي
هزاع: والله وانا ابوتس اللي اشوفه ان عبدالعزيز رجال والنعم فيها والله يكتب اللي فيه الخير
ابو سيف: ها شقلتي
دانه ماقدرت ترد وسكتت
ام سيف: وراكم احرجتوا البنت دامها ساكته يعني موافقه
الكل بدا يبارك و الابتسامه انرسمت على وجيهم
ابو سيف: دام المملك بيجي خلوها مره وحده
ضحك هزاع وقال: تم
عبدالعزيز بحماس: والعشاء جاهز
الكل استانس وفرحان فيهم
شروق بهمس لدانه : جهزي عمرك وكاد بعد الملكه بيطلب يشوفك
دانه تنحت وقالت : هاه
غاليه : وش هاه تقولك تجهزي
دخلوا الحريم و الرجاجيل راحوا للمجلس وبدوا يتفقون على زواجهم
ابو سيف: انا اقول نفرح فيهم قريب ما نبي يطولون بين الملكه و الزواج ويمدي البنيه تجهز اذا المهر بيجيها الليله نخلي بعد اسبوعين الزواج
هزاع: اسبوعين شوي ياولد عمي
ابو سيف: ماهو شوي ياولد العم الوقت فيه الخير والبركه قطع عليهم دخول الشيخ وقال : السلام عليكم
الكل رد السلام
بعدها بدقايق الشييخ : امسك بيد عمك يا ولدي
مد يده عبدالعزيز ومسك كف هزاع
الشيخ : قل معي يا هزاع : زوجتك ابنتي دانه على سنه الله و رسوله
هزاع ابتسم وهو عيونه بعيون عبدالعزيز قال : زوجتك ابنتي دانه على سنه الله و رسوله
في هذي اللحظه عبدالعزيز الفرحه مو شايلته و يحس قلبه بيطير من الفرح و الابسامه شافه وجهه ونظراته على سلطان وسيف اللي فرحانين من فرحه اخوهم
الشيخ : قول معي يا ولدي قبلت بـ ابتتك زوجه لي
عبدالعزيز بصوته الحاد : قبلت بـ ابنتك زوجه لي
الشيخ : اللف مبروك
بدا الشيخ يكتب العقد و وقع عبدالعزيز و قام هزاع بيعطي الدفتر دانه
هزاع: ياولد
شروق جاته وقالت : سم؟
هزاع: مبروك
شروق بفرحه : الله يبارك بعمرك
هزاع: خليها توقع هنا
شروق: ابشر
راحات ومدت الدفتر لدانه والكل نظراتهم عليها وهم فرحانين لها
دانه شافت جمب اسمها عبدالعزيز وتوقيعه والفرحه احتلت قلبها
وقعت و اخذت امها الدفتر وابتدت الزغاريط و التباريك
ام سيف حضنت دانه وقالت : والله والله ليعيشك عبدالعزيز امييره
همست باذنها : قوم الدنيا وقعدها علشان ذي اللحظه
أبتسم دانه بفرح وهي قايله لها ريما من قبل عن عبدالعزيز و كيف حالته
بعدها بساعه راح الشيخ و هزاع جاء عند عبدالعزيز وقال : سمعت تبي تشوفها
عبدالعزيز قال : ابد ان ذا الشي ما يضايقك
هزاع : وش دخلني صارت زوجتك هالحين
عبدالعزيز ابتسم من هالكلمه وتذكر لما يقولها لها
هزاع: هاه تبي تشوفها
عبدالعزيز: اكيد
هزاع: خلك جاهز لا ناديتك تعال
عبدالعزيز ضحك وقال : ابشر
اما عند دانه كانت لابسه فستان  بلون رمادي و فاكه شعرها الحرير اللي يتميز بلونه الاسود و طوله لنص ظهرها لبست ذهب ابيض ناعم وكعب شفاف و الميكب ناعم يبرز ملامحها الهادي
غاليه: دنو تهبلين
دانه : اليوم شكلي مو مره !
غاليه : اذا اليوم مو مره اجل كيف لو اعجبك شكلك كيف بتكونين
دانه: خليك من المدح الزايد عطيني المسك وراك
غاليه ا: انا انا بحط لك
مررت المسك على كفوفها و رقبتها و عطرتها
شروق دخلت عليها وقالت : بسسم الله على بنتي الرحمن الرحييم
دانه : حلو شكلي ؟
شروق : تهبلين تهبلين تاخذين العقل ، غلو عطيني كسره العود وراك
غاليه : ابشري
بدت شروق تبخر دانه وهي تسمي عليها
بعدها بثواني طقت الباب ام سيف
غاليه : ادخلي يا خاله
ام سيف: بسم الله علييك وش هالزين يا دنو وش بقيتي لناس؟
دانه ابتسمت وهي تحب ام سيف منزمان وارتاحت انها بتسكن عند وحده طيبه
ام سيف: ترا عزوز له ساعه بالمجلس يحتريتس
شروق ضحكت وقالت : روحي له
راحت دانه وهي متوتره وتحس ببروده بجسمها فتحت الباب و سكرته وراها التفتت وشافت عبدالعزيز بهيبته وطوله و ملامحه الحاده اللي تجذب الواحد جالس ومن شافها وقف تقدمت دانه و قرب منها عبدالعزيز وقال : يا ارض احفظي ما عليتيس
حضنها بققوه بقوه وانصدمت دانه ماتوقعت عبدالعزيز يحبها و هالكثر
اما عبدالعزيز مو مصدق وطاير من الفرحه حضنها بقوه لين يحس عظامه دخلت بعظامها همس باذنها : وش سويتي بي يابنت هزاع ماعاد خليتي بس عقل
دانه ابتسمت
عبدالعزيز : دنو
دانه : ياعيونها ؟
عبدالعزيز ابتسم وقال : جعلي افدا عيونها انا وش هالزين ؟ ورا ماقالوا لي انك ماخذه زين العوب كله؟ حبيتك بدون ماشوفك وهالحين فوق اني احبتس تاخذين العقل
اما دانه الفرحه مو شايلتها وتحس ان قلبها بيطلع من مكانه و لا شعوريا حضنت عبدالعزيز اما عبدالعزيز يحس رجعت روحه بعد حضنها له ويحس ملك الارض ومن عليها داهمته ريحه المسك والعود و ابتسم
وقال :
وان رجعنا للتواصيف لله الكمال
لا انتهى ليل المزايين جاتك تبتديه
كانها غفل مع البدو طاويها الحيال
مايميز وصفها الا نبيه من نبيه
ضحكت دانه وقالت : عزوز !
عبدالعزيز: ياااقلب عزوز انتي
دانه : الله يحفظك لي
عبدالعزيز: وديمك طول العمر
________________________________
فهد : نجوده برد ؟
نجد: شوي
فهد : تعالي تعالي يابعد حيي
نجد : وي طلع عرق الشمال
ضحك فهد وقال : يابعد قلب الشمالي وروحه
نجد جلست جمبه وغطاها معه بفروته وقال : تدرين وش اخر شي كتبته فيتس
نجد: اسلم
فهد :
هيه ياللي غرك الحسن واطغاك الجمال
والله ان اموت ماشفت لاوصافك شبيه
لو يسام الحسن والتيه بجنيه وريال
مابقى في السوق غيرك ريال ولا جنيه
كيف اهدك للمقادير ؟ وانتي راس المال
راس مال ومال والمال ما يعطى السفيه

نجد حضنته وقالت : صح لساانك
فهد : صح منطوقتس يا بعد عيون فهد
نجد: يووه يافهود ياكثر الحب
فهد : ظنتس كثري؟
نجد: لا
فهد باستغراب ناظرها وقال : من اكثر
نجد: اكيد انا
فهد : لا بالله تعقبين انا
نجد : كذبت انا
فهد ضحك وقال : اشربي شاهيتس والله انه انا
نجد : باللهي
فهد: ياحلو الاسواره اللي بيدتس
ضحكت نجد و قالت : ويا حلى المسبحه اللي بجيبك
فهد : اقولل
نجد : قل
فهد : ترا مو ازين لتس
نجد : وش
فهد: كلامتس الحلو ذا بيجي معه لعب اخر الليل
نجد : فهود !!
فهد : كنت عاقل انتي خربتيني
نجد ضحكت وقالت : شدخللنيي
فهد وهو يعطيها نظرات بريئه : كنت عاقل ما اسوي ذي الاشياء
نجد: فهود غير السالفه
فهدد: طيب تبين ولد ولا بنت
نجد: ودي بنت و ودي اخو لمجودي وانت؟
فهد: الي ربي يجيبه راضي فيه دامه منتس
ابتسمت نجد وحضنته بقوه

******
تقيمكم للبارت ؟ ، تبون البارت الجاي الاخير ؟ + دلعتكم اليوم بارتين علشان حماسكم و لان وصلتني دموع كثير على البارت اللي راح زوجتهم بدون ما العب باعصابكم