بلاي حبيت نجديه

61

ريما : يمممههه بنات
دانه : وش
غاليه: شفيك
نجد : علامك
ريما: زواج نجد بعد سبع ايام !!
نجد: ريما لا تذكريني!
دانه : بنات فستاني ذا وش احلى معه اي كعب
نجد: الله فستانك يجننننننن يجنن
دانه: يابعد قلبي
ريما : امووت على اللون يهبلل
____________________________
✨اوتفت البنات✨

بطلتنا نجد ؛لابسه فستان وردي فاتح ماسك لين الخصر بعدين واسع و حطت ميكب خفيف يبروز ملامحها و مخليها هاديه وكعب ابيض و طقم ذهب ابيض ناعم و شعرهاالناعم فاكته

ريما : لبست فستان لونه بنفسجي و كان ماسك و واسع من الخصر اللي كان يجذب الواحد وشعرها الاسود الناعم واكسسواراتها الناعمهوكعب شفاف

دانه : لبست فستان اسود وفيه فصوص فضيه كان فخم ويجننن ولبست كعب اسود فيه فضي خفيف و ذهب ابيض و شعرها حطت اكسسوار فضي

غاليه : فستانها احمر و كعبها شفاف وشعرها اللي بطبيعته ويفي البني

الجوهره: اما الجوهره لبست فستان ابيض ومعه لون وردي خفيف الوانه فرائحيه وتناسب العيد وكعب ابيض
العنود: لبست فستان لونه ازرق فاتح مريح للعين وكعب شفاف

اما العياال معروف ثوب وشماغ
______________________________
الصباح الساعه 6:00
ابو سيف: يييااااا عياال الصلاااه
سيف وهو بيده عقاله وشماغه طلع من غرفته وقال : يبه دقييقه
سلطان: العود ويين
عبدالعزيز: يااالييييبلللل كل عيد كل عيد تضيعون طاقيتي
ام سيف: هذي؟
عبدالعزيز: لااا لا مو ذي
ابو سيف بحده : لا رديت على امك اقصر صوتك
عبدالعزيز: سم سم بس يبه ضيعت طاقيتي !!
نجد : لقيييتهااا عزوزز
عبدالعزيز: الله يبشرتس بالخييير
ريما : خذوا العود
ام سيف: روحوا الحقوا على الصلاه
ابو سيف: عبود وينهو !!
هزاع طلع من المجلس وقال : ياولد
دخلوا البنات وام سيف
ابو سيف: تعال ماقدامك الا اهلك
هزاع: نبي العود
ابو سيف: دوك يابن عمي
هزاع ابتسم وقال : سلمت
عبدالعزيز: يالله يبه انت وعمي تاخرنا
ابو سيف: مير لقيت طاقيتك
عبدالعزيز: ايه ايه
راحوا كلهم المسجد و البيت قلت ام سيف وشروق حطوا العود وبدلوا وزينوا القهوه
اما عند البنات استنفار
ريما : بناات شعري عيا يضبط شسوييييي
نجد : روحي للعنود تضبطه انا حاجزه الجوهره
ريما : وش حاجزتها !
آم سيف: يا بنات وينكم
الجوهره خلصت وبخرت شعرها وتعطرت وتبخرت وطلعت
الجوهره: كل عام وانتي بخير ياخاله
ام سيف: هلا هلا هلا وانتي بخييير وصحه وسلامه باذن الله السنه الجايه اشوفتس تسلمين علي ومعتس اللي فبطنتس
الجوهره ابتسمت وقالت : ان شاءالله يارب
_______________________________
حايل
فهد : كلل عام وانتي بخير ياميمتي عساتس من العايدين الفايزين
ام فهد حضنته بقوه وقالت: يييااابعد هالدنيا ييازين الزين يووه يامي انت عساك من عواده ياقلب امك و من السالمين والغانمين
فهد : اخبارتس ياميمتي
ام فهد : بخير نحمده ونشكره
فهد حط الظرف بيدها وقال : عيديتس وحلف حلف ماتردين الريال وهذاني علمتس
او فهد : يامي وراه تحلف
فهد : خلاص انتهى مجودي وينهو
ام فهد : هذا هو يامي
فهد شال ماجد وحضنه بقققووووه تذكرت سلمان ونزلت دموعه
ام فهد : يامي فهد وراك يامي وراه هالدموع
ابتسم فهد ومسح دموعه وناظر ماجد وقال: دام راسي يشم الهوا والله والله ماينقصك شي وانا ولد تركي
ام فهد: الله يحفظك له ، غمزت وقالت : ويحفظ لك نجد
ابتسم فهد وقال : اميين يارب ويحفظتس لي ويطول لي بعمرتس
ام فهد : اللهم امين
فهد : باخذه
ام فهد : خلني البسه ثوب
فهد : ييوووه يا الثوب نتفه ياميمتي
ام فهد ضحكت وقالت: دقايق يامي
بعدها بدقايق اخذه فهد وراح فيه لابوه وقال : كل عام وانت بخير بالغالي
ابو فهد : هلا هلا وانت بخير وصحه عطني عطني حفيدي
فهد ابتسم من كلمه ابوه وقال : خذ حفيدك
ابو تركي : الغدا منهو غداه البوم
ابو فهد: انا يابوي
ابوتركي : اذبح ابذح ذبايحك
ابو فهد : ابشر ، ياعيال الذبايح
فهد : انا اذبحها
حمد : عنك عنك
فهد ابتسم وقال: بعدي
_____________________
عقاب: انا طالع لصلاه ارجع القاكم جاهزين بنروح بيت اخوي ابو سيف
منيره: من عيوني تبشر باللي تبيه وصار
عقاب ابتسم وقال : تبشرين بالجنه ، سمعتي يا مها
مها ناظرته بحده وصدت
عقاب ما اهتم وقال : ففاارسسس ريان اخلصوا !
____________________________
رجع الكل من الصلاه
ابو سيف راح لام سيف وقال : كل عام وانتي بخيير وصحه والله يحفظتس لي
ام سيف ابتسمت وقالت : وانت بخير وصحه وسلامه ويطول لنا بعمرك
ابو سيف: وش ذا الزين ؟ وش بقيتي للعرب اللي برا
ام سيف ضحكت وقالت : يابعد هالدنيا يا عبدالله
ابو سيف: يالبى هالزين
قطع عليهم صوت عبدالعزيز
عبدالعزيز: يييمممه بدخل
ام سيف ضحكت وقالت : تعال امي
عبدالعزيز: من العايدين الفايزين والسالمين والغانمين وعساكم من عواده وكل عام وانت بخير
ابو سيف: هل عض لك على شحمه وش خليت لنا
عبدالعزيز ضحك وحضن ابوه بقوه وقال : الله يحفظك لي يااطلق شيخ
ضحك ابو سيف وقال : الله يحفظك يابوي انت
التفت عبدالعزيز وقال : تعالي يا ام عزوز والله لا اضمك ولا علي من عبودي حقتس
ام سيف طقت كتفه بخفه وقالت : عيب عليك
ضحك عبدالعزيز وهو يحضنها بقوه وقال : اهخخ يا يمه الله لا يحرمني منكم انتي وابوي
ام سيف: ويحفظك لنا يارب وجعلي اشوف عيالك وعيال عيالك
عبدالعزيز: اللهم امين
ام سيف: عزوز انت و عبدالله عيدتوا على البنات ؟ نجد وريما
ابو سيف: هذاني بعيد عليهم
عبدالعزيز: وانا يعد
_________________
سلطان دخل الغرفه وشاف الجوهره جالسه وتزين الميكب تحط لمساتها الاخيره التفتت لدخول سلطان وابتسمت
سلطان : يياااالبيييييهه ياعرب وش هالزين ياناس
الجوهره ابتسمت وقالت : تتوقع كثر زينك؟
سلطان: بعيده عني
قرب سلطان من الجوهره وحاوط خصرها بيدينه وبعيونه يتاملها قال: ناويه علي ناويه على ولد عبدالله؟
ضحكت الجوهره وحطت يدينها على كتوف سلطان وقالت : كل عام وانت معي
سلطان: وكل عام وانتي حبيبتي وعيوني وقلبي وروحي
الجوهره : وش هالزين ؟
سلطان: لا بالله ولا نص زينتس
قرب وعطاها بوسه وقال: البسي عبايتك وعايدي ابوي لان اخواني بعد فيه شويات ونطلع المجالس وتاخذين راحتس
الجوهره: من عيوني
سلطان: لا تتعبين نفستس
الجوهره: ما اتعب نفسي
سلطان: ايه اعرفتس انا تراني موصي امي و نجد وريما ولا بعد بوصي ساره وان عاندتي بيعلموني
الجوهره: ترا عادي
سلطان: عندي مو عادي
الجوهره: من هالعيون
سلطان: عيديتس
الجوهره: كثر الله خييرك
سلطان: حلالي هو حلالتس
___________________________
العنود كانت تضبط شماغ عبود دخل عليهم سيف
سيف ناظر العنود و كان مفهي فيها
عبود: بابا اناديك لي ساعه
سيف انتبه وقال: هلا يابوي
عبود: شراايك
سيف: الله الله رجال وكشخ خذ هذي عيديتك ورح لعمانك يعطونك عيديه
عبود بخماس : تممم
سيف: خافي الله بالعرب ارفقي عليهم يتزينون من امس الليل وانتي بساعه غطيتي عليهم
ضحكت العنود وقالت: وي مو لهالدرجه عاد
سيف قرب وهو يحضنها وقال: كل عام وانتي حبيبه قلبي
العنود رهي حاضنته باسته وابتسمت
سيف: اهخ يا الزين تبين اسحب على الفطوو والغدا
العنود ضحكت وقالت : وي لا عاد
سيف غمز لها وقال : وعدنا بالرياض
العنود: سيييف !
ضحك سيف وقال : ياعيون سيف
العنود : خلاص بطلع اسلم على عمي
سيف: من هالعيون
___________________
نجد وريما كانوا حول ابوهم و عزوز
ابو سيف: لا لا لا وش هالزين يا بنات عبدالله بحق عاد غطيتوا على الناس
ريما : والله يا يبه ماخذين من زينك انت وامي
نجد حضنت ابوها بقوه وقالت : يااارب لا تحرمنا منك
ام سيف: عورتي ابوتس
عبدالعزيز: عورته ولا تغار ياحلو
ان سيف: عزوز !
عبدالعزيز: ياعيون عزوز
ابو سيف: بس ياولد
عبدالعزيز: ياليل يغار يغار عبود
اما نجد وريما كانوا يضحكون
ابو سيف : انقلعوا عني بسلم على بنيتي الجوهره
الجوهره: يابعد عيني ياعمي
سلمت الجوهره وعبدالعزيز صد للجهه الثانيه
الجوهره: كل عام وانت بخير ياعمي
ابو سيف: وانتي بصحه وسلامه
التفت عبدالعزيز وابتسم وقال : كل عام وانتي بخير يام سيف
الجوهره : وانت بخير بس يمكن مو سيف يمكن شيخه
ام سيف ضحكت وقالت : يابعد عيون شيخه وه ياحظي اذا بتسمين علي
سلطان: يمه ما تبيني تعايديني
ضحكت ام سيف وحضنت سلطان بقوه وقالت: يارب لا تحرمني منكم
طلع سيف وقال :: ماشاءالله تبارك الله وانا من ولده يا شيخه !
ام سيف ضحكت وقالت : ييوه ياعرب انت اساسهم
سلطان: من قدك
___________________________________
عقاب دخل بيته وقال : السلام عليكم
فارس وريان ركضوا لامهم ويعايدونها بحماس
مها : هلاا هلا اميي
ريان : كل عام وانتي بخير
مها : ياويلي تعرف بعد كل عام وانتي بخير يابعد هالدنيا ياماما
فارس حضنها بقووه وباس راسها وقال : كل عام وانتي احلى ام
مها ضحكت وقالت : وكل عاام وانت شيخ الرجاجيل كلهم
ريان بزعل : واناا
مها : وانت شيخ بعد
فارس : ماما واااووو اليوم صرتي اميييره
كلام فارس لامس قلب مها وحست ذاك الوقت الارض مو شايلتها
عقاب: من العايدين
مها : من الفايزين
منيره طلعت وهي تمشي بدلع ورايحه لعقاب
عقاب ابتسم والابتسامه شاقه وجهه وقال : هلا هلا هلا كل عام وانتي بخير وصحه وسلامه وعساتس تعيدينه وانتي بخير
مها ضحكت من تناقض عقاب وسكتت
منيره بدون حياء قربت من عقاب وسلمت عليه وقالت بهمس: وكل عام وانت معي
عقاب ضحك وقال: امين يارب العالمين
فارس ناظر بامه وقال : ذي ما تستحي
مها ضحكت وقالت : اص لا تسمعك
فارس : يبه متى نروح بيت عمي ابو سيف
عقاب : هالحين مير ببدل عقالي هذا ماهو زين
منيره : اجيب الثاني؟
عقاب: لا هو عند مها اخلصوا البسوا علشان نطلع
راحت مها غرفتها تلبس عبايتها ولحقها عقاب
عقاب: بالله مهاوي عقالي كان هنا الزين وينهو
مها ناظرته من فوق لتحت وما ردت وكملت تلبس عبايتها
عقاب : مهاا!! تدرين ما احب احد ما يرد على كلامي صح ولا
مها : تلقاه عند منيره ولا وش يجيبه عندي
عقاب: كيف وش يجيبه عندتس !
مها : شكلك ناسي من ما جينا هنا ما رقدت بذي الغرفه ولا لك ملابس فيها
عقاب استوعب على نفسه ان طول الفتره من تاريخ 10 وهم بالديره كيف راحت الايام وهو ما قرب حتى من عندها ولا اعطاها حقها كزوجه ! وفوقها ما يجي عندها ولا عدل بينهم تغيرت ملامح وجهه وقال : انا زين استوعب اني رقدت هنا مو بذكر ارقد عند مين ( يرقع لافعاله ، قلبي❤️‍🔥)
مها: اي زين
عقاب طلع وقال : منيره عقالي عندتس صح؟
منيره : ايه هذا هو قايله لك ملابسك كلها عندي
عقاب مسح على دقنه لثواني وقال: مشينا؟
فارس بحماس : مششييينااااا
عقاب ضحك وقال : امشوا
راحوا بيت ابو سيف ودخلوا مها ومنيره قسم الحريم و عقاب راح لقسم الرجاجيل
ام سيف: ارحبي يالله انك تحييها
مها : الله يبقيتس
ام سيف: يابنات وحده تنادي عزوز ابيه باخذ القهوه
عبدالعزيز: ياوللد جيبوا القهوه
نجد : طييب اصبر
ام سيف: تعال المجلس ما قدامك احد البنات داخل
عبدالعزيز دخل وقال : السلام عليكم
سلم على مها و منيره كانت متغطيه قال : كل عام وانتم بخير
مها : وانت بصحه وسلامه ياعيون خالتك
عبدالعزيز: القهوه يمه
ام سيف: بجيبها
عبدالعزيز: بنتظركم عند الباب
مها : بروح اساعدتس
منيره بخبث نزلت عبايتها وضبطت شكلها وراحت عند الحمامات ( يكرم القارئ ) اللي بين الباب و المجلس اختصار تبي عبدالعزيز يشوفها
عبدالعزيز رفع راسه وصد وهو يستغفر ربه
عبدالعزيز تنحنح وقال : ياولد القهوه
منيره سوت نفسها ما انبهت ودخلت البيت
طلعت القهوه نجد وقالت : عزوز بالله ناد لي عبودي ماشفته اليوم
عبدالعزيز: فاضيه وراي صلخ ثلاث ذبايح
نجد : طيب بس قوله تكفى
عبدالعزيز: على خشمي
راحت نجد داخل و بقت منيره بالمجلس
اما عبدالعزيز كان مصدوم وقال : ياولد
محد رد
عبدالعزيز: ياولد ترا بدخل
دخل عبدالعزيز وشاف منيره تغطت بسرعه
عبدالعزيز : الله يهداتس واقف لي ساعه برا و اتنحنح
منيره : ما انتبهت
قربت منيره بخبث منه وقالت : غريبه ما تزوجت للحين
عبدالعزيز خاف اكثر وبعد عنها وقال : يجيب ربي النصيب
منيره قربت منه بالحييل وجهها مقابل عبدالعزيز
اما عبدالعزيز حتى ما قدر يتنفس زين من الخوف ومنيره ولا همها
منيره : عاد انت مزيون واخلاق و ولد عالم وناس
عبدالعزيز بعد منها وراح بعيد وقال : النصيب
جاء عند الباب اللي يدخل لقسم البيت وقال : ياوولد لي ساعه انادي !
ساره بخوف : شفيك
عبدالعزيز: بروح غرفتي
ساره : ليه شفيك !
عبدالعزيز: ساره ابيتس بموضوع
ساره : شفيه وجهك
دخل عبدالعزيز ومعه ساره ورحوا غرفه عبدالعزيز
عبدالعزيز: وهذا كل شي انصدمت منها كيف قربت مني كذا !! حتى انتم وانتم خواتي مب كذا
ساره بخوف وحست وراها شي قالت : استر عليها تلقاها الحين ميته خوف
عبدالعزيز: علي بالحرام لو انها زوجتي ما تبات عندي ليله وحده !
ساره : وهالحين يامي وراك قالب وجهك
عبدالعزيز: مدري بحياتي ماصارلي كذا موقف
ساره : يابعد عيوني انت
ضحك عبدالعزيز وقال : بطلع هالحين
ساره : ابشر اطلع من باب المطبخ
عبدالعزيز : باب المطبخ باب المطبخ اهم شي اطلع
دانه : غلووو شعري غرفتيههه
غاليه والله يجنن بس انتي دلوعه
ساره : بنات قصروا اصواتكم
دانه : ساره بالله ما خربت شعري كذا!
ساره : لا والله يهبل
عبدالعزيز من سمع صوتها ابتسم وضحك
ساره : بنات عزوز معي بطلع من الباب ذا
غاليه : كيف نطلع
ساره : عزووززز لف وراك البنات بيطلعون
دانه : ساره هيه صحصحي حنا بدون عبايات
ساره : اسكتي لا ادخلك بالدرج
ضحك عبدالعزيز وصد
دانه : على كيفتس كل هالكشخه اخرتي بالدلاب
ساره : تعال ورا الباب اخلصوا وقفوا ورا الباب
ساره : عزوز ادخل بس لا تناظر وراك
عبدالعزيز: داخل دوره عسكريه انا !
ساره : عزوز اخلص
دخل عزوز وهو ماسك الضحكه  وطلع
ساره ضحكت وقالت : انهينا القصه