بلاي حبيت نجديه

البارت الخامس

عبود : ماما جوعان
العنود: عبود ذبحتني توي اقولك اسويلك اكل تقولي شبعان يوم بدلت تقولي جوعان
ام سيف : ضعيف يا العنود ورع شعرفه تعال عبودي ياعين جدتك
عبود : ابي البقاله
عبدالعزيز : يببههه شوف سلطان ييببببهههه
* سلطان مسك عبدالعزيز وهم يتهاوشون
ابو سيف : حيلهم بينهم
سيف : ورع انت وياه والله لو اقوم لا اعلمكم الادب
سيف كان الكبير والكل يسمع كلمته
عبدالعزيز: الفزعه يا سيوف تكفى ياخوف
قام عليهم سيف وهو معه العقال و يمحطهم واحد واحد
سلطان: وجعاه
سيف : انطق ترا ماني بفاضيلك
عبدالعزيز يمثل الخوف : تكفى قدني ببول
عطاه نظره سيف
عبدالعزيز: لا صدق الحين قدني ببول
ضحكوا كلهم على هبالتهم
نجد : سلطانوه مالك فايده ودني البقاله
سلطان: علشان سلطانوه تهبين
العنود: نجد اذا ماعليك امر اذا بتروحين بعطيك اغراض ابيتس تشترينها ناقصه علشان الحلى
سلطان: دام الموضوع فيه حلى العنود مانقول لا مشينا
نجد : العنود شوفي النذل مو علشاني ولا علشانك علشان الحلى
العنود: اهم شي تجينا الاغراض ماعليه
سلطان يالله امشي ، راحوا وعطتهم العنود اغراضها كتبتها بورقه وراحوا
_______________________
ترف : يمه
ام فهد : هلا
ترف : مابي اروح ويديني فاضيه
ام فهد: سوي معتس حلى
ترف: ناقص اغراض
ام فهد : قولي لفهد يوديتس
فهد : وين اوديها
ترف : البقاله فيه اغراض ناقصتني بسوي حلى
فهد: ابشريبي البسي
طلعوا للبقاله وبطريقهم شافوا سلطان ونجد ومعهم عبود
عبود : عمه نجد شوفي ترف
نجد لفت وهي تضحك
فهد بهمس : يالبى العيون اللي تلتني من اقصاي
ترف : بروح لنجد
فهد : زين بوقف مع سلطان عند الباب وخذي اغراضك
سلطان اشر لفهد : ها اشوفك هنا متى نمشي
فهد : علمي علمك
سلطان شاف ترف وصد وقال بقلبه لو تشوفني الجوهره ذبجتني ههههههه
نجد وترف دخلوا البقاله وياخذون اغراضهم
سعود : هلا بالمزايين
نجد : صبرني ياربب
سعود : شفيه الحلو معصب
ترف : يا مريض ماعندك خوات !
سعود : ماصرت مريض الا من عيونكم
نجد : رح ولا انادي عليك الرجاجيل
سعود: يعقبون كلهم وش بيسوون لي
نجد همست لعبود يناددي سلطان
ترف : وع مريض امشي نحاسب
عبود كان يالله ويتنفس من كثر الركض
عبود : عمي عمييي
سلطان : بسم الله علامك
عبود : فيه واحدد يحاول يكلم عمه نجد و ترف ونجد قالت ناد سلطان
سلطان عصب ودخل ولحقه فهد وعلى دخلته شاف سعود واقف جمب نجد ومسك يدها
نجد : كسسسرر يكسر يدك يا المريض الله ياخذك والله لا اعلم ابوي والله
سلطان انجن وجاء ركض ومسك سعود من ياقته وصفقه وطرحه بالارض ويقعد يصفق فيه وفهد يحاول يبعده عنه
فهد : سلطان اتركه خلاص جاه اللي كفاه ياولد لا تنكبنا فيه
بعد ما سحبه فهد سعود ركض برا
نجد وهي تصيح : والله ما اخلييه والله وانا ينت عبدالله
سلطان: اقصري حسك ! سوالك شي ثاني؟
نجد : يعقبب ويخسييي
خذوا اغراضهم وراحوا البيت
دخلت نجد وهي تركض لابوها
نجد : ييبه اخذ حقييي يا يبه وان ما خذيته والله ما اخليه يمسي الليل والله
ابو سيف : بسم الله عليتس يابوتس شصاير علامتس والله لا اخذ حقتس لو من اغلى خلق ربي
سيف : الدموع ذي كلها علشان سلطانوه وش مسوي لتس
سلطان دخل وبثوبه دم سعود
ام سيف : يممه ورعي
ابو سيف : هذا من دمه ياولد لايكون دم اختك يا الرخمه !!
سلطان : لاا لا يابوي سعود الحيوان كان يحاول يكلم نجد ويوم ما ردت عليه مسك يدها وخذيت حقها بس ما بردت تسبدي فييه الحيوان هج من بين يديني
نجد : والله يا يبه ما خليييتهه يقرب مني ولا خليته يكلمني حتى وهو شافني ما رديت علييه وسحب يديي الله ياخذذه والله ما اسكت له وانا بنتك
ابو سيف عصب وقام من مكانه كبيره بحقه شيخ الديره وكبيرهم يعتدون على بناته ! ومعروف ان ابو سيف مايرضى بالغلط و اهم ماعليه بالدنيا بناته وزوجته وعياله عصب
——————————————————-
عند فهد رجع ترف لابيتهم وراح لسعود ما حس بنفسه الا عند باب بيته
طق الباب باقوى مافيه وينادي بكل صوته سعووود ياا سعود
سعود : وش تبي
مسكه فهد من ياقته وضربه كف وصار يضربه ضرب قوي ولك اهل القريه مستغربين منه
بعدوا عيال القريه فهد وهو معصب وعيونه تطلق الشرار ورفع يده وقال : ان عاد شفتك يم بيت عمي ابو سيف او يم اهله قسم بالله واللي رفع سبع ونزل سبع لتكون موتك علي
سعود نزل راسه وصارخ فهد : سمعتت ولااا
ماحس سعود الا واغمى عليه وطلع ابو سعود وهو يدعي على فهد وشال سعود وهو ينادي احد يودي ولده
على رجعه فهد طلع ابو سيف ومعه عياله وهو معصب ولو اي احد يوقف قدامه ذيحه شاف سعود بالارض طايح استغرب وجاء ابو سعود بترجي
ابو سعود : تكفى يا الشيخ تكفى يابو سيف ولدي ولدي بيموت كله من فهد فهد ولد ابو فهد هو اللي مسوي كذا بولدي
ابو سيف استغرب فهد ! وليه بالذات فهد وش مصلحته؟
ابو سيف : جزاه واقل من جزاه وانا لو جيت ولقيته واقف لا ذبحته بيدي ولدك يابو سعود حاول يعتدي على بنتي و وين بديرتي ! عيني لا تشوف ولدك خمس سنين سامع يا بو سعود !
( كان من عادات الديره عندهم اذا احد غلط بحق اي شخص يطلعونه برا الديره لفتره او نهائي )
ابو سعود انصدم من هالكلام كيف ولده يجري على بنت الشيخ !
رجعوا البيت وراح ابو سيف لبيت ابو فهد
ابو فهد : حياكم اقلطوا
ابو سيف : ما كانك ياخوي نسيت المزرعه؟ بعدين وين فهد
ابو فهد بتوتر : لييه شفيه فهد مسوي شي يوم انك تبيه
ابو سيف : خله يجي ابيه
فهد : سم ياعمي
ابو سيف قرب من فهد وباس راسه
ابو سيف : عز الله انك رجال وبردت تسبدي في ذا الكلب
فهد رجع وباس راس ابو سيف وكتفه : ابد ياعمي ماسويت الا واجبي
اما ابو فهد حس بالفخر بولده وفزعته
ابو سيف : مشينا يا ريجيل تاخرنا وفهد اخذ حق بنتي وماقصر
رجع ابو سيف البيت
ابو سيف : يالله مشينا يا الربع
ام سيف : عساك ما سويت شي كايد للولد تكفى مو ناقصين شي
ابو سيف: مو انا اللي سويت
نجد والدموع بعيونها : ليه يبه مو وعدتني تاخذ حقي
ابو سيف : خذيت حقتس وطردت هالكلب خمس سنين من الديره اما فهد ما قصر اخذ حقتس وزود عانيه الكلب بالمستشفى من كثر ما جلده
نجد : فهد !
ابو سيف : ايه فهد ما قصر فيه
ابو سيف : خلوكم من السالفه سرينا للمزرعه ، نجد يابوتس بخاطرتس شي ثاني؟
نجد : لا يبه دامه بالمستشفى مابخاطري شي ويستاهل هالكلب
طلعوا كلهم بالسياراتهم
____________________________________
بسياره سيف
العنود وعبود وام سيف وابو سيف
وبسياره سلطان
عبدالعزيز و نجد وريما
سياره فهد
امه وابوه وترف
حمد ومحمد مع بعض بسياره وحده

ابو صالح و ام صالح مع حمد بسيارته
واخيراً سياره صالح
ساره وجود وريما
________________________________
صالح : تبون شي من البقاله؟
ساره : اي اخذ لنا شي مع الطريق بس لا تكثر جايبه معي قهوه وشاهي وحلى
صالح : يا نوم عيني يا سارونتي
جود : بابا انا وريما نبي حلويات
صالح: بيجيتس سكر انتي وريما مايصلح
جود: بابا تكفى والله اليوم ما اكلت حتى قلت ابي البقاله وحمد ما اخذني
صالح: تعالي خاويني البقاله انتي وريما
ساره : لا تبطون تراني بالحر انتظر
صالح : افا والمكيف وش مقصرن فيه هههههههههه
ساره : حتى الشمس ما تقصر
صالح: ابشري ابشري يالله جوجو و وريومتي تعالوا
ساره : جوجو انتبهي لاختتس امسكيها زين ولا يا صالح شيلها
صالح اشر على خشمه ونزلوا
______________________________
ابو فهد : كم باقي وتخلصين يابوتس نبي ننكس لديرتنا
ترف : والله يابوي باقي تقريباً ثلاث ايام
ابو فهد : زين , فهد ماهقيتك راعي هواجيس
فهد وهو كان بعيييد عن العالم ويفكر ليه ضرب سعود؟ ليه ما اكتفى بالكلام هل هو طاح بحب نجد وحد سمى عليه؟ ليه ماحس الا وهو مصفق سعود وهو طايح معقول يحب نجد او مجرد اعجاب بس لو اعجاب ما ثار دمه وهو بس مسك يدها
فهد : لبيه سم يا الغالي
ام فهد : لزوم نزوجه
ترف: ايه لازم
فهد : ههههههه من نأوين عليه
ترف : يا مريم يانجد يا عليا اختار
فهد: وش اختار اعرفهم انا !
ام فهد : لا اعوذبالله لو ايش ما اخذها لولدي
فهد يدعي انها مو نجد
ترف: منهي يمه
ام فهد: عليا شايفتن نفسها
ابو فهد بضحك: اعوذبالله
ترف : والله ان نجد مزيونه و وتاخذ ...
ام فهد ماخلتها تكمل كلامها وقبصت يدها
ترف حست انها جابت العيد وسكتت
فهد : تهورتي ياخوتس
ترف : شسوي تحمست