بلاي حبيت نجديه

63

عبدالعزيز ركب سيارته وتوجه لشرقيه عند خويه مجيد
بعد الغدا و الكل منهد حيله ويبي يرقد* غيبوبه العيد*
مها: سلطان وانا خالتك ودتي بيتي
ابو سيف: كيف تروحين وعقاب ماهو فيه
مها باستغراب: ليه وين بيروح
هزاع: بيروح يودي منيره لاهلها
مها: طيب ما علي ابي بيتي
ابو سيف: رح معها يا سلطان
سلطان: على خشمي جاهزه يا خاله
مها : اي ياعين خالتك
ام صالح: بالليل العيد عندنا
مها : على خير ان شاءالله
ركبت مها مع سلطان و ريان كان نايم بحضنها و فارس نايم ورا
سلطان: حي الله خالتي تباركت السياره
مها : يابعد عيون خالتك
سلطان: عقاب توه له اربع ساعات هالحين و ديره منيره تبعد حوالي 9 ساعات
مها : ماهو جاي اليوم
سلطان: اذا بروح صد رد بيوصلهم خمس العصر ويرجع لنا الساعه ثنتين الليل
مها : اهخ على اخيك ولا عقاب ما علي منه
سلطان: عاد عزوز لاعاند عاند الله يسامحك من كان السبب
مها : ما قهره الا ابوك يوم صدق منيره بالله من يصدق منيره
سلطان: الله يهدي ابوي
____________________________________
ابو سيف: ياشيخه تعالي
ام سيف دخلت الغرفه وسكرت الباب وقالت : سم؟
ابو سيف: تعالي خلينا نرقد !
ام سيف: وانا ماسكتك يوم انك ما ترقد !
ابو سيف: اخو ناصر ! ابك العلم وشنهو
ام سيف: ولدك يا عبدالله ولا كانه ضاق وراح ولا ندري وينهو
ابوسيف وهو من غير شايل همه ومقهور بس ما يوضح قال : ولدي رجال ويعرف مصلحه نفسه
ام سيف: لا لا منت بعقلك يا عبدالله هالحين تجاوبني وين راح؟ ومع مين وعند مين ومتى بيرجع
ابو سيف نزل شماغه وحط عصاته جمبه ومسك راسه
ام سيف نزلت دموعها وقالت : واللي خلقني ان في صدري نار نار يا عبدالله نارر وشابه شهقت وهي تصيح بانهيار وقالت : فوقق انه مظلوم مديت يدك عليه وعقابوه ضربه ضرب ماهو صاحيي و طلع برا البيت
ابو سيف عنده كل شي الا دموع شيخه وزعلها حبيبته الاولى والاخيره اللي سارقه قلبه منهو صغير قرب وحضنها وقال : افا افا عليتس بس تنزل لتس دمعه وانا موجود وبعدين تراه ولدي ماهو بس ولدتس وخايف عليه وبصدري نار والعه بس علشاني ما اشكي !
ام سيف : تكفى ترده للبيت والله ما تغفي لي عين وهو مو حولي
ابو سيف: ابشري ابشري مير هالحين مستحيل يرجع خذيها مني هو بنفسه ماراح يرجع توها السالفه حاميه
ام سيف: ليه شكيت فيه ليه ومديت يدك ليه ما صدقته يوم ترجاك
ابو سيف: ما توقعت وحده متزوجه تسوي كذا وش بيجيبها بغرفه واحد عزابي وطايش؟ و بغرفته !
ام سيف نزلت دموعها وصدت
ابو سيف: ااههخ بس لا تكسريني بدموعتس تراها غاليه علي وعلى قلبي مثل النار
____________________________________
وصلت مها بيتها ونزلت فارس وريان ونومتهم دخلت غرفه منيرة ماكان فيها ولا شي لها تنهدت وقالت : الله يكتب اللي فيه خير دخلت وتوضت وصلت الظهر وقامت تدعي ان ربي يسخر لها عقاب و تتيسر امورها التفتت لعيالها ولحفتهم زين وهي نامت
____________________________________

عبدالرحمن واجه عقاب بالطريق

عبدالرحمن: افا وانا اخوك شصاير
عقاب: ابد ما توافقنا والله يستر عليها وهذي بنتكم و الوجه من الوجه ابيض وتراها طالق طالق
عبدالرحمن: اصبر لا تلحقها بالثلاثه يمكن ترجعها
عقاب: مافيه امل ارجعها وتراها طالق بالثلاث طالق طالق طالق
منيره انهارت تصيح وعقاب راح وكمل طريق رجعته لديره
همس بقلبه : اخذت يا عقاب ثلاث ثلاث ماهي وحده ولا ثنتين الاولى اخذتني على طمع ولو ما كشفتها وهي تحاول تزور اوراقي وتاخذ حلالي كاني بحال ثاني و الثانيه من اول تعب لي بس صارلي حادث ولا قدرت امشي تثاقلتني وقالت طلقتني انت منت رجال ولا تعطيني حقوقي لا و الثالثه تخوني وفوقها ظالمه ولد اخوي اهخخ يا عقاب شسويت بعمرك شسويت ب مها اللي تحبك و واضح من عيونها ولا اهتمامها فيني لا تعبت و كاني ولدها ليه سويت فيها كل ذا ليه ما كنت اعدل بينها وبين هالخاينه؟ ليه كل ما اكلمها اسلك لها ولالي خلق لها واذا جت الثانيه قابلتها ببتسامه ليه كسرتها بهديتي لمنيره و هي ما عبرتها ولا قد عطيتها اهخخخ وفوق هذا كله تهتم فيني وبعيالي ولا جاء يوم شكتني عند اخوانها لو غيرها ماقعد عندي
(( كان طول الطريق يلوم نفسه وتحسف قد شعر راسه تزوج غير مها ثلاث ولا وحده وفيه و اوفت له غير مها تنهد وقال يباارب يسرها ولين قلبها))
الكل نام بتعب الساعه ٣ العصر
مجيد: جاك جاك
فتح الباب مجيد وقال : عزوز !! يالله حيه
عبدالعزيز: عساني ماجيت وقت غلط
مجيد : اي وقت غلط تعال تعال
دخل عبدالعزيز ومعه مجيد وقالت السالفه
مجيد: لا حول الله سالفتك سالفه
عبدالعزيز: وانا مدري كيف خليت الناس وجيتك
مجيد: تبي من يرنك كف انا اخوك وسندك افا عليك بس تبي الصدق لا تلوم ابوك
عبدالعزيز: شك فيني اقولك!!!
مجيد: طبيعي البنت طالعه من غرفتك لا وتصارخ
عبدالعزيز: اهخ بس مو زعلان من ابوي زعلان اني رحت وتركته
مجيد: دامك زعلان عليه وراه تركته
عبدالعزيز: حلفي و كرامتي
مجيد: ياليل ابو كرامه كرامه مافيه عند والديك
عبدالعزيز: اللي هو دبرلي شقه هنا
دخل ابو خلف ( ابو مجيد ) : لا شقه ولا شي بيت عمك موجود
وقف عبدالعزيز وسلم على ابو خلف وباس راسه وقال: من العايدين
ابو خلف : من الفايزين
ابو خلف ضحك وقال : تطمن ماسمعت غير دبرلي شقه
عبدالعزيز ضحك وقال : لا بس السالفه........
ابوخلف : ولا تقولي السالفة ولا شي ما عودنا ابوك لا جينا مجالسه ولا بيته يسالنا وش نبي ولا ليه جايينه
عبدالعزيز ابتسم وقال : سلمت ياعمي
ابو خلف : ولا تخاف بنيات ماعندي غير وحده وام خلف بحسبه امك والملحق هذا قريب من الباب و جمب الحمامات ( يكرم القارئ ) واعتبرها غرفتك ولا تقول بثقل ما بثقل
عبدالعزيز: بسس ياعمي انا يمكن اطول
ابو خلف: لو تقعد عندي عشرين سنه تسمع انت عشرين ماعندك الا حلالك ابوك افضاله علينا ما نوفيها
عبدالعزيز: الفضل لله ياعمي
ابو خلف: ونعم بالله عاد اتركم
مجيد: والله لا الف فيك الشرقيه لف
عبدالعزيز: اهخخ بس ويني و وينك
مجيد : تعبان تريح؟ الليله نروح مخيم العيال
عبدالعزيز هز راسه وقال: زين
ابتسم مجيد وقال: بجيب فراشك
دخل مجيد بيتهم وقال : يمه
ام خلف: هلا يمه
مجيد: علمتس ابوي عن خويي
ام خلف: ايه مير خذ خله ياكل لقمتين دامه جاي من الرياض وكاد تعبان
مجيد: تبي مفرش له
ام خلف: وجوده يا وجود
وجدان: سميييي
ام خلف : عطي مجودي مفرش الضيوف
وجدان باستغراب: من عندنا
مجيد : خويي وتراه بينام بالمحلق والظاهربيطول عندنا يعني لاجيتي تطلعين الحوش عطيني خبر
وجدان باستغراب: وش يبي
مجيد : بدون هرج زايد
وجدان: طيب ترا بنروح بيت جده نوره وش بتسوي بخويك
مجيد : بسحب عليكم وبروح معه
وجدان: شكلك ناسي انه عيد !
مجيد: وشكلك ناسيه انه خويي
ام خلف: بسكم من السوالف جوجو يا امي روحي جيبي الفراش الوليد ضعيف تلقينه تعبان وبعدين يا مجود الاكل بيبرد
مجيد: سمي هذاني بوديه
_______________________________________
الساعه 5:15
دخل عقاب بيته وداهمته ريحه القهوه و العود و نظافه البيت اللي يفتح النفس التفت وشاف فارس وريان يلبعون كوره
ريان وفارس تقدموا لابوهم وسلموا عليه وباسوا راسه
ريان: بابا العب معنا
فارس: ما تشوف ابوي توه جاي! ترا بتهاوشك ماما
ابتسم عقاب وقال: شوي يابوي هالحين انا تعبان
مها : فروسي انت ورياني تعالوا تقهووا معي مخليني لحالي
ابتسم عقاب وقالهم : بكلم امكم بموضوع لحد يجي
فارس: على خشمي
دخل عقاب على مها
مها باستغراب: متى رجعت
ابتسم عقاب وجلس قدامها وقال: هالحين وراسي مصدع صبيلي فهوه
مها صبت له وصدت وسكتت
عقاب: طلقت منيره
مها ضحكت وقالت: ايوه؟
عقاب: بس و رجعتها مع اخوها بس قبل تطلع ضربتها ضرب بحيااتي ما ضربت كذا
مها: وبعدها تتزوج ثانيه
عقاب: لا بالله انا مالي غنى عنتس
تقدم عقاب وجلس جمبها ومسك يدينها بس صدمه كلام مها اللي ما توقعه
بعت عنه وقالت :
يكفيني اني مالحقتك بنقصان
وحتى الخطا منك قبلت وعذرته
وعلى كثر ما صابني منك خذلان
الا ان قلبك بالجفا ما كسرته
حاولت اداري خاطرك قدر الامكان
يا للاسف طيبي جحدته ونكرته
رح والدروب وساع والطيب ومعان
ولا تلتقت لـ قلبي اللي دمرته

ابيات مها كانت قوييه قويه ومليانه بالعتاب و شعور القهر اللي تحس فيه كانت تقصد على كثر ما غلط تعذره وعلى كثر ما جفاها ولا عطاها من حقوقها شي ما كسرت قلبه و حاولت تداريه بقد ما تقدر بس ما بين بعينه و وختمتها بـ رح ولا تلتفت لقلبي اللي دمرته

عقاب تجمعت الدموع بعيونه وهو نادم وقال : وش يعني ؟ وش افهم من كلامتس
مها بلعت ريقها و الدموع تجمعت بعيونه قالت: طلقني
عقاب: لاا لاا ما اطلقتس يا مها انا بدونتس اضيع
مها: منت بضايع ما ضعت يوم اخترت بعدي
عقاب: مهاا وعيالنا؟؟
مها : صبرت علشان عيالنا كثير كثييير صبرت تبقى انت نفس ما انت اكبر اهدافك تكسر قلبي
عقاب صد بقهر وهو يدري بيطلقها غصب عليه و اخوانها ما يرفضون لها طلب
_________________________________
نياف: فهد عطنا قصيده
فهد : لازم
نايف: اي لاازم
نياف : اكيد لازم
محمد : اي ياخوي غرد غرد دامنا فاضين
فهد : وش تبون اقول طيب
حمد : اللي عندك عطناه
فهد حط يده على دقنه و يفكر
نوف: السلام عليكم
ردوا السلام كلهم
مي: بنقعد كلنا سوا نبي نسولف
اريام بدلع: وي فهد من تهوجس به حظها والله
فهد عطاها نص ابتسامه وصد
ترف: معروفه
فهد: اعقبي مو اللي فبالتس
ترفه: وراك تهوجس
فهد: علشان اعطي ذولي قصيده
قمر: نسمعك قل قل
فهد : يقول فهدد يقول فهد
حمد : اخذص
فهد:
على بنت ريح من بنات الظبا تختال
تجلت انتاج الشقب واختٍ. لفادي
ما تحتاج لا طال المسا والمدى خيال
تدل الطريق بدون مرسول و منادي
عليها سلام وحر شوق وغلا وجلال
متى ما بغت تطوي الثرا صوبهم عادي
يا داري وش اللي يقال واللي ما يقال
عليك الهجوس يداحم السيل لي الوادي
ذكرتك وانا مابين سجه وراحه بال
وانا الشوق لو يلوي يديني انا البادي
اللكل بحماس : الله الله ، صحح لسانك، عاش شاعرنا
ترف: يوووه ياحظها باخوي
فهد : ترف !
ترف : سم سم