بلاي حبيت نجديه

البارت29

راحوا للمستشفى صالح وحمد و محمد مع فهد ورجعوا اخر الليل وناموا
الصباح الساعه 6:30
فهد لبس بدلته وطلع
ام فهد : وين رايح انت
فهد: الجواب بدلتي
ام فهد: مافيه روحه جرحك طري للحين
فهد: رايح و ذباح ان شاءالله
ام فهد: يمه فهد لا تزيد همي هم
فهد: بشوف وينهو حمد يا يمه
راح فهد لدوامه ونادى سلمان
سلمان: ابشرك قالوا لنا عن مكان حمد وارسلت العسكر يجيبونه
فهد : كفو
سلمان: كيف جرحك؟
فهد: بسيطه يا رجال
سلمان : استاذنك
فهد : اذنك معك
طلع سلمان وطق الباب حامد وهو منزل راسه ودق التحيه
فهد : استرح
حامد: يا طويل العمر ادري انه تقصيرمني لاكن والله وبالله وتالله مدري كيف دخل بالسكين وانا مفتشهم زين تكفى سامحني وانا نابي اخسر وظيفتي
فهد: اللي سويته كايد يا حاند لاكن معذور
حامد ببتسامه: الله يسعدك ويطول بعمرك
فهد : امين بعدين انت ذراعي اليمين افا عليك
حامد : ابشر بي
طق عسكري الباب ومعه حمد راسه لافين عليه شاش و ما يده مكسوره
فهد : حمممد
وقرب وحضنه
حمد نزلت دموعه وحس فيها فهد قال : تقدرون تطلعون خلونا شي
العسكري وحامد دقوا التحيه وفهد رد عليهم بـ استرح يا عسكري وطلعوا
فهد: افا ياخوك افا علمني بكل شي بالحرف الواحد
حمد: ماخفت على نفسي كثر خوفي ياذونك عيال الكلب
فهد: جعلي فداك ياخوي وسندي وظهري
حمد: الله يخليك لي
فهد : هم بياخذون حقهم وانت تعال امي ما رقدت الليل
حمد هد راسه وطلعوا
فهد قبل يطلع نادى سلمان وقال : سلمان ابيك ترفع عليهن قضيه بـ اعتداء على لواء في المركز و تلفت و الاعتداء على حمد بن تركي وبكسر يده و اصابه براسه والتقلرير بتجيك
سلمان: ابشربي
طلعوا وتوجهوا للبيت
اهل ابو صالح و بنات ابو سيف كانوا فبيت ابو فهد
ام صالح: باذن الله هالحين تلقينه داخلن علينا مابه شي
نجد : اي يا خاله تكفين هدي مو زين عليتس
دخل فهد ومعه حمدً
ام فهد على طول قامت وهي تحضن حمد بقوه : يمه ورعي بسم الله علييك يمه بسم الله عليك يمه انت بخير بك شي؟
حمد باس راس امه وقال: لا يمه مافيني شي خفيفه خفيفه
ابو فهد دخل البيت وشاف حمد و قرب منه وحضنه بقوه ابو فعد يمثل القوه والعصبيه على عياله وهو مافيه احن من قلبه
نجد : فهد رحت المستشفى علشان يغيرون الشاش
فهد : لا مايحتاج
نجد بحده : وشهو اللي مايحتاج تستهبل
فهد : خلاص ابشري شوي
ريما : الحمدلله على سلامتكم فهد و حمد
ساره: اي والله خفنا عليكم
ام صالح : اخر الاوجاع
فهد و حمد : الله يسلمكم من الشر ، اللهم امين
نجد : ياعمي
ابو فهد وابو صالح لفوا لنجد
فهد : اختاري ابوي ولا عمي ناصر
نجد : كلهم
حمد : مو بكيفتس كلهم
ابو فهد : اقطع مالك دخل
صالح: ابوك يا الدلع
ابو صالح : وانت الحقه واسكت
ام صالح : ايه عاد ذي نجد اخر عنقودنا كلنا
نجد : يابعد عيني ياخاله
حمد : احسدتس يا نجد لو اني اخر عنقود اهلي وااهل عمي ابو فهد وعمي ابو سيف يمديهم دلعوني نفستس
ام صالح: وانا منقصتن عليك دلع
صالح: انت اكثر واحد مدلعينه منهو صغير
ابو فهد: سمي يا نجد
نجد : سم الله عدوك مير ابوي ما قال لكم كم يوم ويجي
ابو فهد : افا شكلتس طفشتي منا
نجد : لا والله بس مستغربه من روحتهم
حمد بعباطه : حاصل لتس ترقدين عندنا
نجد : من زينك مو علشانك علشان خالتي
حمد : شف شف بسكت علشانتس بتجيبين سميي بعد كم شهر
ابو فهد : افا يانجد تسمين عليه وانا لا
فهد : تعقب ياحمد ماني بمسمي عليك
ام فهد : نجد اختفت عينتوها
الكل ضحك على هدوء نجد
ابو صالح : عاد انا والعيال رايحين
ابو فهد : وين
ابو صالح : راجعين بعد صلاه العشاء عندكم ودي بسمره بحوشك والكل يجي محد يتعذر
ابو فهد : على خشمي
راحوا اهل ابو صالح و معهم ريما وساره
ابو فهد : باذن الله لا جاء اخيي ابو سيف بسوي عشاء لسلامه حمد
فهد : شرايك يبه نخليها بمخيم
نجد : اي والله من زمان عن المخيمات
ام فهد : اجل يا تركي خلها مكشات ( كشته لكل اهل الديره
ابو فهد ابتسم وناظر ام فهد : ودتس بمكشات
ام فهد : اي بالله ودي
ابو فهد اشر على خشمه وقال : على هالخشم
حمد صفق بقوه وقال : اححلللىى
فهد : حب وحركات ما عرفتك
ام فهد : ها شفهم
ابو فهد : تبين اجلدهم؟
ام فهد : لا لا حوام عييلي
____________________________
بالرياض تحديداً المستشفى
الدكتور : كل شي عنده سليم الحمدلله واذا صحى لازم تبلغونا
سيف: ابشر يا الزميل ومشكور
الدكتور: ولو يا دكتور سيف ولدك ولدي
سيف : اكيد ولا فيها كلام
طلع الدكتور وام سيف جلست عند راس عبود وكانت تقرا عليه
وبعد ساعتين على هالحال فتح عيونه عبود بخفه وقال بصوت خفيف : ماما
العنود : عبود تكلم !!
سيف قرب منه وقال : عبود بابا
فتح عيونه عبود وسكت
سييف: عبود تعرفني انا مين؟
عبود : اي بابا
العنود بفرحه حضنت عبود بقوووه
وام سيف  نزلت دموعها من الفرح
اما سيف سجد لله شكر
وابو سالم معه
اما ام سالم رفعت صوت الزغاريط و التحميدات
ابو سيف يحمد ربه
سيف بفرحه : عببوودد ياعيون ابوك وش تحس فيه
عبود : انا بخيير بس ليه ما قومتوني علشان يمه مها ويمه شيخه و يبه فيصل ويبه عبدالله جايين عندنا
سيف بفرحه وابتسامه شافه وجهه ودموع الفرح بعيونه قال : ياااا بعد عمر ابوك انت
العنود : سيف ناد الدكتور
عبود: بابا دكتور ما يحتاج
ابو سيف: يارب احمدك ولا اجحدك
ام سالم من بين دموعها : عبدالله يمك وش تحس فيه
ام سيف: عبود تروح معي الديره
قطع عليهم صوت الدكتور
الدكتور: ماشاءالله تبارك الرحمن البطل عبدالله صحى
عبود عقد حواجبه وقال : انا الشيخ عبدالله مثل بابا و يبه عبدالله
الدكتور: ونعم دامك من عيال ال قايد اكيد الشيخه ماهي الا لكم
ابو سيف بفرحه : بشر يا دكتور
الدكتور : الثلاث المهمه نبض القلب و الذاكره و الاعصاب
ابو سالم : وعساها بخير
الدكتور : الذاكره الحمدلله هذا هو يتذكر كل شي و الاعصاب بخير
العنود بخوف : ونبض القلب !
الدكتور: عيب والله تساليني و الدكتور سيف موجود واهو اشطر اللي بالمستشفى كلهم ومد التخطيط لسيف
سيف : ياخوي اشوف قلوب البشر كلهم وتخطيطات قلوبهم الا ولدي
الدكتور: هههههههههه ابشرك كل شي على ما تحب
عبود: متى نطلع
الدكتور: اذا ودك يا الشيخ عبدالله القايد تطلع الحين ابشر
عبود بابتسامة: ايه ابي اطلع
سيف: تكتب له خروج؟
الدكتور: ايه و ترا مدير المستشفى يرسل تحميداته لك ويقول قل لسيف له اجازه شهرين
سيف : يا يعد عيني يا حاتم وصل له سلامي
الدكتور: يوصل
آبو سالم : مشكور يا دكتور
ابو سيف : مشينا لديره كلنا
___________________\\__________
بعد يومين بدون اي احداث مهمه الا ان ( اهل ابو سيف رجعوا لبيتهم و بيسون مكشات لاهل الديره بمناسبه سلامه فهد وحمد و عبود)
الظهر الساعه 11:50 تاريخ  22/8 
ابو سيف: وش قلت لرجاجيل
سلطان : يبه تعب وانا اعيد !
ابو سيف : من رحت سكنت بالشرقيه وانت خربت
ترفه : وانت الصادق ياخوي حتى بنيتي من راحت الشرقيه وهي متغيره
سلطان: لاا لا لالا ترا ما ارضى على زوجتي قبل وكنت استحي منكم هالحين لا وستين لا
ابو سيف بمزح ضرب سلطان بعصاته
سلطان: ابك علامك علي يا القايد
ام سيف : سلطاااننن جهزت الذبيحه؟
سلطان: ياويل سلطان ويلاه يمه ما تعرفين سيفوه وعزيز ؟
عبدالعزيز: صمها ترا مو ماكلها غيري وانتم مو فيه
سلطان: تراي محترمك مابي امسح وجهك هنا
سيف: تراكم ازعاج ، الا يبه متى المكشات
ابو سيف : باتسر الساعه 12
سلطان : مير تراه برد جهزوا فراويكم
ام سيف : اي بالله برد يا العنود اخدي لعبود ملابس واجد
العنود : ابشري
الجوهره : يا خالتي اقعدي تعبتي نفستس
ام سيف : خوفي ننسى لنا شي باتسر
ابو سيف : باذن الله ما ننسى شي مير تعالي تقهوي طعم القهوه بدونتس شينه
سيف : اقعد
سلطان: يالبى
ترفه : احرجتوا اخيي
نجد : السلام عليييكم
الكل : وعليكم السلام
ابو سيف : نجد كل ذا زعل
سلطان: علامها اخت سلطان من مزعلها !
نجد : اييه ياخوي رحت وانا اللي اكلتها
سلطان: اعقبب وهذا بس شهر وصار كل ذا واحد متزوج و وثلاثه تعبوا ولا فوق ذا كله تزعلون نجد اخت سلطان!
نجد : سيفوه وعزوزوه قايمين ضدي تخييلل و سوير محتميه بسيف و ريموه محتميه بعزوز وانا ضعيفتن مالي احد
سلطان: ابشري بي والله لدق خشومهم دق
نجد : بعدي
ابو سيف: افا وانا وين رحت
نجد : ولو انك غالي علي يابوي بس مابي اسكت عن الحق تراني زعلانه عليك
ابو سيف : افاا
نجد : تذكز يا الوالد قبل تمشي الرياض شقلت لي حتى انتبهي لنفتس نفس سوير وريموه ما قلت لي اني داريه ماني بنتك
ابو سيف: دام فيها ماني بنتك السالفه كايده
ام سيف : بس يا بنت عيب
ابو سيف خليهاا خليها تعالي يانجد تعالي في ذرى ابوتس
فتح يدينه ابو سبف وجت جمبه وحضنها
ترفه : متى بيجي حمدان؟
ابو سيف : حمدان متى جانا اصلاً
ريما : جدتي لو ما ارضعته صار مو اخوكم تخيلوا بس اف يا الحماس
عبدالعزيز : معليش يبه بس احس ما عندي عم الا عمي ناصر
ابو سيف : عمك ناصر ماهو بس اخوي صارلي حتى الابو
سيف : تعلموا تعلموا بكره قولوا لعيالكم كذا اني ونعم الاخو
سلطان: من زينك عاد
ريما : شدعوه العنود يعني علشان حملتي ماعاد تسوين حلاتس ترا مشتهينه
العنود: الله لا يوريك النفسيه من غير وتبيني اسوي حلى
نجد : ياروحي إنتي ماعليتس فيها
ابو سيف : ابك سميي وين
سيف: سميك مع عيال الحاره برا
ابو سيف : استودعته ربي ، التقت على ام سيف وقال : تعالي ابيتس بموضوع
عبدالعريز بمزح: عادي اجي؟
ابو سيف : لا
عبدالعزيز: شدعوه يبه
ام سيف طقت يده وقالت : عن اللقافه
____________
بالغرفه
ابو سيف : تعالي يابعد هالدنيا
ام سيف: يالبى عينك سم؟
ابو سيف: شبلاتس منتي على بعضتس
ام سيف: ابد شايلتن هم ساره
ابو سيف: كلمتيها ترجع لصالح ولا ما تبيه
ام سيف: عنده بالبيت مير ما يجيها ولا تجيه حتى صالح ما ينام بغرفتها
ابو سيف رفع راس ام سيف وقال : شيخت عبدالله ما تنزل راسها
ام سيف : انت شبلاك وجهك متغير
ابو سيف: صخونه صخونه
مدت يدها ام سيف لجبهته وقالت : منت بحار مير حلقك يوجعك
ابو سيف: دام يدتس جت على راسي ما فيني الا الخير
ام سيف: يا جعلني ما انحرم منك
ابو سيف: ولا منتس
ناظرها وابتسم
ام سيف: ههههههه شبلاك اليوم بسم الله عليك
ابو سيف : ابد تذكرت اليوم اللي تونا معاريس وهالحين اشوف احفادنا
ام سيف: جعل ربي يمد بعمرنا و نشوف هالاحفاد متزوجين
ابو سيف: يالله ذا اليوم بس عاد يمكن يصير لحفادنا جده ثانيه
( يقصد يتزوج)
ام سيف: علشان ينذبح جدهم
ابو سيف: هههههههههه وهو قادر جدهم ؟ ، ها المهم جايبن لتس شي
ام سيف: وشهو
طلع ابو سيف من جيبه علبه فيها غوايش سته
ابو سيف: ما تزهى الا بيمناتس
ام سيف بفرح : تتهبلل يا عبدالله تهبل
ابو سيف: توها جايه من الهند وحلفت ما تطب المحل الا لابستن ست نفسها وتصيرين اول من لبس نفس التصميم الجديد بالعالم كله
ام سيف: يووه يا عبدالله وش بقيت من الحب وشلون اوفيك حقك مير الله يحفظك لي ويجعلك ذخر
ابو سيف: اعجبتس؟
ام سيف : تهبل ، وضحكت وقالت ، تعيش وتجيب
ابو سيف: ابشري بي
قطع عليهم صوت عبدالعزيز وهو يطق الباب : يممممهه
ابو سيف: ولدتس ذا ابجلده