بلاي حبيت نجديه

43

قطع عليهم صوت عقاب: فااارس تعال
مها: قلت لك روحه ماهو رايح
عقاب: ولدي وابيه يحضر عرسي
ام سيف: بعقلك انت و الولد وش يسوي معك ان شاءالله؟ و لا رحت مع زوجتك وين تخليه
عقاب: عند اهلها لين نرجع
مها بحده : تخسيي ولدي ما تخليه عند ناس ما يخافون ربهم
عقاب :لا تغلطين يا مها ولا ناسيه ان هاللي ما يخافون ربهم زوجتي واهلها!
مها: يا رجال رح انت وزوجتك واهلها ما هميتوني مير ولدي ما تخليه عندهم
ابو سيف تنحنح وقال : انا انا ارده معي لا رجعت
ام سيف: ماله لزوم روحته
عقاب : الا لها لزوم يحضر عرس ابوه ومابها شي
ابو سيف: أبشري باللي يخليه معي يا ام فارس
مها بخوف: تكفى انتبه له ولا تغفل عينك عنه
فارس: يمه لا تخافين انا كبير
________________________________
العنود: عبود لا تزعلني منك
عبود: ماما ما ابيييي
العنود: لا تعاند مالي قدره فيك
عبود: مابي اتروش مو غصب
العنود: عبود امش ترا بعلم ابوك
العنود دخلت عبود الحمام يكرم القارى
العنود: المويه لا تفتحها بجيب ملابسك
عبود بلعب كان يلعب بالمويه وطلعت لبرا
العنود: عبوود
جت العنود مسرعه وطفت المويه وطلعت لين عند الباب وطاحت من المويه
العنود بصراخ : اااااهخخ
الجوهره جت تركض : بسم الله علييييتس
عبود بخوف : ماما
الجوهره بصراخ : ننجدد ريييماا تعالوا
العنود بالم : الجوهره مققدرر بطنيي تكفيينن
الجوهره:  نننجدددددد تعاليييي
نجد طلعت من غرفتها ركض وهي خايفه قالت : بسم الله شفييكمم
ريما : شصايرر
الجوهره: مو وقته ساعدوني
شالوا العنود وكانت تصيح وتتالم
نجد : يممه العنود وش تحسين فيه
العنود كانت تصيح وتشاهق
ريما : سلطان ويييننن وسيف
الجوهره : سلطان بمحل خالي
نجد: ريما البسي عبايتس وروحيي دوري اخواني من تحت الارض البنت بتموت
ركضت ريما وطلعت عبايتها وطلعت
ريما : عبود تعال معيي اخلص
طلعت ريما تدور اخوانها مرت من محل ابوها وشافت قاسم
ريما : يا عم قاسم
قاسم : رح يا ابراهيم ( ولده ) بنت العم ابو سيف برا
ابراهيم : امريني
ريما : اخواني ويين
ابراهيم: مدري والله ظني بالقهوه ولا عند اخوياهم
راحت ريما ومعها عبود وقفت قبل القهوه وقالت : عبود رح دور سلطان ولا سيف واركض
دخل القهوه عبود وهو يتلفت : سند حيي الله عبدالله
عبود : وين عمي سلطان وابوي
سلطان كان جالس مع اخوياه باخر القهوه
سند بصوت عالي : ياا سلطان البناخي يدورك
سلطان: هنا هنا عبود
سعد : ياا حليله عبود كبر
عبود جاء ركض وهو يلقط انفاسه
سلطان: علامك !
محسن : عطه مويه
عبود : عمه ريما عمه ريما ( وياشر بيدينه برا)
سلطان قام مسرع وقال : شفييها
محسن : تبي شي سلطان
سلطان اشر بيده بمعنا استرح
طلع سلطان بسرعه وشاف ريما واقفه
سلطان: علامتس وش جابتس هنا
ريما : الحق علينااا العنود العنود طاحت وشكل اللي فبطنها بيموت ولا لقيت سيف
سلطان: روحي البيت جايكم
دخل القهوه سلطان وقال : محسن سعد
طلعوا محسن وسعد وقالوا : خير ان شاءالله وش صاير
سلطان: الاهل تعبانين مرررره جيبيوا لي سيف دوروه تكفون
راح سلطان لبيتهم وقال بصوت عالي : يااااولللدددد
نجد: الجوهره جو
سلطان: مافيه الا انا
ريما : ادخل
سلطان: شصاير
الجوهره بخوف : طاحت العنود من مويه و لازم نوديها المستشفى
سلطان : جهزوها وتعالي معي ونجد وريما خلوكم بجهز السياره
طلع سلطان وشغل السياره
سلطان: عبود تعال اركب
جت الجوهره وساعدت العنود تركب وجت مع سلطان قدام
سلطان: ما تشوفين شر وقدامتس العافيه سهالات
عبود : ويين ابوي
سلطان: مدري عن ابوك
بعد بدقايق وصلوا للمستشفى ونزلت الجوهره وساعدت العنود تدخل
سلطان دخل للمستشفى
موظف الاستقبال : ياهلا
سلطان: ابي ...
قطع عليه الموظف : سلطان ولد ابو سيف؟
الموظف: اي وياليت ما تتاخر
الموظف : ابشر ابشر
دخلوا العنود لطوارى
_____________________________________
سعد راح للمجالس حقت ابو سيف
سيف: ارحب يا سعد اقلط
سعد راح لسيف وهمس باذنه : الاهل تعبانين وسلطان سبقك للمستشفى وقالي اعلمك
سيف بخوف طلع مسرع تنهد سعد وقال: ربي يسهلها
راح سيف المستشفى ويتلفلت وشاف عبود
سيف: عبود
____________________________
عند نادر وعبدالعزيز كانوا بمزرعته ابو سيف
نادر : يوه يا عزوز ياحليك
عبدالعزيز ابتسم وقال : ليه
نادر : ياخوي والله فاتتك الشرقيه وفله هناك و الشقه فيها انا وكم واحد من العيال و عيال الشرقيه غيير وعيال الرياض غير
عبدالعزيز: يا رجال انا الجوال الجوال ما اعترف فيه
نادر : هذا بلاك
عبدالعزيز: تصدق على ان ابوي عنده جوال وامي بس ما يعتزفون فيه كيف اقولك انه اذا يبي شي من سيف تطق طريق سفر بس فايده الجوال يوم سلطان سافر شهر العسل
نادر: يارجال انا ما قد شفتك تكلم فيه
عبدالعزيز: لا ما تاصل بس كل اللي ابي اكلمهم حولي مابه احد بعيد
( كانت فيه جوالات بس قبل ماياخذ الجوال الا القليل)
نادر: ما تكلم الشايب تروح الشرقيه
عبدالعزيز: خلها على ربك الشايب ما قصر ولا قالي شي بس قالي كلمه وكسرتني
نادر: انا مرتاح هناك بعد ما اهلي شدوا لشرقيه
عبدالعزيز ضحك وقال : ايه صرتوا اهل المدن وحنا عيال القريه
نادر: امحق ابوي كل ما جت اجازه ودانا الديره
عبدالعزيز وهو يمسح على رعد خيله : حاصل لك
نادر: سلطان اخوك بالشرقيه صح
عبدالعزيز: ايه بس بينقل لرياض
نادر: اوف بس لو تخاوينا
عبدالعزيز: بكلم الوالد وان على كلامه مايبيني اروح فدا راسه
نادر: غريب امسى الليل وانت للحين هنا
عبدالعزيز: أبوي مسافر
نادر: واخوانك وخواتك
عبدالعزيز: خواتي عندهم اخواني باخذ راحه الليله
نادر: وكلم سيف وقله بنسمر هنا
عبدالعزيز دق على سيف
عبدالعزيز: قايل لك اهلي ما يعترفون بالجوال
نادر ضحك وقال: قل للي يشتغل عندكم يسوي شاهي حبق مع الليل ذا ومقابل رعد
عبدالعزيز: ابشر بي، ياا كاامل يا كامل
كامل: سم ياعمي
عبدالعزيز: ماعليك امر نبي شاهي حبق خاادر
كامل : ابشر
_________________________________
الدكتور: سيف ؟
سيف: سم
الدكتور: تفضل معي المكتب
سيف: زوجتي فيها شي؟
الدكتور : لا الحمدلله بس تعال
دخل المكتب سيف والدكتور
الدكتور: الحمدلله على سلامه زوجتك اولاً ثانياً للاسف الجنين مات فبطن زرجتك
سيف بلع ريقه و الدموع تجمعت بعيونه وقال : الحمدلله على كل حال
الدكتور: كان بيصير لك بنت بس صارت شفيعه لك بيوم القيامه ان شاءالله
ابتسم سيف وقال : الله يرحمها
الدكتور: حاله زوجتك ابداً ما تسر بعد ما قلنا لها بي تبكي ياليت تهديها
سيف: ابشر
دخل سيف عند العنود وهو مبتسم وقال : الحمدلله على السلامه
العنود نزلت دموعها زياده
سيف: لييه ليه افا يا قلب سيف انتي قولي الحمدلله على كل حال وباذن الله تشفع لنا يوم القيامه افا عليتس بس
العنود وهي تشاهق : كاان بيصير عندنا بنت
سيف: تونا فبدايه عمرنا يا روح سيف بتجيبين بنت وبنتين وثلاث واربع قدامنا العمر يا قلبه وحرام اللي تسوينه قولي الحمدلله على كل حال
العنود حضنت سيف وقامت تصيح زود
سيف: عاد لو انها فيه فيه ترا نا اضمك كذا
العنود باستغراب : ليه ؟
سيف: بنت ابوها بتصير داايم بحضني ولا تخليتس قريبه مني
أبتسم العنود وضحكت بخفه
سيف: يا جعب الضحكه دوم مو يوم
العنود: وتدوم لي
______________
عند الجوهره و سلطان