بلاي حبيت نجديه

50

الجوهره : ان شاءالله هالسنه معك وميه سنه
سلطان باس راسها وقال : امين يارب
طق الباب
سلطان استغرب وقال : مين؟
ريما : انا ريما عادي ادخل
سلطان عدل جلسته وقال : ادخلي
ريما : سلطان امي تبيك و الجوهره بنروح انا وامي ونجد للعنود تجين معنا؟
الجوهره ناظرت سلطان وقالت : ودي اروحلها
سلطان : ان كان ودتس بالروحه روحي
الجوهره: ايه ريما بروح معكم بس متى؟
ريما : هالحين بنسوي القهوه والشاهي والحلى ونروح لها
الجوهره: بجي اساعدكم
سلطان: بقوم اشوف امي وش تبي الجوهره بالله جهزي لي ثوب ببدل ثوبي ذا
الجوهره: ابشر
طلع سلطان لامه وقال : سمي يا اميمتي
ام سيف: سم الله عدوينك رح لابوك قل امي تقول بعد صلاه العصر تعال البيت
سلطان اشر على خشمه
ام سيف: عليه الشحم ، يا بنات جهزتوا القهوه؟
نجد : اييه يممه
ريما : باقي نلبس
سلطان: اههخخ احس اني تعباااننن
ام سيف: بسم الله عليك يمه من وشو
سلطان وهو ماسك راسه : مدري احس اشغال فوق بعض
الجوهره: جهزت ثوبك
سلطان: زين
ام سيف: وش شايل همه
سلطان: زواج نجد ودوامي الا اول يوم دوام من بكرته عرس نجد و ومديري النشبه و القضايا اللي تشيب الراس والله عقلي ماعاد يجمع
ريما: ليه ما تفتح مكتب ليه تبع شركه
سلطان: اضمن لي قضايا وراتبي ماشي ماشي مو نفس المكتب وان كسب قضايا فيه اضافات وبعدين اضمن لي مكتب وراتب مضمون بالرياض
ام سيف: الصبر زين
سلطان: الخير واجد لو ما اتوظف عندي اللي يعشي و يعيش احفادي و احفاد أحفادي بس زياده الخير خيرين
ام سيف: امين يارب
نجد: خلصت
سلطان: اوصلكم؟
ام سيف: خاونا بالدرب مشي
سلطان: زين انتظركم برا
________________________
سيف: شخبارتس اليوم ؟
العنود: الحمدلله بخير اللهم لك الحمد
سيف: ياجعله دوم يارب وعسى عبود ما يطفشك
العنود: والله عبود طفشني الله يهديه
سيف: انا اوريتس فيه
العنود: لا تخوفه ضعيف
سيف: ما خربنا غير كلمه ضعيف المهم عندتس خبر امي وخواتي بيجون عندتس
العنود: الله يحييهم
سيف: العنود شفيتس شي؟
العنود: لا
سيف: اعرفتس انا واخبرتس!!
العنود : لا ياعيني
سيف : مصيري عارف زين؟
العنود ابتسمت وقالت ابشر
سيف: ا ما كمل كلامه الا وام سيف دخلت وقال: السلام عليكم
الكل رد السلام
سيف وقف وباس راس امه وام سيف سلمت على العنود سلام حار
ونجد و الجوهره وريما سلموا هلى العنود بشوق ولهفه
سيف: استاذنكم
ام سيف: وراك
الجوهره: حريم الديره بيجون
سيف: بجيكم شوي
ام سيف: زين مر ابوك
سيف: على خشمي
ام سيف بحنيه : شخبارتس يا العنود عساتس بخير يا امي تعبانه؟
العنود : يابعد قلبي يا عمه الحمدلله بخير وصحه ومافيني شي
ام سيف: جعله دوم يارب وترا حقتس بيجيتس وعمتس ابو سيف بيذبح واجبتس
العنود: ماله داعي والله
نجد : لا يسمعتس ابوي
الجوهره: والله يا العنود اشتقت لتس مررره بالبيت فقدناتس
العنود: ما تفقدون غالي
ام سالم: يالله انك تحييهم
ام سيف: الله يبقيك البنات وينهم
ام سالم: رايحات بيت اختي
ام سيف: عاد كنت ابي اسلم عليهم
ام سالم: تلحقين عليهم ان شاءالله شوي ويجون
بعدها بساعه امتلى المجلس بحريم الديره وصوت السوالف
ام محسن: ام فهد وينهي
ام سيف: راحت حايل
ام مجيد: شايفه فهد انا
ساره: ايه فهد دوامه هنا
جميله ( اخت ابو سيف من الرضاعة) : شدي حيلتس يا العنود ترا سيف ماهو صابر كذا بكره يتزوج عليتيس ولا احد يلومه ، يا اختي صدق انتس تعبانه ؟
العنود بحده: ليه وش فيني يوم اني تعبانه !
ام سيف: وش هالكلام يا جميله
جميله: والله يا شيخه لا جاتس ولد اخيي ضعيف ماعنده غير وليد واحد وكبير عمره سبع مدري ثمان و وحرمته ما تحمل الا بالسنين و اللي حملته سقطته راح عمره وهو عنده واحد وقالتس انا بعرس تردينه؟
ام سيف بحده: ايه برده
جميله : يحق له لا تزوج وانا سمعت بيتزوج
ام سيف: ياكثر ما يقولون هالناس
العنود صدت بقهر وهي تدري ان المشكله مو فيها

نرجع قبل خمس سنوات وعمر عبود سنتين سيف صار له حادث وتضرر كثير وقاله الدكتور ان فيه احتماليه ما يصير يجيب عيال بالاساس الا اذا سوا العمليه و العمليه يبيلها وقت وصبر بعدها على ما تنجح و ممكن تنعاد اكثر من ثلاث مرات و ماكان يعرف بهالموضوع الا سيف والعنود
قبل ٥ سنوات تحديداً الرياض
سيف ودموعه تنزل: يا العنود انتي تدرين بغلاتس عندي ان كانتس ماتبين تكملين معي و ومنتي مستعده تصبرين علشاني لان يمكن حتي ما يصير
لي عيال تضيعين عمرتس معي ؟
العنود : سيف وش هالكلام ليه تقول كذا انا مستعده اكون معك لو ما عندي ولا ورع وبعدين قول الحمدلله عندنا عبود لو ما عندنا ولا واحد كيف بيكون حالنا؟ ووبعدين يمكن ربي ييسر عمليتك و تصير بخير و نجيب مو واحد ولا ثنين وان ربي ما كتب عندنا عبود نربيه احسن تربيه وماراح يصير غير اللي ربي كاتبه وبعدين تتوقعها مني انا اخليك؟ انا ما اتخيل اني مع واحد غيرك لاني احبكك
سيف بقهر حط راسه بحضن العنود وقام يبكي
وبعدها اخذ من عمره ثلاث سنين وهو يسوي من العمليات لين العمليه الثلاثه و قاله الدكتور ان نسبه حملها باول سنه قليله وهو يمكن ما يكون قادر يجيب كثير وصح كلام الدكتىر بعدها بسنه حملت العنود بالبنت اللي قبل فتره سقطتها
نرجع لبيت ام سالم
ام سالم: جميله خليتس من هالكلام اللي ماله داعي
ام سيف: لا ما يحق له بعدين سيف ولدي ما يسويها
جميله : ماقلت شي هو !
اما العنود حست بقهر بقلبها وكل يشوف الغلط منها وهي ودها تصيح وماسكه دموعها
مر اليوم بسلام ونهايت الساعه 11:30 فبيت ابو سيف
نجد وريما وسيف كانوا بالحوش لحالهم
نجد : اقول سيف
سيف: لبيه
نجد : صدق بتتزوج؟
ريما : سيف حرام اللي بتسويه ترا العنود مالها دخل كل شي بيد ربي !
سيف: بسم الله وش اللي بتزوج وش اللي حرام علي
نجد : جمليه عمتي اللي كثيره عليها اسم عمتي قالت بالمجلس اليوم قدام الحريم كلهم انك بتتزوج على العنود
ريما : وتقط عليها من الكلام وتقول انتي تعبانه !
نجد : وليته بس كذا تقول لامي ان عادي لا تزوج ماعنده غير ولد واحد وزوجته ما تحمل ! ويوم حملت سقطت
ريما : سيف ولا تحط الفكره براسك العنود مالها ذنب
سيف حس بالقهر بقلبه كل ذا الكلام انقال لها ولا قالت ان العيب مو فيها كبرت فعينه اكثر وتنهد وقال : يعني تتوقعونها مني؟
نجد : لا بس صدق اجبر بقلبها والله احسها انقهرت مررره ياقلبي هي
سيف طلع من بيتهم