بلاي حبيت نجديه

32

* احب حماسكم وتفاعلكم بالخاص✨🤍
ابو سيف : يا ذا العزوز لهالحين تشوفينه ورع؟
ام سيف : حرام عليك تراه صغير
ابو سيف : بتروحين لهم بالرمضان والعيد ما قالها ربي
ام سيف : ما يعتبر يوم عيد اروح ثالث يوم وارجع السادس
ابو سيف : وهو اقدر اردتس ؟
ام سيف : يابعد عيني ،بجي البيت واذا ما لقيت نجد وريما يتهاوشون ماكون شيخه
ابو سيف : يمكن ريما تحذف لها كلمه ونجد ما تسكت عن حقها
ام سيف : الله يسامح من قايل لها لا تسكتين عن حقتس حتى لو كلمه
ابو سيف: ههههههههه تخبرين منهو؟
ام سيف: الله يحفظه لعياله وزوجته ولا يشوف غيرها
ابو سيف ضحك بصوت عالي وقال : اميين امين
————————————————————
نجد : ريموه ترا بعلم امي
ريما : علميها ومن ورا خشمك تشيلينا
نجد : تعقبين واناا ما اشيلها وعنادن فيتس
ريما : نجدوه لا تطلعين جنوني عليتس !!!
عبدالعزيز: قبست
ريما : عزوز اسكت
العنود: شفيكم ؟؟
نجد : ابد الاخت تتخدم فيني تخسين
الجوهره : وراكم تصارخون
ريما شهقت وقالت : اناا اخسيي ما يخسي الا انتي تفهمين
سلطان: بصراخ لا اله الا الله سدي فهمتس انتي وياها
كلهم سكتوا لان سلطان اذا عصب مايشوف اللي قدامه
نجد بهمس : انبسطتي الحين هاه يا العنز ؟
ريما قبصت نجد وقالت : نعم نعم عيدي كلامك ما اسمع ماعاد فيه احترام
نجد : وجحهعع ترا بكسر يدتس
دخلت ام سيف البيت وقالت : لااا اله الا الله لعنبوا بليسكم استحوا اصواتكم لين برا
ريما : شسويي بنجد اناا تعبت يمه كل شي علي وهي متكيه تحسب نفسها ورع واللي بعمرها قايمين بالبيت
نجد: ماشفتس قايمه بالبيت
ريما : باللي عليتس منهو اللي شايل البيت اجل لايكوه انتي وانا مو داريه !
ابو سيف : افا بنات عبدالله يتهاوشون
سلطان طلع من الحمام ( يكرم القارئ ) وقال  بحده: اقسم بجلاله الله لو ما تلفين السالفه انتي وهي لا اوريكم ان ربي حقق والله والله وانتم تعرفوني
ابو سيف : شبلاك
سلطان: راسي انفجر من بناتك
الجوهره بهمس : شدعوه سلطان ما تسوى هد !
ابو سيف : العلم ويش
ريما : اابدد الست نجد تبي تخلي كل شي علي واغراض المكشات كلللها تطيح على ريما وهي متكتفه وتناظر
نجد : عللى كيفتس متكتفه ومن مقطع الذبيحه كامله حقت رمضان؟؟ ومين مسوي حشوه السمبوسه
ابو سيف : هههههه الله يصلحكم توليهم يا شيخه دخل ابو سيف و العيال معه للمجلس
ام سيف بعصبيه : بسس انتي وياها نطلع انا وابوتس ونرجع مسوين مشكله هذا كبركم واصواتكم برا اللي كبركم معهم وراعين
نجد : هي اللي...
ام سيف: بس بس ! امشي انتي وياها قدامي
ريما : يممه هييي
ام سيف : اص وقص امشي انتي وياها
الجوهره: هدي يا خالتي ما تسوى
ام سيف: انا اوريهم الظاهر اني ما ربيت
نزلت عبايتها و برقعها وطرحتها وعطتها الجوهره و لفت للبنات وقالت : قدامي انتي وياها مافيه روحه للمكشات الا ومخلصين لف سمبوسه
نجد : يمممه انا مسويه
ام سيف : لااا اسمع حستس انتي
راحت ام سيف للمجلس تدور ( السيف الاحمر عصاتها اللي ما تطلع الا اذا عصبت ومعروف مكانها بالمجلس ربت العيال والبنات فيها🤣)
عبدالعزيز: افا وراتس معصبه
ام سيف : اسكت عني
عبدالعزيز: سمي
ورا الباب مكان العصا السيف الاحمر😂
ابو سيف : لا لا يا شيخه انا طالبتس الا بناتي
ام سيف: خلك عند ذولي انا اتولى امرهم الظاهر اني ما ربيتهم
نجد وريما من شافوا امهم معصبه وفوق راسهم ومعهم السيف الاحمر سكتوا
ويناطرون فبعض وماسكين الضحكه ( مهما تهاوشوا بعد دقيقه ينسون)
عبدالعزيز جاهم يركض وقال : يمممههه
ام سيف : سد فمك
عبدالعزيز: ابشري
طق الباب صالح ومعه جود
عبدالعزيز: جاك جاك
فتح الباب و قال : حي الله صويلح
صالح: الله يبقيك ، بنتاخيك صجتنا تبي خوالها
عبدالعزيز: لبى البنتاخي تحب خوالها ، تعال تقهوى
صالح : الوعد بكره نبي قهوتك
عبدالعزيز: ابشر . ترقد عندنا؟
صالح : لا بجيها الليله
عبدالعزيز: تم
ركضت جود لداخل و تنادي بصوت عالي : يمممه شييخه
ام سيف : هلا هلا بقلب جدتها
نجد : يمه روقتي
ام سيف : اسكتي عني
ريما : علامتس
ام سيف : الحقيها انتي
العنود بضحكه : تعالي يا هنا الجوهره مسويه قهوه نتقهوى
نجد : العنود شعندي صايره زوجه الاخو !
العنود : خوفي يشملني السيف الاحمر
ريما : هههههههههههههه
ام سيف: و وجع
ريما: سمييي
ام سيف : حي الله جود
جود: ويين خالي سلطان وخالي سيف وعزوز ويبه عبدالله
ام سيف: روحي للمجلس ناديهم قولي يمه شيخه تبيكم
جود : على خشمي
ام سيف: عليه الشحم يا الشيخه
راحت جود تركض للمجلس ودخلت وقال بصراخ : السلااام عليييكمم
العيال كلهم صارخوا ومعهم ابو سيف كلهم. بصوت واحد : ارحببييييي
وكلهم يصارخون ويصفقون لجود
جود : ماما شيخه تقول تعالوا برا
ابو سيف: جايين مير تعالي تعالي عطيني اطلقققق بووسه
جت جود وهي تبوس ابو سيف شالها ابو سيف و طلعوا برا
سلطان: يمه اتكلم ولا تسكتيني نفس عبدالعزيز ؟
ام سيف ضحكت وصدت
ابو سيف : تكلم يابوك
سلطان: باذن الله اول اسبوع من رمضان بنصومه هنا انا والجوهره بعدها بنروح الشرقيه لييين يقولون باتسر العشر الاواخر ونجيكم
ابو سيف : ورا ما تصومه هنا كله وانت قايل لكم ما يجي رمضان ولا عيد الا كلكم هنا
سلطان: يا يبه مديري شايب و مسقعد ذاك اليوم تاخرت دقيقه والله يا يبه جيت 7:01 قالي وقف تاخير ! وخصم من الراتب لمده شهرين ! وراه وش انا بغيت اخربها و اتهاوش معه وتذكرت كلام سيف و بلعتها ولا قسم بالله الجنون تنطط قدامي
ابو سيف : مابعد شفت شي يابوك مير تصبر الدنيا ما تنوخذ بالهواش بعلم زين
سلطان: والله كلمته الصدق قلت يا ابن الناس انا ما تاخرت غير دقيقه تعرف زحمه وما زحمه قالي معليش ما عندي وقت لنقاش ويوم قالها ودي اسدحه بالمستشفى من الضرب
ام سيف : لا يا يمه مهما كان تقول شايب تحترمه
عبدالعزيز: ما ذبحنا غير الاحترام
العنود : عاد هذا لا اسلوب ولا تعامل
سيف : يا صبرك ياخوي عليه
الجوهره: بس لازم يصبر لين ينقل الرياض وخلاص
سلطان: مو مصبرني الا نقل الرياض ولا ليه ساكت
نجد تتادي من المطبخ: يممممههه تكفين تعبت
الجوهره: يا خالتي اسمحيلهم
ام سيف: ماعليتس منها
ريما : يممه نجد تكلمتس
عبدالعزيز: احسسننن
ابو سيف : ههههه لاحقهم انت بكره
عبدالعزيز: افا يبه عندك ذيبان سيف و عندك الاسد سلطان
سلطان: وانت وشهو؟
عبدالعزيز: انا الشيخ عزوز
سيف: هامحق
الكل ضحك على سيف
عبدالعزيز: ارجع اعيد واقول سبوني لين اتزوج
سلطان: ارجع اقول لين تتزوج يغير الاحوال ربك
ام سيف: 15 رمضان بروح لخوالكم
العنود: اشتقت لبيت جدتي
ام سيف : اي والله ايام بيت امي يذكرني في بيتنا
سلطان: تبين اوديتس انا؟
سيف : لا لا انا بوديها ومنها اسلم على جدتي
نجد : يممه شدعوه تسولفون وحنا بالمطبخ
ام سيف: كم سويتي حبه؟
ريما : سوينا 98 حبه
ام سيف: كملي وحده ونجد وحده وتعالوا
سلطان: قرار العفو جاهم ههههههههههههه
جود : يمه
ام سيف: لبيه يامي
جود : ابي ارقد هنا
ابو سيف : ارقدي يابعد الدنيا
جود : ماما عيت
ام سيف : ولا عليتس من سوير
سيف: ولا عليتس يا البنتاخي تبين شي يصير
عبدالعزيز: من قدتس يا جوجو
ابو سيف : لا لا موضوعكم مهم واضح
ام سيف والعنود والجوهره كانوا يخططون لبكره
العنود : انا احس لحالنا ازين والله ناخذ راحتنا حتى بالسوالف
ام سيف : انا اقوله بعد
الجوهره: اي والله لايمديتس تسوين شي مو نفس لحالنا
ابو سيف: وراكم؟
ام سيف: نقول ازين كلن يجلس لحاله ماهو مع بعض ريجيلنا وحريمنا
سيف : ايه ازين لكم
سلطان : اي بالله وش الفايده مع بعض
ابو سيف : ان قعدنا مع بعضنا قعدنا سمره اخر الليل ومحنا مطولين ولا باقي اليوم وكاد كلن ولحاله
عبدالعزيز: يبه شعندي عاجبك نقعد سوا؟
ام سيف: والله مدري عنه ابوك
ابو سيف : هههههههه افاا
طلعوا نجد وريما من المطبخ
نجد : اهخخ يا التعبب صب قهوه عزوزوه راسي مصدع
عبدالعزيز ابشري بالقهوه
ريما جت جمب امها وباست راسها وقالت : شدعوه شيوخ زعلانه للحين
ام سيف: الخوات ما يتهاوشون ! الاخت تصير تحب اختها وتسوي الشغل عنها علشان ما تتعب وانتم كل وحده تحمل الثانيه شي
عبدالعزيز: صح صادقه
ام سيف: علم عمرك وانت منت طالع منها اخوانك تحترمهم وتحطهم فوق راسك عيب عليكم وانت يا سليطين و سيفوه ترانا ملاحظه من زمان كيف لاعبين بعزوز ابك اخوكم ان مت بعيد وش بتسوون فبعضكم؟ اخوك تحبه وترحمه و ما ترضى له الغلط وانتم تشوفون الاقوى اللي يسب الثاني
سيف: يمه علامتس ترانا نمزح شجاتس بسم الله
ام سيف: ان ذا مزحكم ها خلوه لكم
راحت ام سيف لغرفتها معصبه
ابو سيف: لا اشوف واحد عندي الا العنود و جود والجوهره انت وياه انقلع لامك راضها يالله
راحوا كلهم ودخلوا عند ام سيف
سيف : يممه افا عليتس بس قسم بالله ما نرضى على زعلتس بعدين لا تشوفين نتهاوش قسم بالله اني احبهم واحد واحد واخاف عليهم بس تدرين وش يقولون لك الناس الفاهمه؟
ام سيف : قل
تربع سيف و انسدح بحضه عزوز
سيف : والله يا ميميتي مهما غثوني و هاوشتهم ولا ضربتهم اني احبهم جربينا وقت الشدايد وابشري بنا
سلطان : انشهدد
نجد : ايه يمه بعدين تدرين دايم نتهاوش انا وريما وبالاخير نحب بعض
ريما : دليل كلامها يوم هاوشتينا رحنا نضحك مع بعض لو بقلوبنا على بعض شي ما ضحكنا !
سلطان: يمه عاد ترا ان ما طلعتي عبدالله حقك بيجلدنا
نجد: بيذبحنا صدق عاد هو كل شي الا شيوخه قلبه
ام سيف: حرام عليكم ابوكم ماهو كذا
عبدالعزيز: اييه حبيب القلب ما يقول كذا
ام سيف : بس عاد
سيف : تعالي معنا ترا ما تقهوينا زين
نجد : وانا تركت فنجالي ما شربته
سلطان: احسن علشان ما تخلص دلتنا
ام سيف : ههههههههههه
نجد : مره ثانيه سلطانوه مره ثانيه خلها تضحك
تم سيف: الله يهديكم
_____________________________
عند اهل ابو فهد مانت ام فهد مشغوله بتجهيز للمكشات و ابو فهد عليه نظارته وبين يدينه القلم و الاوراق قاعد يراجع حسابات محلاته و العماير اللي يبنيها اما عند تؤامنا يلعبون بالوسط كيرم بحماس واما عند بطلنا فهد النجد كان جالس ويهوجس بنجد تنهد وقال بقلبه
فهد : اهخ يا نجد حارمتني يومين منتس وكيف قوا قلبتس ، ابتسم من تذكر زولها فبيتهم وقال بقلبه : ياارب اجعلها من نصيبي ولا تحرمني منها ولا تحرق قلبي عليها واحرسها واحفظها بعينك التي لا تنام سبحانك
فهد : يبه
ابو فهد : سم يابوك
فهد : يبه شرايك نجيب الملاك ونملك انا ونجد تاخرنا بالموضوع
ابو فهد نزل القلم والنظاره ولف على فهد وقال : شتقول ؟
فهد : اقولك شرايك نملك انا ونحد تاخرنا بالموضوع
ابو فهد : ما خبرتك خفيف
فهد : ماهي سالفه خفيف بس فكر بعمي وش يقول؟ علقونا وقالوا نبي بنتك ولا صار شي
ابو فهد : صدقت ، رح قله هالحين ابوي يسلم عليك و كثير السلام و غيره انا وابوي بنجيكم باتسر الساعه 11 قبل المكشات ومعنا الشيخ ابي املك على نجد قبل نروح اذا ما عليك امر ويناسبك الوقت
فهد : ابشر
توجه فهد لبيت ابو سيف وطق الباب
سلطان: جاك جاك
فتح الباب سلطان وقال : حييي الله فهودد
وسلموا على بعض سلام حار
سلطان غمز وقال : حي الله النسيب
فهد : الله يبقيك
ابو سيف: منهو على الباب
سلطان: فهيدان ، ادخل وراك عند الباب
دخلوا نجد وريما بحكم انهم مو متغطين و ام سيف اما الجوهره و العنود متغطين طلعوا ريما وام سيف الا نجد كانت ما تبي تشوفه الا بالمكشات
فهد : السلام عليكم
ابو سيف : هلا هلا هلا بالغالي ولد الغالي تعال يمناي يا الشيخ
سيف : لا بالله عليك يا القايد
سلطان: راحت علينا من بعض ما صويلح و حمدوه و فهد شيوخ وش عاد لنا
فهد : حنا عياله مثلكم ولا ناسين
عبدالعزيز : لا ابداً
فهد مسك كف ابو سيف وشد عليها وقال : ابوي يسلم عليك كثير السلام ويقولك جايينكم باتسر الساعه 11 قبل المكشات ومعنا الشيخ ابي املك على نجد قبل نروح المكشات اذا ماعليك امر ويناسبكم الوقت
عبدالعزيز صفق بقوه وقال : اححلللى وحط عرسك مع حمد علشان بيوم واحد يفضالي البيت
ابو سيف بحده : ولد
عبدالعزيز: امزح يبه
ابو سيف : الله يسلمه اخو وعزيز وغالي ومايحتاج تستاذنون البنت بنتكم باذن الله وحياكم باتسر
فهد ابتسم وقال: باذن الله عاد انا استاذنكم
ابو فهد : تعش معنا
فهد : لا ياعمي مكثور الخير دام اشتقنا لكم بتزين سوالفنا باتسر
ابو سيف ضحك وقال ؛ باذن الله ها سلم على ابوك وعلى نفسك
فهد : الله يسلمك
طلع فهد والابتسامه شافه وجهه وقال بقلبه : اهخ يا نجد وش انا مسوي يوم تحرميني من وجهتس الزين ومن عيونتس السود ماعليه بكره اشوفتس