بلاي حبيت نجديه

البارت 30

عبدالعزيز: ادخل؟؟
ام سيف بضحكه : ادخل ادخل
عبدالعزيز: يالبى طيور الحبب
ابو سيف: وش تبي ؟
عبدالعزيز: ابي امي
ابو سيف : هذا كبرك ابي امي
ام سيف : شفيك يا امي ؟
عبدالعزيز: صح اني بصير بزر بس عاد صدق ترا سيفوه وسلطان طايحين فيني ضرب وانا سااكت علشان حريمهم حتى كتفي انخلع
ام سيف: بسم الله عليك يا يمه تعال
ابو سيف: ودي اقيل للعصر
ام سيف : غريبه علاك
ابو سيف: ماني بمطول وانتي قوميني
ام سيف : ابشر يابعد غيتي
عبدالعزيز: بسرقتس من شايبتس
ابو سيف : عزوز شصار على وظيفتك
عبدالعزيز: والله يا يبه انا افكر اجي معك بالمحل بعد ما سلطان راح توظف بالشرقيه و بعدها بينقل شغله لرياض يعني ماهو عندك ابد هالفتره ولا هو بجاينا نفس سيف كل يومين ثلاث وانا صراحه ما اقدر اخليك انت واميمتي وبكمل شغل بالمحل معك وبعدها نشوف
ابو سيف : كم سنه ونروح لرياض نسكن فيها ونصير قريبين اخوانك وانت تقدر تتوظف وينقلونك عندنا
عبدالعزيز: اي يابوي انا كذا اقول
ام سيف : ولا ودك تتزوج
عبدالعزيز: ماني متزوج الا لا توظفت ولا بعد بالرياض
ابو سيف : الله يحفظك لي ياولدي مير يا عزوز مدري علامي عليك ما اداني اردك ولا اداني بخاطرك شي وبعد ما اداني تبعد عني لهالحين احسك ابو 17 منت بكبير وابو 26 سنه
ضحك عبدالعزيز وهو يبوس راس ابوه وكتفه
ابو سيف بهمس لعبدالعزيز شف امك راحت تبكي
عبدالعزيز: افاا علامتس يمه كل ذا غيره علشان ابوي يحبني ولا يحبتس يالله ما علاه انا احبتس بداله
ابو سيف بمزح ضرب رجله بعصاته
عبدالعزيز: اهخ يعني فوق اني انا شاريها لك هديه تضربني فيه
ابو سيف : ازين
عبدالعزيز: تدري خويي لي يقولي ابوك صغير وراه معه عصا قلت يابن الحلال ذي العصا تحل مشاكل و يضرب بها ناس ويلعب بها ماتوقعت يكبرونك
ام سيف: ماتوقعت هاليوم اللي اشوف عبدالعزيز اللي مجنني بشطانته يكبر ويصير حنين
عبدالعزيز: بس لو تفكيني من عيالتس
كان عبدالعزيز يصرف الموضوع ويقلبه لمزح لان يدري في هاللحظه دموعه ماراح توقف بشوف حب امه وابوه له وكيف للحين يشوفونه صغير ممكن لانه اخر عيالهم؟
ابو سيف: ها انقلع وخلني ارقد
عبدالعزيز : ابشر
ابو سيف : ورا ماعاد تاخذ من صندوق المحل شي
عبدالعزيز: هذا كبري واخذ فلوسي من ابوي؟
ابو سيف بحده : فلوسك تاخذها ولو انك شايب وعندك رجاجيل وحتى وانا ميت ميت تاخذها
عبدالعزيز قرب وباس راس ابوه وقال
عبدالعزيز: بسم الله عليك يبه وابشر اخذها من ورا خشمي مير لا تكسرني وتجيب طاري هالموت
ابو سيف : الله يصلحكك ، ومافيه روحه العصر لرعد
عبدالعزيز: وراك على رعد؟
ابو سيف : وانت كل ما جاء العصر رحت هناك
عبدالعزيز: شرايك طيب تاخذ عماني وانا ونروخ المزرعه نتقهوى واشوف رعد ونرجع
ابو سيف : يا شيخه ولدتس كيف يقنعني ويقلب الموضوع لصالحه كذا؟
ام سيف : عبدالعزيز هذا
ضحك عبدالعزيز وباس راس امه وابوه وقال : تعالي يمه نطلع ابوي واضح بيرقد
ابو سيف : ايه بالله مير يا شيخه لا اطول شوي وقوميني
ام سيف : ابشر
____________________
ابو فهد : جهزتوا اغراض المكشات؟
ام فهد : هو انا امداني يا تركي الله يهديك تعبت لحالي
ابو فهد : ابشري بعزتس وش بغيتي بس
ام فهد : عيالك لا لهم فايده لو انهم بنات ازين
محمد : افا
ام فهد : اقطع انت
ابو فهد : ههههههه وش نوحه
ام فهد : خله عنك يخثردز
فهد : هههههههههههههه على قلبي الشمالي والشماليه
ام فهد : اي بالله محمد ماغير يتوغدن
محمد : يبه شف فهد تسيف يبحر
فهد : انزح وراك بس
حمد : انا العرب يقولون لي وراك يومن تهرج نجدي ويومن شمالي
ابو فهد: اجابتك معروفه
حمد: هالله هالله
________________________
بيت ابو صالح الكل جالس برا الا ساره
الساعه 3:30
راح صالح لغرفه ساره وهالمره حلف يكلمها دخل عند ساره وساره شافته وتاففت وجت بتطلع ومسك يدها صالح
ساره : بعد يدك
صالح: يابنت خلينا نتفاهم اقلها بس !
جلست ساره و صالح قدامها وعينها بعينه
صالح: لين متى هالصد ؟
ساره : لين ينجبر كسر قلبي
كانت هالجمله مثل السكين على قلب صالح
صالح: افا ينكسر قلبتس مني؟ تدرين اني شكثر احبتس و الف وسيفين الا وتزوجتس من بد العالم و صراع مع عمير
( خاطب ساره قبل صالح وصالح قدر يطلع عنه اي شي علشان يخرب زواجهم وياخذ ساره)
ساره : مو هذا اللي كاسرني ! لو اني ما احبك ما بقيت عندك ولا على ذمتك!
صالح وهو ماسك الغصه: ساره ادري اني غلطان وغلطتي مالها اي تبرير بسس والله والله ماكان بالقلب غيرتس
ساره نزلت دموعها وصدت
صالح: والله يا ساره محد سكن هالقلب الا انتي وحتى باليوم اللي اكون عندها ماني بحاس نفسي وبعد ما اطلع من عندها مليون سؤال براسي ليه اجيها وانا احب ساره ليه اسوي كذا وساره تغليها احس شي يوديني غصب