بلاي حبيت نجديه

59

عبدالعزيز حس بنظرات دانه ناظرها وابتسم
دانه بارتباك شالت عيونها وخافت يفهم غلط
ابو سيف: حلفت يا هزاع انت و عقاب منتم راقدين الا عندي
عقاب: لا تحلف يا رجال بناخذ ..............
ابو سيف: انا حلفت و يا ترفه استاذنتس انتي و غاده
غاده: سم ياعمي؟
ابو سيف: ترقدين هنا مع خواتس نجد وريما ودانه
غاده ابتسمت وقالت: اللي تشوفه
اما ابو صالح وعياله وابو فيصل وعياله كلن رجع بيته
ابو سيف: حي الله عيال عمي
عقاب: الله يبقيك
نجد بتعب اهخخ يمه رجولي تكسرت
ام سيف: خلصنا بس روحي فوق تاكدي كل شي نظيف و ودي ذا القدر فوق
نجد: شوي يمه
ام سيف: مافيه شي الحين
دانه : انا اروح عادي
ام سيف: قواتس الله
مها : تعالي ارتاحي
ام دانه : اي بالله تعالي ماغير تشتغلين
ام سيف: هذاني خلصت
راحت دانه فوق وهي ما تدري وين تحط القدر اللي ابتلشت فيه راحت السطح وهي تشوف اغراض كثيره و حطت القدر حست باحد وراها لفت وشافت عبدالعزيز بوجها
دانه : يمهه بسم الله
عبدالعزيز: شجابتس هنا
دانه: اودي اغراض
عبدالعزيز ناظرها بثواني وابتسم وقال: زين
دانه توترت ونزلت تركض
اجتمعوا ابو سيف وام سيف وعبدالعزيز ونجد وريما وعقاب ومها ومنيره وهزاع و ( شروق زوجه هزاع ام دانه وغاليه ) وغاده وغاليه ودانه
ابو سيف: سيف وينهو
عبدالعزيز : عند زوجته اكيد
ابو سيف: واحمد و عمتي ام فيصل راحوا
ام سيف: ايه مع فيصل
عقاب: حي الله عزوز
عبدالعزيز ابتسم وقال : الله يبقيك
هزاع: يا سبحان الله ياذا الولد اني احبه حب مايعلم به الا الله
شروق: ينحب عزوز الله يحفظه
ام سيف جلست و التعب ذابحها
مها : الله يهديتس ارتحتي الحين ؟
ام سيف : اي والله
نجد: بنات تعالوا
اما منيره ذبحها الطفش ولا تعرف احد
ريما و نجد وغاده وغاليه ودانه كلهم اجتمعوا بغرفه نجد و حطوا قهوه و حلى
نجد: تخيلوا بنات فصلت فستان العيد يجنن
غاليه : ماشاءالله انا الخياط طردني قال مافيه وقت
نجد : الله يعز خياطنا
غاده : ياحلوتس يا نجد لو وش تلبسين بيجي يجنن عليتس
ريما : دانه شفيك تهوجسين
دانه : هاه مافيني شي
طق الباب عبدالعزيز وقال : ادخل؟
نجد : دقيقه
عدلت غطاها غاليه و غاده و دانه
ريما : تعال
عبدالعزيز: يلعن ام الطفش اطلعوا معي برا قاعد لحالي !!
نجد: غريبه قاعد بالبيت
عبدالعزيز: اخوياي دجاج راقدين طلعت برا و الديره كلها مافيها احد حتى سلطانوه رايح مايستحي !
ريما: رحمتك بس سوالفنا ماراح تعجبك
عبدالعزيز ضحك وقال : ازين مني اجلس لحالي
دانه : خلاص عادي نطلع كلنا
بعدها بدقايق ضبطوا جلسه لهم وبالحوش وعبدالعزيز معهم متكي
غاده : عبدالعزيز نطالبك تتزوج نبي زواجات بس ريما زواجها اللي بنستانس فيه
نجد : خير وزواجي !
غاليه: قصدها حنا مو من اهل المعرس
عبدالعزيز: انا ودي اقل شي اخطب و املك لان زوجتي ماراح اعذبها معي تسكن معي الديره ثم لا نقلوا اهلي الرياض رحنا الرياض وعلى ما يطلع توظيفي اروح وتروح معي و ننتظر نقلي عز الله بنت الناس عذبتها
غاليه: اي اخطب وملك
نجد : لايكون احد براسك ولا علمتنا
عبدالعزيز: لا بس بقول لامي تدور لي البنت اللي تصلح لي على قولها
دانه : بنات ترا سلمى عازمتنا بكره
عبدالعزيز كان متكي ومفهي بدانه
نجد: ماعلمت شيخه
غاليه: وحنا ما علمنا شروق
غاده: الحمدلله على حالي
ضحكوا كلهم
عبدالعزيز: لا بالله تستاذنين من امي
دانه: ماعندنا الا انت تودينا يا عزوز
عبدالعزيز ابتسم وقال : ابشري بس من ذي سلمى
ريما: عزوز !!!!!
عبدالعزيز: وشو بشوف بيتهم وينه
ريما : اخت نادر خويك
عبدالعزيز: ااييي زين ابشروا على خشمي
________________________________
تقديم للاحداث الى تاريخ ٢٩/٩
( سلطان رجع لديره و ام فيصل وفيصل واهله واحمد راحوا لديره العنود رجعت بيت ابو سيف)
7:30 الصباح
ام سيف: اقول ياعبدالله
ابو سيف: امري ياعيون عبدالله
ام سيف: قول للصبيانك دامهم فاضين يغسلون الحوش علشان الليله نفرش الزل محد ترا فاضي باتسر
ابو سيف: المجالس على الصبيان لا خلصوا بدري فتحت الباب هذا وخليتهم يجون ( المجالس بجمب بيت ابو سيف)
ام سيف: اي وعاد لازم ينظفونه زين العيد الاول الصباح عندنا واهل الديرع كلهم بيجون
ابو سيف: على خشمي
ام سيف: عليه الشحم
طق الباب سيف وقال : السلام عليكم
ابو سيف: يا هلا بالغالي
سيف: الله يبقيك يبه
ابو سيف: وين السمي؟
سيف: راقد
ابو سيف: الله يهديه وهو احد يرقد الحين؟
سيف: انا ادري يبه
ابو سيف: عزوز وينه
ام سيف: اتوقع راقع
ابو سيف: وعزز وريما
ام سيف ضحكت وقالت : بعد راقدين
ابو سيف: ترا بنفطر انا وامك برا البيت اليوم لا تنتظرونا
سيف : احلى يا رومانسه
ام سيف: سيفف !
سيف ضحك وقال : ابشروا
____________________________________
اما عقاب وحريمه استاجروا بيت بالديره ما يبون يضايقون ابو سيف ومنها ياخذون راحتهم
عقاب: كيف البيت عساه طيب؟
مها : اي الحمدلله
منيره : عقاب ودني لبيت اختك بدريه
عقاب ابتسم وقال : ابشري من عيوني
مها انصدمت من كلامه معها ضحكت بداخلها وقالت يعوضني ربي بخير
منيره: يابعد هالدنيا يا عقاب
مها : بشوف فارس طول وهو راقد
راحت مها و عقاب اشر لمنيره جمبه وقال : تعالي ياروح عقاب هنا
منيره: تعال الغرفه
عقاب: صايمين صامين
ضحكت منيره وقالت : مايصير شي تعال
راح عقاب معها ومنيره قفلت الباب وجلست جمبه وكانت قريبه منه و وجهها قريب من وجهه عقاب ابتسم وعيونه بعيونه وقال : احبتس
منيره وحي حاطه يدينها على وجهه وتمسحها بخفه : اموت فيك واعشقك
عقاب: بوريتس وش جبت لتس
منيره بحماس : وشو؟
عقاب ضحك وقال اصبري طلع من جيبه خاتم وقال : يزهاتس هذي عيديتس
منيره حضنته بقوه وقالت : يابعد قلبيي يا عقااب
عقاب: عجبتس؟
منيره : وهو تجيب شي مو حلو؟
عقاب ضحك وقال: قبل اسويلتس شي وحنا صيام اطلعي
ضحكت منيره وقالت صل ركعتين وغمزت
عقاب: هذاني بصلي مير اطلعي هالحين
طلعت منيره وهي تبي تقهر مها
منيره: افف يازين عقاب الله يحفظه لييي ويجعله ذخر
مها وهي تسوي السمبوسه ناظرتها بقرف وصدت
منيره : جعله يعيش و يجيب ياروحي انا ذاكرني وجايب لي عيديه
مها ناظرت باستنكار وشافت منيره ماسكه علبه وفيها خاتم ومنيره تلبسه قدامها اما مها حست نار بقلبها نار و شابه عمر عقاب ما ذكرها وجاب لها عيديه ولا هديه ولا حتى فكر كانت تحسب كذا طبعه ولا يذكر بس الواضح يعرف ويدري بس مستخسر فيها صدت بقهر وهي تكمل
منيره : فروس تعال تعال شوف
فارس: وشو
منيره: شف ابوك الله يحفظه لنا وش جابلي
فارس: الله خاتم
منيره: ايه يهبل
طلع عقاب وسمع فارس
فارس: ماما وين خاتمتس اللي بابا جابه لك نفس خالتي منيره
مها ما ردت على فارس
منيره : شرايك فيه فروس
فارس: مرره حلو حق ماما نفسه؟
منيره : لا ابوك بس جاب لي
قطع حديثهم عقاب وهو يصرف الموضوع: فارس رحت حلقه القران؟
فارس: الشيخ قال اليوم وباتسر مافيه
عقاب: زين ، باتسر العيد ان قالها الله
منيره: اي وكل عام وانت بخير قبل الناس كلهم
ضحك عقاب وحط يدينه ورا ظهرها وقال : وانتي بخير
مها امتلت عيونها بالدموع وتحاول تمسكها
فارس جلس جمب امه وعرف انها متضايقه وقال : تبين اساعدتس ؟
مها ابتسمت وقالت : لا يامي
عقاب بهمس لمنيره: يزهاتس الخاتم
منيره: الله يديمك لي
ابتسم عقاب وقال : انا طالع تبون شي؟
منيره: سلامه عمرك
عقاب: اذا تبون شي ارسلوا فارس
مها : شوي بروح لاختي
عقاب: روحي
منيره : وانا ابي اروح لبدرية
عقاب: على خشمي كم عندي منيره
انصدمت مها زود من فرق التعامل صدت وسكتت
بعدها بدقايق
مها: فارس حبيبي تعال
اخذته مها و بدلت ثوبه
فارس: ماما زعلانه؟
مها : ليه ازعل يا امي؟
فارس: علشان بابا ما جاب لك نفس منيره
مها حضنت فارس بقوه ونزلت دموعها وقالت : لا يا امي
فارس: طيب ليه تبكين
مها : لان اشوف فروسي حبيب امه يخاف عليها ويحبها
فارس: طيب نروح بيت عمي ابو سيف بعدها بروح مع عبود العب بالحاره
مها: عادي ياماما بس جيب ريان ابدل له
ريان : بنروح ؟
مها ضحكت وقالت : الذيب على طاريه تعال بدل بنروح بيت خالتك
بعدها بدقايق راحت مها لبيت ام سيف طقت الباب
نجد : مييين؟
مها: انا انا خالتس
نجد بحماس: هلاا هلاا هلا ربي حيهاا
مها : الله يبقيتس
نجد فتحت يدينها وقالت : فرووسيييي ورييان
ركضوا وحضنوها
ام سيف : هلا هلا الله حيي..... شفيتس ليه وجهتس كذا
مها وهي تبين الابتسامه: مافيني شي
ام سيف: ورع انا !! علامتس
مها طحضنت ام سيف وسمعت شهقات مها دخلتها غرفتها وقفلت الباب
ام سيف: امي انتي شفيتس؟
مها وهي ميته من الصياح بحضن ام سيف علمتها كل شي
ام سيف: اجل طلعت تعرف الهدايا يا عقابوه
مها : انا ما همي الهديه كثر فرق تعامله ! ياشيخه قلت له بروح لبيت اختي قال روحي ويوم شينه الحلايا قالت بروح لبدريه تدرين وش قالها ! قالها على خشمي كم عندي منيره!!
ام سيف حضنتها وقالت : افا عليتس بس ماعليتس منه وعقابوه ذا انا اوريتس فيه
اما فارس قال لنجد: نجد انتبهي لريان انا بروح مع عبود
نجد : اقعد تخاف على اخوك؟
فارس : ايه اكيد
نجد : من عيوني استاذه فارس
فارس : عبود نروح
عبود : ايه
فارس : بروح محل عمي ابو سيف
عبود باستغراب: لييه
فارس : ابي اشتري شي
عبود ضحك وقال : هذا ذهب وش فيك ما نقدر انا وانت نشتري
فارس: لا ماعليك انا بقدر تعال
قارس : السلام عليكم
قاسم : حييي الله عبود و فروس وش بغيتوا
فارس : نبي نشتري !
قاسم : تشتري بس كل اللي هنا غاليه وانا ابوكم
فارس : ما يغلى شي على امي
ضحك قاسم وقال : الله الله يا فروس بعدي هذا البر
ابراهيم ضحك وقال : شفت حتى وراعينهم شرا الذهب نفس الحلاو وانا بعمره الحلاو ما اعرفه
قاسم تنهد وقال : الدنيا كذا
فارس : ياعمي ابي ذا
قاسم : ابوك وينهو؟
فارس : مابي ابوي يدري
قاسم : شف لا جاني ابو سيف وقال بع لفارس ابشر على خشمي
فارس : بس ياعمي!!
قاسم : لا بس ولا شي ترضى ابو سيف يطردني ؟
فارس : لا
قاسم : ها رح واستاذن منه
فارس: على خشمي
قاسم : عليه الشحم
عبود : قايل لك
فارس : انا حالف بس وين نلقى عمي ابو سيف
عبود : جدي تلقاه بمجالسه
فارس : مشينا
دخلوا المجالس عبود وفارس
ابو سيف ابتسم وقال : حي الله احفادي
عبود : الله يبقيك
تقدم عبود وهو يبوس راسه و فارس بالمثل
ابو محمد: يازينهم زيناه هذا ولد عقاب
ابو سيف: هالله هالله شبغيتوا؟
عبود : فارس يبي يشتري من محل وقاسم عيا
ابو محمد ضحك وقال : اكيد يعيي ذهب ذا مو لعبه
ابو سيف حس بالموضوع شي وقال : تعالوا تعالوا
التفت على اللي بالمجلس وقال : استاذكم
الكل : اذنك معك
ابو سيف: فارس يابوك شتبي بالذهب
فارس : ابيه لامي
ابو سيف: امك قايله لك؟
فارس هز راسه بـ لا
ابو سيف: اجل وراه
ابو سيف: ابوي جاب لخالتي منيره وامي لا واحسها زعلت وابي اجيب لها
ابو سيف تنهد وقال : لا حول ولا قوه الا بالله عقاب ما يترك حركاته ياما قلت له اعدل
فارس : تكفى ياعمي قاسم عيا يبيع لي قالي لين ابو سيف يقولي بع له
ابو سيف: وفلوسك من وين جايبها
فارس : من فلوسي
ضحك ابو سيف وقال: بعدي كم فلوسك؟
فارس طلع فلوسه
ابو سيف ضحك وقال : واجد ذي
فارس: عادي فدا راس امي
ابو سيف تعالوا معي
راح المحل وعطا عبود خاتم و فارس خاتم وقال : كل واحد يعطيه امه واذا قالوا من وين لا تقولون غير شريناه من محل جدي ابو سيف واذا مره مره لزموا الامر قولوا لنا فلوس عند جدي ابو سيف وشرينا بها وانت يا قاسم انت وابراهيم لا يطلع العلم
ضحك قاسم وقال : على خشمي
ابو سيف التفت له وقال : عليه الشحم
ابو سيف: انطلع انت وياه لامك
فارس : ماقلت لك بحلها؟
عبود : والله كففوو
فارس : مشينا
عبود : قبل امي تفقدني لان ما استاذنت منها
راحوا للبيت وكل واحد راح لامه
فارس : يمه
مها: هنا يا امي
نجد بقهر: وفوق ذا كله قاعده عنده مدري شحادك !
مها: خلاص فارس جاء
فارس : يمه غمضي عيونتس
مها باستغراب : ليه
فارس : يمه تكفين
مها غمضت عيونها وطلع فارس الخاتم والكل مستغرب
فارس : افتحي
مها : من وين جايبه ذا؟
ضحك فارس حضن امه بقوه
مها حضنته ودموعها نزلت ما توقعت بيوم فارس بيكبر ويصير يحس فيها ويحاول يعوضها عند ابوه
فارس : انا جبته علشان تستانسين مو تبكين
مها : من وين جبته هذا ذهب؟
فارس : ايه ومن محل عمي ابو سيف بعد
نجد باستغراب: كيف بعته قاسم حنا وحنا بناته مايبيع لنا يقول لين يجي ابو سيف
مها : من وين جبت فلوسه !
فارس : سر
مها : فروس لا تخليني اعصب من وين
فارس : يمه مقدر اقول
دخل ابو سيف وقال السلام عليكم
الكل رد السلام
ام سيف: اننت بايع له
ابو سيف: هو وعبيدان جايين لي كل واحد يبي لامه وينهو عبود
عبود : ماما جبت لك هديه
العنود باستغراب: وش هي
عبود طلع الخاتم وقال : شوفيي
العنود بخوف: يجنن بس من وين جبته؟
عبود : شريته
العنود: ذا ذهب كيف شريته !
عبود : من محل جدي
العنود سمعت صوت ابو سيف وطلعت وقالت : السلام
الكل رد السلام
العنود: صدق هالكلام ياعمي؟
ابو سيف: عيالكم جاييني بفلوس وقالوا نبيها لامهاتنا اردهم؟
العنود: وعبود من وين له الفلوس
مها انحرجت لايكون فارس علم ابو سيف
ابو سيف : لا لا العلم الصحيح جوني وكل واحد معه فلوسه اللي مجمعها ورديتها وعطيت كل واحد خاتم عيديه من عيالكم لكم علامكم؟
ام سيف ضحكت وقالت : يازيينن اللي يفكرون بامهاتهم
نجد : شفتي مو نفس عيالتس مافكروا فيتس
ام سيف: علامتس على اخوانتس
ابو سيف ضحك وهو عارف بخطه عياله : وراكم عجلين
طق الباب
ابو سيف: عبود انت وفروس افتحوا الباب والاكياس جيبوها عندي
فارس وعبود: سم
فتحوا الباب
قاسم: وين عمي
فارس: قالنا نجيب الاغراض
قاسم: مايصلح
ابو سيف بصوت عالي: عطهم يا قاسم
قاسم بصوت عالي : ابشر ابشر
ام سيف باستغراب :وش جايب؟
نجد بحماس: اوووووههه عيدياتنا
ابو سيف ضحك وقال : بععددييي نجد ابوها تلقطها وهي طايره
ام سيف: الله يهديك كلفت على نفسك كل ذا !
ابو سيف: كل اللي انا فيه ولي لكم